مش شرط يكون مقترن الحرمان جميع الاكلات اللي بتحبها بالرجيم لانك من خلال رجيم السعرات بتقدر تاكل اللي بتحبه ولكنك بتحسب السعرات والمهم ان عدد السعرات اللي داخل الجسم يكون اقل من عدد السعرات اللي بيحتاجها الجسم يومياً في المقالة دي هنقولك طريقة عمل رجيم السعرات .

رجيم السعرات بيعتمد علي ان حجم السعرات اللي بتدخل الجسم تكون اقل من اللي بيحرقها الجسم علي سبيل المثال لو الشخص بيحتاج في اليوم 2200 سعر حراري اذا عن طريق السعرات هياخد في حدود من 1200-1400 سعر اذاً ال 800 سعر المتبقين اللي محتاجهم الجسم بياخدهم من مخزون الجسم وبالتالي بيساعد الجسم انه يخس .

عشان الجسم ياخد من المخرزون بيبقي لازم يحرق الوجبة كاملةومن المهم توقيت الوجبة وعدد سعرتها (الفطار الساعة 9 صباحا في حدود 300سعر بيضمن ان معدل الحرق بيبقي كويس فبيحرق بالكامل _الغدا 600 سعر وجبة متكاملة من البروتين والنشويات وسلطة وخضار وهيكون الخسسان بصحة بدون أي مضاعفات والوجبة ال 600 سعر دي لو كانت الساعة 9 بليل الجسم مش هيقدر يحرقها بالكامل وبالتالي هيخزنها الجسم كدهون ) اذا الرجيم وحده غير كافي في تعليمات مصاحبة ليه لا تقل أهمية عن النظام الغذائي نفسه.

كل شخص فينا بيحتاج عدد من السعرات الحرارية المختلفة عن التاني ولكن للنساء بعد سن الرشد بيحتاجوا من 1000 ل 1400 سعره حررية لخسارة الوزن .

بيحتاج كل شخص من 25 -35 سعر علي كل كيلو جرام من وزنه ، يعني بنضرب الوزن وليكن 70 × 25 او 30 او 35 علي حسب لو الشخص بيبزل مجهود كبير يضرب في 35 ولو بيستخدم مجهود متوسط داخل البيت يضرب في 30 ولو بيبذل مجهود قليل او ضعيف جدا يضرب في 25 .

بيحسب عدد السعرات اللي بيحتاجها يوميا لجسمه وده بالنسبة للسيدات اما للرجال فبيحتاجوا يوميا من30-35 سعر علي حسب المجهود ،بيقل عدد السعرات اللي بيحتاجها جسم السيدات بمجرد تخطي سن ال 45 او الدخول في سن الياس عموما لان معدل الحرق في جسمها بيقل بالتالي بتحتاج لسعرات حرارية اقل ، في الوقت ده مش بتحتاج اكتر من 20-25 سعر حراري لكل كيلوجرام .

وهناك طريقة اخري عن طريق ضرب وزن الجسم وليكن 70 × 24 عدد ساعات اليوم ×1 لو كان الشخص مبيعملش مجهود ونضرب في 1.3 لو كان الشخص مجهوده ضعيف ونضرب في 1.4 لو مجهوده متوسط او نضرب في 1.5 لو كان الشخص مجهوده كبير .

الفطار بيضة مسلوقة او6 معالق فول بزيت زيتون و2 كوب من السلطة و3 معالق بليلة قليلة الدسم و3 شرائح توست بني او نص كوب من الشوفان مع كوب لبن خالي الدسم مع ثمرة فاكهة .

وجبة بعد الفطار بساعتين او 3 ساعات (تفاحة او 3 تمرات او 6 حبات لوز غير مملح ) .

الغداء قبل الساعة 6 مساءا علبة تونة (بدون زيت ) او صدر فراخ مشوي او صدر رومي مشوي و2 كوب سلطة او خضار مبوخ و2 شريحة توست بني او 6 معالق ارز بسمتي .

العشاء حاول تتجنب النشويات في العشاء والدهون علي قدر ما تقدر (جبنة قريش +سلطة او 6 معالق كورن فلكس (قمح كامل ) +كوب لبن +ثمرة فاكهة .

الفطار 4 معالق بليلة بكوب لبن خالي الدسم +معلقة صغيرة عسل او 4 معالق فول او 4 معالق جبنة قريش + نصف رغيم بلدي + ثمرة طماطم او خيار
بعد الفطار بساعتين ثمرة فاكهة او كوب عصي برتقال .

بين الفطار والغدا 3 ثمرة خيار وثمرة جزر او 3 قطع بروكلي وثمرة جزر .

والوجبات الصغيرة دي مهمة جداعشان يحافظ علي معدل السكر في الدم وميهبطش بصورة مفاجأة .

(الغذاء) كفتة سردين (200 جرام سردين مخلي او مفروم وربع حبة بطاطس مسلوقة ومعقلة بقدونس ومعلقة كبيرة خضراء مفرومة و2 معلقة بصل ومعلقة عصير ليمون وبشر نص ليمونة ورشة شطة وبقسماط )+ربع رغيف بلدي +بروكلي مسلوق +سلطة
العشاء 2 ثمرة فاكهة

اليوم الثاني (الغداء) فراخ بالمايونيز (ربع فرخة مسلوقة و2 معلقة مايونيز دايت ونصف بصلة مشوية وحبة فلفل رومي مشوية وحبة طماطم مشوية ونصف ليمونة )+حبة بطاطس مشوية في الفرن +سلطة .

العشاء تفاحة مشوية في الفرن مع رشة قرفة ومعلقة عين جمل .

اليوم التالت
(الغدا )طاجن رز بالفراخ والخضار (5 معلقة أرز مسلوق ونصف كوب بسلة وجزر ومشروم وبروكلي مسلوقين وشرائح صدر فرخة مسلوقة ورشة بهارات ومعلقة مايونيز دايت +سلطة ) .

العشاء 2 بيضة مسلوقة مخلوطة بخس وخيار ومعلقة مستردة .

اليوم الرابع
سلطة الفراخ البانية (صدر فرخة مخلي وبيض وبقسماط ونصف كوب خس ونصف حبة طماطم مكعبات +اربع اكواب فاصوليا حمراء مسلوقة او 2 معلقة ذرة حلوة ومعلقة بصل مكعبات وبصلة خضراء او مفرومة و2 معلقة فلفل الوان مكعبات ومعلقة شيدر مبشورة ومعلقة زيت زيتون للتتبيلة و2 معلقة عصير ليمون وملح وفلفل )

العشاء 3 معالق فول مهروس مع معلقة بصل ومعلقة طماطم ومعلقة بقدونس ورشة كمون .

اليوم الخامس
الغداء صينية بطاطس بوريه بالخضار (حبة بطاطس مسلوقة وبيضة ومعلقة لبن وملح وفلفل و3 معالق لحمة معصجة و3 معالق خضار مشكل مسلوق و3 معالق جبنة شيدر مبشورة )+سلطة .

العشاء 3 معالق جبنة قريش +سلطة +كوب عصير برتقال .

اليوم السادس
كوسة بالباشميل (3 حبات كوسة مقطعة ومعلقة زيت وفص ثوم ومعلقة كبيرة خضراء ونصف كوب شوربة منزوعة الدسم و3 معلقة لحمة معصجة وكوب باشميل دايت عبارة عن كوب لبن خالي الدسم ومعلقة دقيق )نصف رغيف بلدي +سلطة .

العشاء كوب زبادي 200 جرام .

اليوم السابع
طاجن فول بالشكشوكة (نصف بصلة ونصف حبة فلفل رومي وفص ثوم وحبة طماطم مكعبات وبيضة و3 معالق فول متبل بالملح والليمون والكمون +نصف رغيف بلدي +سلطة .

العشاء كوب زبادي +ثمرة تفاح .

في بعض الأجهزة الحديثة اللي بتحسب حجم السعرات اللي بتاخدها كل يوم وفي تطبيقات ممكن تساعدك تحسب حجمها منها :-
تطبيق Bitesnap بيتيح للمستخدم تتبع غذائه اليومي من خلال الصور وعلى عكس التطبيقات الأخرى، لن يلزمك في تطبيق Bitesnap إدخال الأطعمة اليومية بطريقة يدوية …

كل اللي عليك هو التقاط صورة لوجبة الطعام التي ترغب بتناولها وهيقوم التطبيق بالتعرف عليها تلقائياً بعد إجابتك عن بعض التفاصيل وتأكيد بعض المعلومات البسيطة.

بعدها هيقوم التطبيق بحساب معدل السعرات الحرارية داخل الأطعمة في الصورة ومعرفة أهم العناصر الغذائية داخلها.

حيث يوفر التطبيق معلومات مفصلة وإحصائيات حول معدلات السعرات الحرارية بشكل يومي ومدى تلائمها مع المعدل الطبيعي.

تطبيق حميتي هتعرفي من خلاله علي عدد السعرات الحرارية وطريقة اختيار الاطعمة للحصول علي جسم رشيق وصحي .

تطبيق MY FITNESSSPAL التطبيق ده بيتيح لك مراقبة السعرات الحرارية والنشاط الرياضي اللي بتمارسه يوميا وبيشتمل علي مكتبة لمعرفة افضل الاطعهة اللي يمكنك تناولها .

تطبيق الوزن المثالي التطبيق ده هيساعدك علي تحديد اذا كان وزنك طبيعي او لا عن طريق ادخال الوزن والطول وبيبدأ التطبيق يحسب مؤشر كتلة الجسم وبالتالي بيقوم بمراقبة وزنك وغذائك وعدد السعرات الحرارية اللي بتحتاجها يومياً ..

حاول التقليل من كميات الاكل تدريجيا ، يعني لو شخص متعود ياكل رغيف ونص في الفطار قلله تدريجيا لرغيف لمدة أسبوع ثم رغيف الا ربع الأسبوع اللي بعده ثم نص الأسبوع التالي .

المعدة بتبدأ تتعود تدريجيا علي الكمية القلليلة بدل من التخفيض المفاجئ والشخص يضطر انه ميلتزمش بالدايت ، وكمان عشان الجسم ميبداش بعد أسبوعين من الريجيم يثبت وزنة تدريجيا بسبب ثبات كمية الاكل والسعرات اللي داخلة للجسم .

افضل طريقة عشان تنزلي في الوزن انك تغيري النظام الخاص بيكي كل أسبوع عشان الجسم يحس باختلاف وتنزلي بطريقة اسرع في وجود أي حالة مرضية او صحية خاصة من المهم المتابعة مع الدكتور ع نظام الرجيم الخاص بيكي .
حاول التقنين في كمية النشويات الأرز والبطاطس والمكرونة ، لانهم بيحتوا علي عدد عالي من السعرات ، لا تمنعهم اطلاقا لان الجسم بيحتاجهم ولكن يجب متابعة الكمية الماخوذة يوميا .
حاول ان لا تركز علي عدم تخطي السعرات الحرارية المخصصة ليك ،مع اهمال نوعية الاكل وهل به فوايد ام لا ، لان ده ممكن يسببلك العديد من الاضرار الصحية بعد فترة .
المياة الغازية والشيبس والمقرمشات يجب حسابه .
رجيم السعرات بيعتمد علي (كميات _انواع_مواعيد _وتثبيت المواعيد ).