بعد أكتمال طفلك عام من عمره ولا يستطيع أن ينطق الكلمات الأساسيه بشكل جيد مثل ( بابا ، ماما ، تيته ، جدو ) ، أو حتي يتهتهه بها ، اذن فهو لديه مشكله في النطق ويجب عليكي مساعدته ، وتوجد طرق كثيره تستطيعين أن تساعديه بها حتي يستطيع النطق بشكل جيد مثل باقي أطفال سنه وهما :

أتكلمي كتير جدا قدام طفلك سواء بشكل مباشر او غير مباشر ولكن الأفضل تتم عمليه الكلام بشكل مباشر ، حتي يري طفلك أشارات وجهك وتعبيرات جسمك المختلفه ، لأنه في هذا السن محتاج دايما الكلام مصحوب بلغه الجسد علشان يقدر يفهمه ولما يبدأ ينطق يقلد نفس التعبيرات ..

_ حاسه البصر من أكتر الحواس اللي هتساعد طفلك ينطق بشكل كويس ، وهتقدري تعتمدي عليها بأنك تخليه يشوف اللي تقصديه أو بتوجهيه لفعله ..

_ علي سبيل المثال : أطلبي منه يخلع حذاءه خارج المنزل وفي نفس الوقت أنتي هتكوني بتعملي دا بأنك تقوليله ( يلا يا حبيبي هنخلع الحذاء مع بعض ) وأنتي طبعا هتكوني بتعملي الفعل دا مع الكلام .. وكرري العمليه دي مع كل شئ زي تناوله لطعامه شاركيه فيه والشرب والنوم وكل شئ ..

_ لو أتكلمتي بس معاه بشكل مباشر وطبقتي الخطوتين السابقتين بشكل جيد ، بدون ما تعرفيه ان الكلام وسيله أتصال بينكم وأنه الحاجه الوحيده اللي هتساعدك أنك تفهميه وتعرفي بالظبط كل أحتياجته ، مش هيحس ان الكلام ليه اي اهميه وبالتالي مش هيحاول ينطق ويتجاوب معاكي ..

_ علي سبيل المثال : ألعبي معاه بلعبه وقوليله ( خد اللعبه دي وأستني منه يقوم برد فعل وياخدها ) ولم مأخدهاش رجعيها مكانها وكرري كل شويه العمليه معاه لحد ما يفهم أنك كلامك ليه قيمه وأنه لازم ينطق ويفهم كويس أنتي بتقولي ايه ! ..

_ تعمدي أنك تشغلي الراديو في البدايه جمبك وقعديه معاكي يسمع اللي بيتقال وحاولي تركزي كويس مع الردايو وتخليه يبصلك كل فتره وأنتي مركزه مع الصوت ، بعد فتره هتلاقيه بيحاول بيستغرب من الصوت بدون رؤيه ..

_ وبعده قعديه جمبك ولوحده لفترات كبيره قدام التلفزيون يسمع الكلام وخصوصا الكلام الصحيح مش الكارتون علشان يبدأ يتكلم بشكل صحيح ويحاول يقلد الكلام ..

_ الأطفال مهما كان سنهم بيحبوا جدا التمثيل وأنه يشوف أكتر شخصيه مقربه منه بتعمل حركات غريبه قدامه وهو مش فاهمها ، فأنتي أستخدمي النقطه دي بأنك تخليه ينطق ويتجاوب معاكي ..

_ علي سبيل المثال : عند تناوله للطعام ، قومي بعمل بعض الحركات علي معدتك ثم معدته لكي يفهم بأنك تمثلين الجوع وأن المعده حالا تحتاج الأكل ثم ألبسي مريله الأكل وألبسيه الخاصه به وأمسكي المعلقه وأعملي بها حركات في الهواء حتي يضحك ثم أعطيه معلقته وأستخدمي العديد من الكلمات عنده اكله مثل ( لقد حان وقت الطعام ، يلا نخلص الطبق كله ، طعمه جميل ) وعرفيه أسم الوجبه اللي بيأكلها عن طريق ذكررها كثيرا أثناء الأكل ..

متقلقيش علي طفلك لو تأخر النطق عنده ، هتقدري تساعديه اكيد يتكلم ..
أعرضيه علي الطبيب المتخصص لو حاولتي معاه بكل الطرق ومفيش فايده .
فيه أطفال كثيره بتوصل للعامين ومبتنطقش أطلاقا وبعده بينطق ، فأكيد هتوصلي لحل معاه .
بلاش تخلي كل علاقه طفلك بيكي وبالوالد فقط ، خرجيه كتير ووديه نادي وسبيه يتعامل مع أطفال كتيره بنفسه .