من أهم علامات الجمال بالنسبه ليكي بالتأكيد هي أظافرك ، وبتسعي طول الوقت أنها تكون جميله وطويله وقويه ، بس للأسف في كتير من الأوقات بعد ما تتعبي في تربيتهم ويوصلوا للطول اللي أنتي محتاجه بيتكسروا بسهوله ، علشان كدا جمعنالك مجموعه من الطرق سواء بعلاج طبي أو خلطات طبيعيه تساعدك في تقويهم وتطويلهم بشكل صحي :

_ Nail 15 من أهم العلاجات اللي هتساعدك بشكل سليم أنك تقوي أظافرك وتطويلهم وبنسبه كبيره جدا عمرهم مهيتعرضوا للكسر طالما بتستخدميها بإستمرار ..

_ و Nail 15 عباره عن مقوي أظافر علي هيئه قطره ، هتقدري تشتريه من أي صيدله وخصوصا الصيدليات الكبيره وسعره حاليا ” 30 جنيه مصري ” وهو براند موثوق فيه وذو رائحه طيبه جدا وملمس ناعم لأظافرك .

_ وهتقدري تستخدميه بسهوله عن طريق وضع قطره علي الظافر وتحركيها بشكل دائري وبهدوء حتي تتغلل في الظافر وتنشطي الدوره الدمويه لأظافرك ، ولازم تستخدميها مرتين يوميا وتسيبها علي أضافرك لحد ما تمتصهم تماما .

_ هتبدأي تلحظي النتيجه بعد شهر بالظبط وهتشوفي مدي قوه أظافرك وطولهم الواضح بشكل ملحوظ .

_ حطي 4 معالق زيت زيتون مع معلقتين لبن في طبق ، وحطي ضوافرك لمده 10 دقايق فيهم وبعده قطعي ليمون وأعصريها كلها علي ضوافرك وأعمليهم حركه دائريه علشان الدوره الدمويه تتنشط بداخلهم .

_ أستخدمي الخلطه بشكل يومي والنتيجه هتبدأ تظهر ليكي بعد أسبوعين بالظبط ، وبلاش تحطي مانيكير بعد الخلطه ، حاولي دايما أنها تكون في نهايه اليوم علشان تجبرك تشيلي المانيكر لأنه بسهوله مينفعش يفضل علي ضوافرك يومين بشكل متواصل لأنه هيرهقهم وهيؤدي لكسرهم بسهوله .. فالخلطه هتريحهم في نهايه يومك الطويل .

_ صفار البيض بيدخل في معظم الوصفات الطبيعيه لأنه مفيد جدا وكذلك العسل ، فأنتي أخلطي الأتنين مع بعض وزودي ليهم معلقه ملح صغيره وأتركي ضوافرك فيهم لمده تترواح من نص ساعه لـ ساعه الإ تلت .

_ وقومي بتجهيز طبق مليان مياه بارده بشكل ملحوظ مع ملح وحطي ضوافرك فيهم لخمس دقائق .. وحاولي تتدوامي علي الخلطه يوميا او يوم بعد يوم ..

_ ممكن يكون صعب عليكي تحطي بشكل يومي ماء الثوم علي ضوافرك قبل ما تنامي ، بس لأفضل نتيجه ودوام علي طولهم لازم تتجهي لماء الثوم يوميا ، بأنك تتدلكي بيه ضوافرك وتصحي الصبح تغسليهم كويس .. وهتلاحظي بنفسك مدي التغيير اللي بيحصلهم بسب ماء الثوم ..

_ وتقدري توفري ماء الثوم بسهوله عن طريق ضرب مجموعه من التوم مع نص معلقه ماء في الخلاط الخاص بيكي ، أو طحن مجموعه من الثوم في أناء وتاخدي المايه اللي نزلت في الثوم وتستخدميها ..

أستخدمي المبرد بشكل شبه يومي لتهذيب ضوافرك .
بلاش تقصيه بالمقص نهائيا أو اي القصافه ، فقط أستخدمي المبرد ومتوفر أنواع كتيره مضمونه وبسعر مناسب .
أستخدمي الليمون كل يوم بأنك تعصريه كويس علي ضوافرك وهو هيقوم بدور تقويتهم والمساعده في تطويلهم علي أكمل وجه .
بين الحين والاخر أعملي باديكير ، وركزي كويس جدا مع اللي بتعملهولك وتقدري تشتري أدواته وهتلاقيها متوفره بسعر مناسب جدا عند محلات التجميل بسهوله وتعمليه لنفسك .
بلاش تأكلي ضوافرك بأسنانك ، لأنك بتموتيهم بشكل كبير وهتحتاجي مجهود مضاعف علشان يطولوا .
المانيكير بشكل يومي بيأثر بالسلب وبيضعفهم ، لو مستحب عندك بشكل يومي فلازم تمسحيه قبل النوم وتتدهني ضوافرك كويس بالليمون .
لو ظهر لون أبيض علي ضوافرك حطيهم في ماء بليمون لمده 10 دقاديق وبعده فازلين