المنتسوري هو نظام تعليمي أخترعته ماريا مونتسوري الإيطالية بيدور حوالين الطفل ومبني علي ملاحظات للأطفال من عمر الولادة وحتي البلوغ. طريقة المنتسوري بتهتم بالطفل من جميع النواحي سواء البدنية أو الذهنية أو العاطفية أو الإجتماعية. لو عاوزة تتعلمي ازاي تطبقي نظام المنتسوري لطفلك من سن ٦ سنوات اتبعي الطرق دي:

  •  اتبعي الطفل

أهم قاعدة محتاجة تستخدميها مع طفلك في نظام المنتسوري أيا كان عمر طفلك هو أنك تتابعي شغف الطفل واهتماماته وادليه مساحة يهتم بالأنشطة والتجارب الي تعجبه.

  •  مجموعات العلوم

في مجموعات علمية ممكن تحصلي عليه أو تعمليها لطفلك في البيت بتكون بتدور حوالين أنشطة مناسبة للسن من ٦-٩ سنوات بتبقي عبارة عن أنشطة زي: صناعة الآيس كريم – صناعة البرفان – زراعة نبات أو عشب. في المجموعات العلمية دي بيبقي معاها كتيب التعليمات والأدوات الي محتاجاها عشان تنفذي النشاط العلمي ده. ممكن تجهزي المجموعات دي في البيت باستخدام الانترنت لجمع المعلومات حوالين الموضوع العلمي أوالتجرية الي الطفل مهتم يمارسها وتوفري من الأدوات المتاحة في بيتك ما يساعده في تطبيق الإرشادات لعمل التجربة العلمية علميا.

  •  أدوات البناء

من الأنشطة المناسبة لسن ٦-٩ سنوات من أنشطة المونتسوري هو المكعبات بأنواعها المختلفة سواء الخشبية أو البلاستيكية زي الليجو.

  •  الركن الفني

جهزي لطفلك ركن في أدوات فنية من ألوان وورق ومقص مناسب لعمره وغيره. ممكن كمان الركن ده يحتوي علي أدوات خياطة وكروشيه.

  •  التليسكوب

التليسكوب من الأدوات الي أطفال كتير بتحبها في تعليم المنتسوري. ممكن تشتري تليسكوب وتحطيه قرب الشباك وتسمحي لابنك أنه يشاهد النجوم بالليل في وجودك حفاظا علي من خطر الشباك.

  •  الرياضة والإنطلاق

عجلة وخوذة أو لوح تزلج أو الأدوات الرياضية المخصصة للرياضة الي الطفل مهتم بيها. ممكن تتعلموا مع بعض عن الرياضة دي وعن أكبر أبطالها وتشوفوا مع بعض فيديوهات هنا وطبعا مهم جدا أنه يكون مسموح للطفل أنه يمارسها.

  •  ألعاب النقود

الألعاب الي فيها فلوس بتعلم الطفل مهارة التعامل مع النقود والعد والزيادة والنقصان ويبدأ يحس بقيمة الفلوس. كاشير السوبر ماركت أو غير من الألعاب الي فيها فلوس جزء أيضا من أنشطة المنتسوري في السن ده.

  • نصائــــح

تستمر جميع قواعد تعليم المنتسوري العامة مع الطفل أيا كان عمره