عشان تكون متحدث لبق لازم تكون عارف تفرق بين وقت الكلام ووقت السكوت وعارف التصرفات اللي بتضايق الشخص اللي بتتحدث معاه والتصرفات اللي بتفرحه وبتخليه يسمعك باهتمام …في عدة نقاط مهمة لازم تاخد بالك منها اثناء التحدث وعشان تكون متحدث لبق اتبع الخطوات التالية:-

1 خليك منصت جيد

بيقول ديل كارنيجي في كتابه”كيف تكسب الاصدقاء وتؤثر في الناس”
لكي تكون متحدث بارعا كن اولا مستمعا جيدا ، عشان تتسمع كويس لازم تكون بتسمع كويس وبتترك مساحة كبيرة للي قدامك يتكلم من غير ماتقاطعه في حديثه وتكون مهتم باللي بيقوله .تشارلز نوتام بيقول “من اجل ان تكون مهما يجب ان تكون مهتما” واليك بعض علامات الاهتمام : –

1- انك تسال محدثك اسئلة يكون سعيد بالاجابة عليها
من خلال حديث المتحدث معاك هتعرف اهتماماته والاشياء اللي بيحبها ولما تساله عليها هيكون سعيد جدا بالكلام معاك ..
2-الاهتمام بمحور الحديث من غير ما تتطرق لمواضيع جانبية
3- انك متتكلمش عن نفسك
اللي بيتحدث معاك بيكون عايز يتسمع. سيب مساحة ليه يتكلم عن نفسه وعن اعماله وعن الاشياء اللي تحس انه بيكون سعيد لما يتكلم فيها واساله عليها و اجل كلامك عن نفسك لوقت تاني

لما اتسال تشارلس اليوس عن سر الثفقات الناجحة اللي بتعقد بين اتنين من رجال الاعمال قال”ليس في ذلك سر سوي ان تصغي باهتمام لمحدثك فلا شئ اخر يسره اكثر من ذلك
وصرح ايزاك ماركسون(بطل العالم في مقابلة المشاهير ) ان “بعض الناس يفشلون في طبع اثر جيد في نفوس من يقابلونهم لأول مرة لانهم يهملون الأصغاء باهتمام .انهم يحصرون همهم في الكلام الذي سيقولونه ومن ثم يصمون اذانهم عن الاستماع و قال له عظماء الناس انهم يفضلون المستمعين الجيدين علي المتكلمين الجيدين ولكن يبدو ان المقدرة علي الاستماع اندر من اي صفة طيبة اخري!! “

ومن فنون الاستماع انك تكون باصص في عين اللي بيتكلم معظم الوقت من حين لاخر بتشيل عينك لكن اغلب الوقت تكون باصص في عين اللي بيتكلم معاك .عشان يحس بتركيزك معاه

2 اتكلم بنبرة صوت هادئة
افضل طريقة تقدر بيها تخلي اللي بيتكلم معاك يسمعك باهتمام ان نبرة صوتك تكون منخفضة بطريقة مناسبة وتكون هادية مش سريعة ولا تكون بطيئة لان الصوت العالي بينفر المستمع وبيخليه غير مستمتع بالحديث ويفضل انه ينهي النقاش في اسرع وقت ولو حتي هيستفاد من الحديث بتاعك

أظهرت نتائج الدراسة التي أجراها علماء من جامعة ماكماستر الكندية ان الصوت المنخفض العميق يعتبر دليلا على ان صاحبه يتمتع بقوة الارادة. ولذلك ينصح الخبراء الناس الذين يتولون مناصب قيادية بالتكلم بصوت منخفض بغية اظهار قوتهم وقدرتهم على الادارة ، والصوت الهادي بيدي انطباع للشخص اللي بيتكلم معاك انك شخص حكيم وبتعمل حساب كويس لكلامك وشخص مش متسرع يقدر يتحدث معاه بدون ملل

3 وجه النقد بدون تجريح

فن اختيار الكلمات والاسلوب المناسب يقدر يخليك توجه نقد و تقول نفس الكلام بنفس المعني ويكون مقبول عند الشخص اللي بيتكلم معاك وكمان يكون عايز يستمع ليك اكتر ويتجاوب معاك ويسالك في نقاط اكتر حابب انه يتعلمها منك .. علي عكس شخص اسلوبه في النقد هدام ومعندوش فن اختيار الكلمات الاشخاص بتنفر من الحديث معاه ولو حتي كلامه صح بس اللي بيتكلم معاه دايما هيحس انه بيتكلم غلط وهيدافع عن وجهه نظره بشدة

3 اثناء توجيه النقد خلي بالك من عدة نقاط
1-استغني عن كلمة “لكن”
يعني مثلا بلاش تقول عندك حق فعلا لكن لو …… تقدر تستبدلها بان رايك ممتاز جدا وبقترح عليك لو…
كلمه لكن بتخلي العقل الواعي يمسح كل اللي اتقال قبل منها ويحس بتقليل من قدراته والتركيز علي النقد فقط ولا ارادي يبدا الشخص يدافع عن نفسه وعن قدراته

2-ابدا النقد بالتحدث عن اخطائك
لما بتبدا توجيه النقد بالتحدث عن خطأ حدث معاك او بتقع فيه بيدي للمتحدث ليك انطباع ان الخطا وارد جدا ومش هيقلل منه وان توجيه النقد من خلالك هدفه نصيحة بتقدمها ليه عشان يكون افضل وده هيخليه يسمعك كويس من غير مايكون عايز يدافع عن نفسه حتي لو من وجهه نظره انه النقد مش في محله لكن هيكون حابب يكمل الحديث ويحس انه في كل الاحوال مستفيد من المناقشة

3- لا تجعل النقد شخصي
توحيه النقد بشكل صحيح بيكون عن طريق نقد التصرف لا نقد المتصرف بمعني انك متقلش انت شخص متسرع اوانت غلطان لان الموقف ده محتاج تريث ولكن تقدر تستبدلها بنقد السلوك او التصرف نفسه بانك تقول التصرف كان ممكن يكون افضل لو حصل كذا .. او الموقف ده كان محتاج تريث اكتر عشان يدي النتيجه اللي عايز تحصل عليها

4-وجه النقد بطريقة غير مباشرة
من فن توجيه النقد اللي اتكلم عنها ديل كارنيجي هو النقد بطريقه غير مباشره يعني مثلا يكون عن طريق سؤال زي ” ايه رايك لو كنت عملت كذا … ممكن يكون رد المتحدث ليك انه فعلا كان هيكون اصح من التصرف اللي عملته .. وهكذا

4 حافظ علي ابتسامتك
رابع نقطة والاخيرة عشان تكون متحدث لبق هي الحفاظ علي الابتسامة
الابتسامة مفتاح بارع لأي حديث بيخلي المتحدث معاك متشوق يسمع منك ويتكلم معاك اكتر