كلنا عارفين تطبيق نشر الصور والفيديوهات المشهور instagram واللي حسب أخر إحصائية في شهر فبراير 2017 لعدد المستخدمين كانت الأحصائية إن فيه 600 مليون مشارك نشط شهرياً .

والتطبيق عليه مليارات من الصور والفيديوهات ولكن مش بيتيح خاصية أنك تنزل الصور على موبايلك نهائياً .

النهارده هنستخدم تطبيق سهل جداً في أستخدامه وبيتيح خاصية تحميل الصورة مباشرةً على موبايلك بكل سهولة ومن غير خطوات كتير

التطبيق أسمه “Instasave” وهو تطبيق متاح على متجر Google Play الخاص بالأندرويد

و App Store الخاص بمستخدمين الـ ios

  •  حمل التطبيق

أدخل على متجر Google Play من موبايلك وأكتب في مربع البحث أسم التطبيق وهو بالشكل التالي : “Instasave” .

أضغط بعدها على كلمة install علشان تقوم بتحميل وتثبيت التطبيق على موبايلك وتقدر تستخدمه بسهولة .

بعد ما ينتهي التحميل هتتحول كلمة install وهتبقى كلمة open فأضغط عليها علشان تفتح التطبيق .

  • قم بتفعيل التطبيق

لما تفتح التطبيق هتلاقي زرار في نص الشاشه ورساله تحته مكتوب فيها ” Turn on switch to start InstaSave service ”

أسحب الزرار لجهة اليمين علشان تقوم بتفعيل التطبيق ويتفاعل مع تطبيق الأنستاجرام .

بعدها أضغط على كلمة open instagram علشان يفتحلك تطبيق الإنستاجرام الخاص بيك مباشرةً.

  • حدد ما تريد تحميله

بعد الدخول على تطبيق الإنستاجرام حدد الصورة أو الفيديو اللي عاوز تحملهم على موبايلك وبعدين أضغط عليها ضغطه مطوله علشان تظهرلك قايمة بالشكل ده .

أختار منها الأختيار الثاني : “Copy Share URL” بس متعملش حاجه تاني

هتلاقي التطبيق أتوماتيك نزل الصوره أو الفيديو على موبايلك

ولو أنت عاوز بس تاخد لينك الصوره أو الفيديو من غير ما تنزلهم على موبايلك فمتنساش تلغي تفعيل تطبيق “InstaSave” من نفس الزرار اللي قمنا بتفعيله في الخطوة رقم 2

  • مكان تحميل الصور

علشان تشوف الصورة أو الفيديو اللي أنت قمت بتحميله على موبايلك هتدخل على تطبيق instasave وهتضغط على علامة الـ Folder اللي باللون الأصفر على يمين التطبيق زي ما واضح في الصورة .

بعدها هتظهرلك نافذه جديدة فيها كل اللي أنت قمت بتحميله من الإنستاجرام الفيديوهات في التاب رقم 1

والفيديوهات في التاب رقم 2 .