كتير مننا بيتضايق من الإعلانات الكتير اللي بتظهر بشكل تلقائي في صفحات منفصله أو في موقع بنتصفحه أو فيديو بنتفرج عليه .. دلوقتي عاوزين نمنع الإعلانات دي من الظهور نهائياً فإحنا هنستخدم إضافة للمتصفح بتاعنا تمنع الإعلانات دي بشكل تلقائي . طبعاً فيه برامج وإضافات كتير هنستخدم هنا أشهرهم والأكتر إستخدام هو Ad-Block Plus هنثبته على المتصفح اللي بنستخدمه في خطوات بسيطه

إدخل على الموقع الرسمي للبرنامج من الرابط الموجود في جزء المصادر في أخر المقالة .

الموقع بيعرف تلقائياً نوع المتصفح بتاعك وبيجيبلك التثبيت بتاعه .. وعلشان أحنا بنستخدم FireFox فالموقع جبلنا Install for Firefox فهنضغط عليها

هتظهرلنا نافذه بتقولنا إذا كنت عاوز تثبت الإضافه دي على متصفحك .. إضغط Install

هتظهر رساله بتقول إن تم تثبيت الإضافه بنجاح وبكده نكون منعنا الإعلانات بشكل نهائي وكل اللي عليك دلوقتي إنك تعيد تشغيل المتصفح بتاعك بس