قبل ما نتكلم عن اي حل للتخلص من عاده سيئه زي دي لازم الاول نعرف اننا كلنا بشر بنخطئ ونصيب وان في شريحه كبيره ممكن تقع في فخ ادمان المواقع الاباحيه عن طريق الصدفه او صاحب او بدافع الفضول بعدين بيتحول الموضوع لعادة وفي شريحه كبيره من مدمنين المواقع الاباحيه بتتمني انها تبطل الذنب او الخطا ده لكن ملقاش الحل الشافي اللي يقدر يخلصه منها .

فالاصل كلمة عاده متاخدة من الاعتياد يعني الادمان زي السجاير او المخدرات فالاقلاع عنها مش حاجة مستحيلة ولا سهله لازم تتدرك انك لازم تكون واخد قرار ومستعد تبذل شوية مجهود ومقاومه لنفسك واخذ الموضوع بشكل جدي .

  •  وجهه طاقتك لمسارها الطبيعي

الغريزه الجنسيه غريزه طبيعه عند جميع البشر دون استثناء وبتبقي في قمتها في مرحلة الشباب وده بيخلي الشخص عرضة اكتر ان مقاومته تبقي ضعيفة لكن الطبيعي ان نكون احنا اللي بنسوقها مش هي اللي بتسوقنا واذا ساب الشخص نفسه و طغت الشهوه علي العقل هيبدا الشخص يفقد انسانيته وتكريمه علي سائر المخلوقات .

اصرف الشهوه دي في مسارها السليم او الطبيعي عن طريق اتباع خطوات اولها الزواج اذا امكن ولو مأمكنش حاول تخرج الطاقه دي سواء بالرياضه العنيفه او بالصوم او بانك تنجح وتشتغل في مجال ياخد معظم تفكيرك وفضولك او مصاحبة صحبه صالحه .

  •  اتعلم حاجة جديد

خلي في تحدي في حياتك بيستفز فضولك حط هدف تعمل مجهود فيه كل يوم ويبقي محتاج منك تتدور و تتعلم وتفكر سواء تتعلم حرفة بتحبها او تعمل مشروع وتشتغل علي دراسته وتبدا فيه او كورس صعب محتاج منك تعب وتعلم او حتي تتبع نظام غذائي ده بشكل كبير هيركز انتباهك علي التحدي ده وهيشغلك ويشغل تفكيرك معظم الوقت .

  •  المعلومات التعليمه الصحيحه مش علي المواقع

لو مقبل علي الزواج او حابب تعرف معلومات من رافع الفضول حابب تعرف معلومات صحيحة فهي في الغالب مش موجودة في الافلام الاباحية ممكن ترجع للمجلات الطبية والكتب الارشادية اومقالات مكتوبه علي ايد مختصين او لو كنت مقبل علي مرحلة الزواج وعندك استفسال معين فممكن ترجع لاستشاري علاقات زواجيه

معظم المواقع الاباحيه مجرد تمثيل مبالغ فيه بيتم اخراجه بشكل احترافي ولكنه بعيد كل البعد عن الواقع ، بيتم علي ايد اشخاص بيحاولوا يتاجروا بخيال وافكار فئه كبيره من الشباب .

  •  ابعد عن الصحبة السيئة

لو انت مشترك في اي جروب او اصحاب بتشجعك علي استمرار متابعة الافلام الاباحية حاول تبعد عنهم لانك في البدايه عشان تبطل بتبقي ضعيف و محتاج حد يشجعك تقاوم مش حد يشدك ترجع تاني .

  •  خليك اجتماعي

ابعد عن الانعزاليه والانفراد والاختلاء بنفسك علي قد ما تقدر حاول تنضم لاي
انشطة جماعيه بتحبها زي الكوره او السباحه او حتي المشي لمسافات طويله او تحضر حفلات لاي باند بتحبه او انشطه تطوعيه هتزرع جواك قيم جديده وهتقدر تكون عن طريقها علاقات جديده بديله للي بعدت عنهم وهيكون عندكوا هدف جماعي مشترك .

  •  اقضي علي وقت فراغك

احذر وقت الفراغ اعمل جدول يومي تملي كل ساعه فيه خصوصا في المرحله الاولي عشان تصرف ذهنك بنسبه كبيره عن التفكير والمقاومه وتردد فكرة الرجوع لمشاهدة الافلام الاباحية علي تفكيرك ، لو تخلصت من وقت فراغك فانت حليت المشكله بنسبه كبيره .

  •  عدل نمط يومك

حاول تقلل من السهر لوقت متاخر من اليوم والنوم بالنهار ، متتدخلش تنام الا وانت في قمة التعب وحاسس انك عاوز تنام عشان ده انسب وقت للفكره انها تسيطر عليك واظبط يومك و ابذل مجهود في يومك .

  •  المواقع الاباحيه مش معصيه

المواقع الاباحيه مش معصيه عاديه او ذنب بسيط المواقع الاباحية فاحشه من الفواحش المغلظه اللي ربنا بيكرهها من شدة ضررها للانسان وانتهاكها حرمة من حرمات الله، حاول تخليها نقطة بداية مراجعة علاقتك بربنا والتقرب منه والدعاء بشكل دائم بانه يرزقك القوة والصبر، ومن مبدا^من ترك شيئا لله عوضه الله خيرا منه