الفطام من اكتر المراحل اللي بتشكل ازمة للامهات بسبب العصبية اللي بيكون فيها الطفل والحالة النفسية اللي بتكون فيها الام بسبب العياط المتواصل اللي بيكون فيه الطفل خصوصا الاطفال اللي بيكونوا غير متقبلين للفطام والارتباط الكبير بيكون بين الام وطفلها ، فاولا لازم نعرف ان المدة الطبيعية اللي بيتم فيها الفطام للطفل من اول سنة لسنة ونص حسب حالة الطفل الصحية .

اول شخص بيحتاج انه يتهيأ نفسيا للفطام هو الام لانها بتكون مرتبطة بانبها ارتباط كبير وممكن بعد ما تتم عملية الفطام ترجع ترضعه مره تانية وهكذا ، ودي خطوة سيئة وبتسبب للطفل اثار نفسية سلبية انو يفطم لفترة ويرجع للرضاعة بعدين يرجع يفطم مرة تانية وهكذا ، من المهم ان الام تقرر تاخد الخطوة ومتتراجعش فيها مع زن الطفل وعياطه وتعرف ان دي خطوة مهمه للطفل عشان يبدا يخرج وبتعرف علي العالم الخارجي ومتبقاش هي المصدر الوحيد لحمايته فالفطام خطوة مهمة عشان نموه .

من المهم ان الام تكون علي علم ان عملية الفطام مبتجيش من مره واحده بين يوم وليلة وان في حاجات بتهئ لمرحلة الفطام وبتسهلها ، وهي ان الطفل في الفترة اللي قبل يوم الفطام الست شهور الاخيرة من المهم تقليل عدد مرات الرضاعة تدريجيا و الاعتماد علي الاكل بشكل كبير بحيث اننا بنقلل عدد مرات الرضاعة و بنزود عدد مرات الاكل الطبيعي ، لكن من المهم ان مرات الرضاعة اللي هتختصر متكونش وهو لسة صاحي من النوم او وهو هينام لانه بيكون جعان جدا ودي بتكون بمثابة وجباته الرئيسية . كل اسبوع بنقلل رضعة وبعد اسبوع بنقلل رضعة تانية وهكذا لغاية ما نوصل لوجبتين رضاعة بينهم 12 ساعة لان ده بيوان الهرومات عند الام وبيقلل من تحجر الثدي بعدين بندأ نخليها وجبة رضاعة واحدة بس لمدة اسبوع

من اهم الخطوات قبل الفطام ان الام تتاكد ان الطفل صحته كويسه مبيعانيش من اي مشاكل صحية ومناعته كويسه ومعندوش اي نزلات برد او اخواته مرضي عشان بيبقي قابل للعدوي وعرضي للمشاكل الصحية ، ويكون الجو في حالة مستقرة لان الفطام بياثر علي مناعة الطفل فمن المهم جدا نراعي كل الاسباب دي لتجنب مرضه

من المهم قبل الفطام انك تبدئي تديله لبن الثدي في ببروانة عشان يبدا يتعود علي عدم الرضاعة من الثدي مباشرة وده مهم لصحة الطفل النفسية ،والافضل تكون حلمة الببرونة طرية مش ناشفة وقصيرة وعريضة عشان يقدر يتقبلها الطفل اسرع ، وبعد فترة لما تقليله عدد الرضاعات ممكن تديله في الببرونة لبن بقري بدل اللبن الطبيعي

لان الطفل دايما بيكون رابط الام بالحليب فمن المهم لما تبدئي تديله الببرونة قبل الفطام تخلي حد غيرك هو اللي يدهاله زي الاب وحد من اخواتك الخ .. عشان بيكون دايما اتعود ان الرضاعة بتكون منها فيبدا يرفض الببرونة فالافضل ان الاب اللي يقوم بالخطوة دي

في اليم اللي هيتم فيه الفطام من المهم انو لما يجي يرضع تكوني داهنه الثدي بالصبار فهيبتدي ينفر منه ، والصبار مادة طبيعية غير مضرة بالطفل ولكن طعمها مر ،

حاولي يكون طول يوم الفطام واليومين اللي بعديهم مع اطفال ويعلب ويبزل مجهود كبير عشان بليل لما يجي ينام مجهد وعايز ينام وميغلبكيش فترة طويلة بسبب عدم الرضاعة ، حاولي في الفترة دي تفسحيه علي قدر ما يقدر تاخديه النادي او الملاهي او حضانة اطفال او يلعب مع اولاد اختك عشان نفسيته بتكون تعبانه ومضايق وكمان عشان يرجع مرهق وينام علي طول .

يومين الفطام من الافضل انك تكوني بعيده عنه قدر الامكان ، الافضل تكوني عند مامتك ومامتك واخواتك وجوزك اللي يكونوا متواجدين معاه معظم الوقت عشان طل ما هو شايفك ده مش هيسهل عملية الفطام والافضل لو تحاولي تنزلي تشتري حاجات وترجعي وهكذا والافضل ان يكون الاب متواجد جمبه عشان يحس بالامان لان الاب هو تاني مصدر امان بالنسبة للطفل بعد الام .

من المهم كمان في يومين الفطام انك تكوني دايما لابسة حاجة مقفولة خصوصا من منطقة الصدر عشان يكون صعب عليه الوصول للثدي .

من الافضل يومين الفطام ان باباه هو اللي ينيمه او جدته ولكن الافضل الاب اذا كان الطفل بيحبه ومتعلق بيه ، من الضروري ان الطفل مينامش جمبك اطلاقا لغاية لما يبدا يتعود وينسي الرضاعة ، فالافضل ان الاب يتحلي بالصبر ويحاول هو يهدي الطفل وينيمه جمبه .

من المهم جدا في الفترة دي ان الام والاب يقدروا يتحكموا في اعصابهم مع عياط الطفل المتواصل ويحاولوا يكونوا حنين عليه علي قد ما يقدروا لازم يكون في حد دائم مع الطفل غير الام يكون بيطبطب عليه وبيحسسه بالامان لان دي بتعتبر اول صدمة بيمر بيها الطفل فمن المهم انك تكوني عارفه انه هيعيط كتير وهيكون عصبي ولازم تتعاملوا مع ده بشكل سليم .

من المهم للام كمان انها قبل مرحلة الفطام تستشيري دكتور النساء والتوليد الخاص بيكي عشان يديكي دوا يبدا يقلل من افراز اللبن في الثدي عشان متصابش الام بالام وسخونية شديدة اثناء مرحلة الفطام بسبب تخزين اللبن في الثدي، وتشرب يوميا مج مرمرية مغلية باليوم بيساعد علي انه ينشف الحليب بالثدي

متخافيش علي علاقتك مع ابنك ، الاطفال بينسوا بسهولة
خليكوا حنين عليه الفترة دي علي قد ما تقدروا عشان يقدر يعديها من غير ما تسيب اثار سيئة .