ازاي تعملي معطر ملابس بالبيت

معطر الملابس من الحاجات اللي بتضيف انتعاش ونضافة ونعومة لملابسك ، وبسبب ارتفاع اسعار اللتر من معطر الملابس بعض الناس مش بيستخدموه رغم ان هو من الحاجات اللي بتفرق في رائحة الملابس والمحافظة عليها خصوصا في فصل الصيف اللي بتحتاجي فيه تغسلي بعض القطع بدون اريال بمعطر الملابس فقط ، عشان كده في المقال ده هنقولك ازاي تعملي معطر الملابس بكمية كبيرة وبتكلفة اقل في البيت خطوة بخطوة . 


1 صوت بنسبة 100.0%
1 شخص قاموا بالتجربة

الخطوة رقم 1

اعملي معطر داوني بالبيت

  • اشتري من عند اي محل منظفات المكونات الاتية لعمل من 20-25 لتر من معطر الملابس ، ربع كيلو من المادة السوفت او العجينة +تمن كيلو من ريحة داوني +كيس فورمالين صغير كمادة حافظة للدوني  والافضل استخدام بنزوات الصوديوم بديل للفورمالين +كيس لون ازرق صغير ويمكن الاستغناء عنه . 
     
  • احضري وعاء بلاستيكي وضيفي عليه مقدار 20-25 لتر من المياة وضيفي عليها المادة السوفت وقلبي المياة كويس حتي يختلط وتمتزج مادة السوفت مع المياة لمدة 10 دقائق  ،ثم ضيفي مادة بنزوات الصوديوم والتمن كيلو من ريحة داوني وامزجي الخليط بالتقليب جيدا لفترة بالمضرب الكهربائي حتي يتجانس الخليط  ويبدا قوامه يبقي سميك ومتماسك ، وبكدة قدرتي تعملي 20 – 25 لتر من معطر الملابس بملبغ لا يتعدي ال 40 جنيه وده بيكون بمثابة بديل للدوني تقدري تستخدمي كمية صغيرة منه مع كل مرة غسيل . 


الخطوة رقم 2

المعطر بالزيوت الطبيعية

امزجي نص لتر من الخل مع عشر نقط من اي زيت عطري بتفضلية زي اللافندر او زيت الياسمين او النرجس او الكافور والقرنفل ونص كوب من الماء ، ضعي هذا المزيح في زجاجة بلاستيكية ورجيه جيدا واحكمي اغلاقه، وضيفي كمية منه عند كل مرة غسيل او مع دورة شطف الملابس .


الخطوة رقم 3

المعطر بالبلسم او الشاور

احضري زجاجة بلاستيكية وضيفي بيها كوبايتين من الماء ونص كوب من الخل وعليه مقدار من بلسم الشعر او الشاور جيل وليكن كوب واخلطيهم جيدا واستخدمي كمية صغيره منه عند كل مرة غسيل ، وممكن تستخدمي طريقة تانية وهي اضافة بعض من قطرات البلسم او الشاور جيل علي مياة الغسيل مباشرة هتديكي الرائحة والنعومة المطلوبة .

الخطوة رقم 4

معطر زيت الورد

ضيفي بعض القطرات من ماء الورد او زيت الورد علي مياة الغسيل مباشرة ، او اخلطي كمية من زيت الورد علي كمية من الماء والخل واحتفظي بهم في زجاجة بلاستيكية واستخدمي منها كل غسلة .

الخطوة رقم 5

طريقة عمل اي معطر ملابس

عشان تعملي اي نوع من معطر الملابس بالرائحة المفضلة ليكي ،ضيفي 2 لتر من الخل اللي ليه خاصية تعقيم الملابس وتنعيمها وتثبيت الالوان  وسعره رخيص وضيف عليه 30 نقطة من اي زيت عطري بتفضله ، ضيفي العبوة في علبة بلاستيكية ورجيه جيدا قبل الاستخدام ولكن ضيفيه لدورة الشطف  ولا توضعه مع دورة الغسيل حتي تثبت رائحته بالملابس .