ازاي تعملي ترميم الشعر بالمنزل

ترميم الشعر من احدث الطرق اللي ظهرت مؤخرا لحل مشكلة هيشان وتقصفات الشعر ،وتغذيته واعادة نموه مره اخري ، او فرده ، من مميزات الترميم انه خالي من المواد الكيميائية وعشان تتاكدي من عدم وضع اي مواد كيمائية فالافضل تطبقيه بنفسك في البيت ،في المقال ده هنقولك بخطوات بسيطة وسهله ازاي تعملي ترميم لشعرك بالبيت وباقل تكلفه واعلي فايده .


1 صوت بنسبة 100.0%
7 شخص قاموا بالتجربة

الخطوة رقم 1

الترميم بالبروتين

  • الترميم بالبروتين نتائجه بتكون فيها نسبة من فرد الشعر  لان بيكون داخل فيه نسبة من البروتين وكمان بيساعد للقضاء علي الهيشان والتقصفات عن طريق خلط 50 ملي من البروتين حسب نوعية الشعر مع 25 ملي من الماء المفلتر و4 كبسولات فيتامين e متوفر بالصيدليات .
     
  • اتاكدي من مزج الخليط جيدا والافضل مزجه بمضرب كهرباء للتاكد من امتزاج المكونات معاً ، ثم قسمي الشعر الي خصل وافرديها علي خصل الشعر واتركيها حتي تجف ثم قومي بفرده باستخدام المكواه بعد جفاف البروتين علي الشعر ولكن تجنبي استخدام درجات عالية من الحرارة وبعدد مرات اقل من الكي .


الخطوة رقم 2

الترميم بالامبولات

  • اخلطي امبول او اثنين من ( البروتين والكرياتين والكولاجين والفيلر والسيتريك اسيد وامبولة الاحماض) في 100-150 ملي من الماء في بخاخ واخلطيه جيدا قبل وضعه بالبخاخ .
     
  • قسمي الشعر الي خصل وقومي بالبخ علي الشعر خصله خصله واتركيه ساعه حتي يجف ثم استخدمي السشوار والبيبيليس علي درجة حرارة خفيفة ، وده بيعتبر ترميم مغذي للشعر لاعادة اصلاح وهيكلة البصيلات التالفة والمدمرة او اللي تم سحب اللون منها ومتهالكه .


الخطوة رقم 3

ترميم التغذية والترطيب

  • اخلطي  100 جرام من زبدة الشيا الاصلية وزبدة الكاكاو او كولاجين خام اذا توافر وكبسولات من فيتامين e وامبول من بانثينول متوفرين بالصيدليات وعددهم علي حسب الرغبة و25 ملي من كل نوع من الزيوت التالية زيت الجوجوبا وزيت الارجان وزيت جوز الهند وزيت اللوز وزيت جنين القمح وزيت السمسم .
     
  • اخلطي المزيج جيدا وضعيه في حمام بخار ،بيستخدم كحمام زيت كدهان مرتين بالأسبوع بيترك ساعتين ويغسل جيدا بشامبو طبي لتجنب غلق المسام ،يمكنك ايضا استعماله كحمام كريم عن طريق وضع  نوع جيد من حمام الكريم علي الخليط ويمزج الخليط جيدا ويستخدم كحمام كريم بعيدا عن الفروة .
     
  • يتم ارتداء بونيه مع استخدام سيشوار ساخن من بعيد مع تدليك الشعر كل ١٠ دقائق.
     
  • استخدمى مشط خشب ، ونشفى بسشوار هواء بارد عشان نقفل المسام.
     
  • يستخدم مرة كل أسبوع للشعر المصبوغ والمتهالك ومرتين بالشهر للشعر العادي ومرة شهريا للشعر الدهني .
     
  • يمكن استخدام البروكاب الحراري لسرعة امتصاص الشعر للزيوت ،بعد عمل جلسة الترميم يتم عمل جلسة ديتوكس عن طريق لتر مايه ومعلقتين بيكربونات صوديوم وبعدها شطف لتر ماء مع معلقتين خل تفاح لإزالة الترسبات والدهون الزائدة بعد جلسة الترميم ب 3 أيام .

الخطوة رقم 4

اقضي علي الهيشان والتقصفات

كتير من البنات بتكون بتعاني من تقصفات الشعر بسبب نقص فيتامينات معينة في الجسم بتسبب فقدان الشعر لقوته بالتالي تقصفه او بسبب العادات الخاطئة في التعامل مع الشعر ولان الشعر بالفعل بيكون ضعيف فبيكون غير قادر انه يستحمل مواد كيميائية او مواد عليها اضافات عشان تفرد الشعرة اكتر فبالتالي تسبب تساقطها لانها ضعيفة ومن هنا ظهرت فكرة الترميم عشان تعالج التقصفات والهيشان بمواد طبيعية وبفيتامينات .

نصائــــح

  • لافضل تشتري المنتج بنفسك اللي بتحتاجيه عشان تتاكدي من عدم اضافة اي مواد مضرة للشعر علي المواد الاصلية لتحقيقعائد ربح اكبر ، هتلاقيها متوفرة بالصيدليات الكبيرة اللي بيبقي ليها اكتر من فرع باكثر من مكان او وصي شخص بالخارج يشتري المنتج ليكي بنفسه .
  • لو مش هتقدري تشتري كميات قليلة من كل مادة ، اتفقي مع اصحابك او اقاربك واشتري كمية ووزعيها عليكوا بالتساوي .
  • تجنبي المنتجات اللي بتحتوي علي الفورمالين ، حاولي شرائها زيرو فورمالين او بالنسبة المصرح بيها من وزارة الصحة العالمية .
  • الهدف الرئيسي للترميم التغذية والترطيب والنعومه وليس الفرد .