لو حابب تشتري ايفون وكنت من مستخدميه وبتديه دايماً الأفضلية عن أي نوع موبايل آخر، وحالياً مع ارتفاع سعر الايفون بشكل كبير جدا فى فترة قصيرة بيصعب شراؤه فى المقال ده هنقولك ازاي تشتري ايفون بسعر رخيص أو أرخص من سعره بالسوق المصري وكل الطرق الممكنة .

  •  اشتري من موقع ebay

موقع ebay من المواقع العالمية يتم البيع والشراء من خلالها سواء مستعمل او جديد ، من خلال موقع ebay حدد فى البحث نوع الايفون وإذا كان جديد أو مستعمل وغالباً هتلاقي فرق سعر كبير عن مصر، احسب تكلفة الموبايل بمصاريف الشحن بما يعادل بالمصرى مقارنة بسعره فى مصر هتلاقي فرق سعر ملحوظ .

كمان تقدر تستفيد من عروض كتير خاصة بالموبايلات المستعملة الحديثة اللي غالباً بيبعها اصحابها عشان يشتروا احدث اصدارات من الايفون ، دور على عرض مناسب ليك واقرأ كافة التفاصيل وإذا كان بيه عيوب أو لا وهكذا …

من الإجراءات المهمة عشان تقدر تتم عملية الشراء هي انك تكون تمتلك فيزا عشان تقدر تدفع من خلالها او تمتلك حساب على paypal .

  •  اشتريه من الصين

الصين من البلاد بتتوفر فيها الموبايلات الايفون جديدة تقريباً بنصف ثمنها بمصر ، ادخل على الجروبات الخاصة بالسفر أو الخاصة بالتجار من خلال الفيس بوك وحاول تتواصل مع شخص مسافر لبلد الصين يشتريه وياخد نسبة مكسب مقابل شرائه وتوصيله ليك ، سلمه المبلغ مع استلامك للموبايل ضماناً لعدم التعرض لتجربة نصب .

  •  اشتريه من السراج مول

السراج مول بمدينة نصر من المولات تضم جميع المحلات المتخصصة لبيع الهواتف المستعمله من الايفون ، وهتلاقي عدد كبير منهم بالعلبة والتغليف الخاص به وبحالة جيدة جدا وهتلاقي فرق سعر …

أهم شيء تحدد نوع الايفون اللي هتشتريه قبل ما تروح وليكن iphone 6s plus 64G وتسأل علي سعره بأكتر من محل فى المول وتشوف أفضل سعر ليه وجربه قبل ما تقوم بالقرار الأخير للشراء عشان تقدر تتاكد انه بحالة جيدة .

  •  اشتريه من دول الخليج

الغالبية العظمى من العرب بدول الخليج بيقرروا بيع موبايلاتهم وهو بحالة جيدة جدا بمجرد نزول الاصدار الاحدث من الايفون ، تواصل مع احد اصدقائك او اقاربك لشراء موبايل ايفون بحالة جيدة وبسعر جيد …

وفي احيان كتير بيتم عمل عروض وتقسيط للموبايلات الايفون بدون فوائد بدول الخليج اشتريه من احد اقربائك او معارفك المسافرين وسدد لهم المبلغ علي اقساط .