أمهات كتير بتشتكي إن ممكن يكون اللبن بتاعها قليل أو خفيف أو مش بيشبع الطفل وبيبقوا على طول قلقانين وفي منهم بيلجأ للبن الصناعي من غير حتى ما يسألوا الدكتور ، ولان مفيش افضل من لبن الام لصحة الطفل ولمناعته هنقولك على الحاجات الطبيعية اللي لو دخلتيها في نظامك الغذائي هتزود اللبن للبيبي على طول من غير ما تفكري في اللبن الصناعي .

بعد الولادة مباشرة بتاعني الام من قلة افراز اللبن وبالتالي غير كافي لاشباع ابنها
والحل هنا انك تزودي عدد مرات الرضاعة لانه كل ما زادت عدد المرات اللي بيرضع فيها الطفل، كل ما زاد ادرار الحليب للام لانه بيحفز الغدد اللبنية انها تفرز المزيد وتبين أن أسهل وأقوى طريقة لزيادة حليب الرضاعة هو الاستمرار في الرضاعة
تعتبر عملية انتاج الحليب نموذجاً لعملية العرض و الطلب ، ففي البداية جسمك مبيعرفش كمية الحليب اللي بيحتاجها طفلك ، لكن مع تكرار ارضاع طفلك بيقوم جسمك تلقائياً بتعديل امدادات الحليب لتفي احتياجات الطفل .

الشوفان من أكثر اللي بيوصي بيها لزيادة الحليب لانه بيحتوي على مركبات نشوية بترفع من تركيز هرمون الحليب برولاكتين ، اغلي الشوفان مع الماء أو الحليب لانه هيوفرلك مركبات غذائية هتزيد من إدرار الحليب بالإضافة إلى كمية عالية من الألياف الغذائية اللي بتوفر الشبع لفترة طويلة ، الافضل شرب الشوفان مع الحليب او علي الزبادي لان جسم الام بيبقي محتاج كمية كبيرة من الكالسيوم .

الشوفان كمان بيساعد على تقليل نسبة الكوليسترول في الدم وكمان بيظبط مستوى ضغط الدم, و بيحتوي على ألياف بتساعدك على الهضم والتخلص من الامساك, ودا بيعزز انتاج الهرمونات المسئوله عن إنتاج اللبن.

السمسم من البذور التي بتزيد من إدرار الحليب. وبسبب كمية الكالسيوم العالية اللي فيه ، تقدري تاخدي السمسم عن طريق حاجات كتير منها الحلاوة او الحلبة المحوجة بالسمسم او الطحينة الخ ..

الحمص ممكن تحضريه وتاخديه وجبة خفيفة بين الوجبات, سواء كنتي هتاكليه أو هتعمليه مشروب, وطبعًا الليمون والتوم أساسي فيه, ودا بيخليه فيه بروتينات ،الحمص بيشجع ادرار الحليب لانه بيحتوي على الحامض الاميني “تريبتوفان” الذي يزيد من انتاج هرمون الحليب وده من ضمن الاسباب اللي بتخلي سلطة (الحمص والطحينة) من الأغذية المثالية اللي بتزيد من إدرار حليب الرضاعة.

المياه هتساعدك على التخلص من الجفاف بسبب فقد جسمك للسوائل في وقت الرضاعة, علشان كده لازم تشربي كميات كتير من المياه على مدار اليوم علشان متأثرش على نسبة إنتاج اللبن في جسمك.

من الضروري ان الام متقومش بعمل دايت من تلقاء نفسها دون استشارة الطبيب واخذ النصايح الهامة منه ، لان الام بتحتاج نظام غذائي متوازن في جميع العناصر اللي بتحتاجها الام وميقلش عن 1500 سعر حراري يوميا (العناصر المهمة اللي بتحتاجها الام ):-

1- الكالسيوم :- في منتجات الالبان والاسماك والخضروات خصوصا الورقية .
2- اللحوم :-اللحوم قليلة الدسم والدهون في الفراخ والاسماك واللحم البقري والارانب .
3-الفيتامينات والمعادن والالياف :-عن طريق الخضراوات والفاكهة
الحبوب الكاملة :- زي الفول والبليلة والمكرونة والرز البني والفاصوليا الخضرا .

كل ما تحسي ان الطفل بدأ يبطئ في مص الحليب ارضعيه من الثدي الاخر لان ده هيعود الطفل علي الرضاعة من الثديين وهيعزز انتاج الحليب في كلا الثديين .

السبانخ من أهم الخضروات الورقية اللي فيها حديد وكالسيوم وحمض الفوليك وفيتامين A, وكل دا مهم جدًا لانتاج اللبن في الجسم, دا غير دورها في الحفاظ على أنسجة الثدي صحية.

أكل الجزر أو عصير الجزر, كله فيتامينات بتحتاجها الأم وقت الرضاعة علشان إدرار اللبن زي فيتامين A, كمان بيديكي طاقة كبيرة علشان متتعبيش خالص في خلال فترة الرضاعة.

التوتر الدايم مع قلة النوم والقلق بيقلل من مستوي الحليب في الجسم ، من الافضل تحاولي تسترخي وتسمعي موسيقي هاديه وعمل كمادات دافية خصوصا علي الثدي ، او الخروج لمكان سياحي لمدة كام يوم بعد انقضاء فترة النفاس ومحاولة تهدية الاعصاب .

لو قدرتي تاخدي قسط وافر من الاسترخاء والراحة فده هيزيد من كمية الحليب فالافضل تستعيني بحد يساعدك في البيت والطفل سواء الزوج او حد من الاقارب والاخوات ، وقفي اداء الأعمال الغير الضرورية ،جربي الاستحمام بالمايه الدافيه او عمل التمارين الرياضية الخفيفه .

أكل الفجل أو عصير الفجل, من النباتات المفيد جدًا اللي بتساعد على زيادة إدرار اللبن في الثدي.

 

الشبت من أهم الأعشاب اللي بتزود إنتاج اللبن, ممكن تاكليه زي ماهو أو تدخليه في أي أكل أو السلطات.

جوع الطفل باستمرار مش مؤشر علي نقص الحليب ولكن مؤشر علي سهولة هضمه .