الطفل من بدايه العام الثاني بيبدأ يحس ويستوعب كل حاجه حواليه ، وكتير مننا بيعنفوه أو يزعقوا ليه بصوت عالي أم الأخرين ومعظم الأطفال مبتقدرش ترد وبيحاولوا يستخبوا بشكل كبير بعيد عن نظر الأخرين ، أو بيبقي عنيد ويتعصب ، ففي الحالتين أكيد مش في مصلحته وهيسبب ليه بعد أجتماعي عن الأخرين ، فلازم تلجأي لبعض الطرق علشان تبثي الثقه فيه وتزوديها أمام الأخرين :

  •  أمدحيه أمام الأخرين

حسسي طفلك أمام الأخرين انه أحسن طفل في العالم وانه مطيع وبيسمع الكلام دايما ، وانه بيعرف يعمل حاجات كتيره لوحده ومش بيحتاج مساعدتك ..

  •  أتكلمي معاه بهدوء أمامهم

العصبيه والصوت العالي من اكتر الحاجات اللي ممكن تضايق طفلك ويعاند معاكي بشكل كبير ، فأنتي تعمدي تهدي طفلك وأنتي بتنادي عليه قدامهم ، ولو مرضيش يسمعك كلامك في فعل أنتي طلبتيه يقوم بيه حالا ، أمتنعي تماما عن تكرار الفعل لأنه مش هيعمله نهائيا وهتضطري تتطلبيه تاني وبالتالي تعلي صوتك وتوتريه قدامهم ..

  •  الأشاده بجهوده أمامهم

لو نفذ اللي طلبتيه منه قدام الأخرين ، أحضنيه وقوليله شكرا ، وأتعمدي انك تتطلبي منه يقوم بالحاجه ببدايه كلمه ” لو سمحت ” أو ” بعد أذنك ” ، الكلمات دي علي الرغم من بساطتها الإ أنها بتزود ثقته بنفسه بشكل كبير وخصوصا امام أشخاص بيشوفهم بشكل متواصل ..

  •  أساليه عن رأيه

تعمدي أنك لو بتتناقشي في موضوع مهم مع الأخرين أنك تساليه عن رأيه وتسمعيه للأخر وتحسسيه أن رأيه مهم وأنك هتاخديه بعين الحسبان .

  •  أجبي عن كل أسئلته

الأطفال بيحبوا يسألوا عن كل شئ ويعرفوا كل التفاصيل ، فأنتي حاولي بقدر الأمكان انك تجاوبي علي كل أسئلته أمامهم وتركزي معاه فيها ، علشان يحس ان أسئلته ليها قيمه ويحب يسال تاني وبالتالي انتي كدا بتساعديه يكون شخص أجتماعي ويحب يتعامل ويتكلم أمام الأخرين ..

  • نصائــــح

لو مش هتقدري بشكل كافي تتعاملي معاه أمام الاخرين ، خرجيه مع أصحابه في اليوم دا وأبعديه عنك .
اظهري حبك ليه قدامه من الوقت للتاني .