بما ان عدد كبير من الطلبه في فترة امتحانات بالتالي بتظهر مشاكل متزامنه دائماً مع فترة الامتحانات وهي ان معظم الطلبة بيعانوا من ضعف التركيز وتشتت الانتباه أو احساسهم بعدم الأنجاز وعشان كده في المقال ده هنقولك ازاي تركز انتباهك اثناء المذاكرة بمساعدة بعض التطبيقات .

تطبيق my study life بتقوم من خلاله بإدخل جدول المحاضرات والشيتات ومواعيد التسليم والمواد اللى هتزاكرها والتطبيق بينظمهم وبيفكرك بمواعيدهم ،ممكن تستخدمه استخدام شخصي فى حالة انك مش طالب لتنظيم مواعيدك الشخصية .
http://bit.ly/1pjTijR .

لو بتحس بالتشتت خلال الشغل أو الدراسة تطبيق Focus Booster بيساعدك على انك متأجلش المذاكرة أو الشغل عن طريق انه بيراقب عملك في خلال فترات كل خمس وعشرين دقيقة بعدها استراحة من خمس دقائق و بيجمع لك البيانات عشان تحللها وتستنتج خدت وقت قد ايه فى الشغل https://goo.gl/mGcSRH .

تطبيق Study Tips بيعرفك ازاي تذاكر وايه الخطوات اللازمة لاتباعها اثناء فترة المذاكرة https://goo.gl/MDdSSg .

بيهتم تطبيق Workflow بإدارة وقتك بفعالية عن طريق ظبط الموبايل الخاص بيك انه يتخلص بسرعة من كل المهام غير المهمة وممكن تضيع وقتك و ممكن لو حاجة بتقوم بيها كل يوم بتخليها دورية و لما تخلصها تدوس على زرار يعمل صح جمبها انها تمت . https://workflow.is/ .

التطبيق لهواتف آيفون بيساعدك تسجل الافكار الصغيرة بتشغل تفكيرك خلال اليوم ويحولها إلى أفكار كبيرة ، تقدر تحفظ افكارك وترتيبها إلى مجموعات يسهل جمعها من خلال تطبيق http://scraps.cc/ Scraps .

من خلال تطبيق Self Control for Study هتقفل الفيس وأي موقع تانى لغاية ما تخلص المحاضرة او الوقت اللى انت مخصصة علشان تذاكر https://goo.gl/PZd2p3

تطبيق colordict dictionary قاموس انجليزى لطب وتجارة وحقوق تقدر تبحث بالنطق وتعرف النطق الصح للكلمة https://goo.gl/o3EXx .

تطبيق Engineering Dictionary قاموس هندسى بس لو عايز لتخصص معين عتﻻقى قاموس لكل تخصص فى هندسة فى جوجل بلاي https://goo.gl/FqbJiD

Human Anatomy Atlas انتاج visible body لطلاب كليات الطب برنامج لعرض أجزاء الجسم من جميع الاتجاهات 3D ،و فيديوهات للعمليات داخل الجسم https://goo.gl/g3SENx .

to do list جدول بس تقدر تشارك فيها الناس وتعلق عليها زى البوست
موقع رواق للكورسات الاونلاين هتلاقي هنا كورسات اونلاين بالعربي https://goo.gl/QCn5j

تطبيق evernote بتسجل عليه الملاحظات وما شابه غير مميزات تانية كتير https://goo.gl/e6KTw .

تطبيق Xodo بتقدر تعلم وتكتب ملاحظات جوه الpdf اللينك https://goo.gl/8NyU7s

تطبيق scribd بيضم اكبر مكتبة علمية للوثائق والكتب وتقدر تعمل مكتبتك الخاصة https://goo.gl/1lrujk .

تطبيق Slideshare presentations أيا كان تخصصك انت محتاج تطبيق presentation او علشان تشوف ازاى تعرض افكارك للناس https://goo.gl/wg519L

تطبيق SpinMe Alarm Clock لن يتوقف التطبيق عن إطلاق رناته إلا إذا حملت الهاتف، وقمت بالدوران عدة مرات وده هيساعدك انك تفوق وتقوم تنجز المهام الخاصة بيك http://bit.ly/1qm1Kh9 .

تطبيق Sleep If U Can التطبيق قبل النوم بيطلب منك تصور صورة لشئ بعيد عنك زي صنبور المياه ،المنبه هيفضل يرن ومش هيبطل الا لما تصورله صنبور المياه تاني واعتقد بعدها مش هتعرف تنام تاني http://bit.ly/1ee8A7B

الموقع ده بيحل كل المسائل والمعادلات الرياضية https://www.mathway.com/ .

تطبيق للجامعات والناس اللي بتكتب ابحاث بالانجليزي وعايزة تتدرب علي الكتابة بالانجليزي صح وبسرعة http://www.ratatype.com .

لو مش متوفر وقت كفاية لمقالات بالإنجليزي الموقع ده بتكتب فيه كلمة واضحة وقصيرة عن الموضوع اللي عايز تكتب فيه وبتدوس علي علامة القلم وتدوس علي أي زرار ف الكيبورد بيكتبلك هو ال essay ولما تبقي راضي وقّف واعمله نسخ www.essaytyper.com/