كلنا بنتضايق من موضوع التطفل من الناس اللي حوليك لما بنيجي نتصفح حاجه أو نشوف حاجه في الموبايل والموضوع بقى زياده عن الحد ومزعج جداً فإزاي تتفادى الموضوع ده وتقرا براحتك واللي جنبك ميقدرش يشوف شاشة موبايلك !! ده اللي هنشرحه النهارده بأستخدام تطبيق مجاني ومتوافي على متجر الموبايل بأسم “privacy screen guard & filter”

أدخل على متجر Google Play من موبايلك وأكتب في مربع البحث أسم التطبيق وهو بالشكل التالي : “privacy screen guard & filter ” .

أضغط بعدها على كلمة install علشان تقوم بتحميل وتثبيت التطبيق على موبايلك وتقدر تستخدمه بسهولة . بعد ما ينتهي التحميل هتتحول كلمة install وهتبقى كلمة open فأضغط عليها علشان تفتح التطبيق .

بعد ما يتم تثبيت التطبيق قم بفتحه علشان تقدر تستخدمه و أول مره هيطلب منك تصريح أنه يتحكم في بعض الأشياء في الشاشه زي السطوع وتحديد أماكن معينه وهكذا علشان يسهل مهمتك وأنه يخلي الكلام واضح ليك إنت بس بشكل عمودي واللي جنبك ميقدرش يشوف أيه اللي مكتوب . كل اللي عليك علشان توافق على الصلاحيات دي أنك تقوم بتحريك الزرار المشار إليه في الصوره من اليسار لليمين حتى يتحول لونه للون اﻷخضر وبكده يكون تم التفعيل للتطبيق والموافقة على الصلاحيات .

بعد الموافقة على صلاحيات التطبيق هتلاقي علامة مربع ظهرت بالشكل اللي في الصوره ده وباقي الشاشه السطوع الخاص بيها غامق دلوقتي محدش قاعد جنبك يقدر يشوف الشاشه الخاصه بموبايلك . أنت بس اللي تقدر بشكل عمودي وكمان المربع ده بيتحرك بمجرد لمسه فقط وتحريكه بصباعك لأي مكان في الشاشه عن طريق الضغط على أي زاويه من زوايا الشكل ده وتحريك صباعك باﻷستمرار في الضغط وتركه في المكان اللي أنت عاوزه .

بمجرد الضغط على علامة القائمة المشار إليها في الصورة هيتم ظهور قائمة اﻷعدادات اللي عن طريقها تقدر تتحكم أكتر في التطبيق ومنها تقدر تظبط اﻷتي :-

1- درجة سطوع ووضوح الشاشه .

2- تغيير شكل علامة التحديد “المستطيل” .

3- أرسال رد لمبرمجين التطبيق اذا كان عندك مشكله أو عاوز تقترح عليهم أضافة معينه للتطبيق .

4- قايمة settings واللي بيقتصر دورها هنا فقط على تفعيل أو الغاء تفعيل أرسال اشعارات ليك على الشاشه .

5- مشاركة التطبيق مع أحد أصدقائك بسهولة وبشكل سريع .

6- الغاء الظل الخلفي والتحكم فيه .