الحجاب من الحاجات اللي ممكن تبقي سبب انها تحافظ علي شعرك جدا وممكن كمان تكون من الاسباب الرئيسيه اللي تدمره بسبب الاخطاء اللي بتعمليها مع ارتداء الحجاب والاخطاء دي هي اللي بتؤثر على الشعر بشكل سلبي، لكن في الاساس اثبت عن طريق الابحاث العلميه ان الحجاب بيحمي الشعر على عكس الاعتقاد الشائع انه بيضره ، لانه بيحميه من الاشعه الضاره للشمس زي الاشعه الفوق بنفسجيه اللي بتضر الشعر بشكل كبير والاتربه وعوامل الرطوبه والحراره الخ ..

لما بتسرحى شعرك في اتجاه واحد معين ثابت بيسبب ان الشعر بيتنحل لانه يبدا يتسحب في نفس الاتجاه كل مره فبتبدا البصيلة تقع بالشعره كامله ، كمان من الحاجات المهمه انك مترجعيش شعرك لورا طول الوقت لانه بيبدا يتنحل من قدام من بداية او مقدمه الراس وبتدي مظهر سئ .

متفرقيش شعرك بفرق في نفس المكان كل مره سواء كنت بتعملي فلق من النص او من اليمين او الشمال لان دي كمان من الحاجات اللي معظم البنات بتعملها وهي من الاسباب اللي بتؤدي لتساقط الشعر مكان الفلق و بتبدا المسافه اللي بين الفلق توسع وتزيد بالتدريج .

لو شعرك قصير حاولي متطربتهوش تحت الطرحه ، ولو شعرك طويل حولي تربطيه ربطه بسيطه متكونش شده الشعر بشكل عنيف او كبير لان ده بيضعف البصليه بتاعت للشعر وبعد كده يبقى سهل جدا انه يتساقط بشكل كبير مع الوقت .

صحه الشعر ولمعانه بيبدا من الداخل ، لانك مهما اشتريتي في زيوت و كريمات وشامبوهات غاليه مش هدتيكي النتيجه المطلوبه طول ما جسمك محتاج فيتامينات :-

اول خطوه هتقومي بيها اعملي تحليل دم و اعرفي نسبه الهمبلوجين في الدم ولو لقيتي عندك انيميا او نقص في الهبلوجين بشكل عام لازم تتابعي مع دكتور مختص وتاخدى الفيتامينات المناسبه اللي تثبتلك نسبه الهمبلوجين و تبدئي تمشي على نظام غذائي يحتوي على الزنك والمعادن والحديد لجسمك و لشعرك .

في بعض الفيتامينات مهمه جدا لصحة الجسم والشعر والبشرة الضوافر ، حاولى تهتمى بيهم من الفيتامينات دي فيتامين بي هتلاقيه دايما في الحبوب الكامله زي الدرة اللي بيدخل في العيش .

ثبتي في اكلك اسبوعيا وجبات فيها اوميجا 3 زي الاسماك والجمبري والسبيط او المكسرات او اي ماكولات بحريه عموما هتفرق جدا في صحه شعرك .

وكمان متنسيش الخضروات خصوصا الخضروات الغامقه زي الجرجير والملوخيه والسبانخ و الخيار و الخضروات عموما ، هيحفز الجسم على افراز الغدد الدهنيه اللي بتخلي الشعر كانه في بلسم طبيعي .

البقوليات كمان من الحاجات المهمه جدا للشعر لانها بتحتوي على الزنك والبيوتين اللي بيحمي الشعر من التقصفات ومن التكسر وبالتالي هيقل نسبة تساقط الشعر بشكل كبير .

البروتينات من الحاجات اللي مفروض يكون رئيسيه او ثابته في وجبتك اللحوم البيضاء زي الدجاج او البيض

الاول لازم تعرفي نوع وعدد مرات الغسيل المناسبه لشعرك لان اختلاف فروه الرأس بتعمل اختلاف عدد مرات الغسيل المناسبه للشعر اللي بيحتاجها يعني لو شعرك دهني هتحتاجي تغسلي ثلاث مرات اسبوعيا لانه بيفرز زيوت بشكل كبير اللي بتسبب قشره الشعر اللي بتكون سبب رئيسي لتساقط الشعر .

لو كان شعرك جاف مش هتحتاجى تغسليه كتير لان افراز الدهون يبقى بشكل بطئ هيحتاج الشعر لعدد مرات غسيل اقل عشان ميجفش تماما من الزيوت بسبب غسيله و يبقي عنده نقص من زيوته الطبيعيه و هيديكى مظهر باهت ويتساقط ، الشعر الجاف بيحتاج يتغسل مرتين او مره اسبوعيا متزوديش عدد المرات عن مرتين لو شعرك من النوع الجاف .

في العموم متزوديش من عدد مرات غسيل الشعر عن تلات مرات اسبوعيا لان كتر غسيله بيخلي الشعر ميلحقش يفرز في الزيوت و بالتالي يخف .

متقلقيش عدد مرات غسيل الشعر عن مرتين اسبوعيا عشان عدم غسيل الشعر بيخلي الشعر تتراكم عليه الزيوت او الماده الدهنيه والاتربه عليه وبالتالي بتتكون قشره بتخلي الشعره مش قادره تتنفس .

متزوديش من استخدام الشامبو اكتر من مرتين او تلاته بالكتير لو كان شعرك من النوع الدهني ، الشامبو بيبقي فيه مواد كيماويه بتضر الشعر وكمان الشامبو بيشيل كل الزيوت من الشعر وبيؤدي الي تساقطه .

لو اضطريتي تغسلي شعرك اكتر من مرتين او تلاته يبقى الافضل انك تغسليه من غير ما تستخدمى شامبو او اى ماده عليه اثناء الاستحمام .

اعملي اسبوعيا ماسك او سكراب لشعرك ، اختاري الماسك او الاسكرب المناسب لنوعه اذا كان دهني او جاف او عادي ، الوصفات الطبيعيه من اكتر الحاجات المفيده للشعر لانها خاليه من الكيماويات وبتحتوي علي كل الفيتامينات الطبيعيه اللي شعرك بيحتاجها و هتساعدك على ترطيبها و تحافظي على حيويتها .

خصصي يوم على الاقل اسبوعيا تعملي فيه ماسك طبيعي لشعرك وكمان دلكي فروه راسك لان التدليك هيساعد على تحريك الدوره الدمويه في فروه الراس فهيخلي الشعر يأدي وظيفته بشكل سليم وصحي .

اول طرحه بتلبسيها او ما تسمى البندانه من المهم جدا انها تكون قطن ، البندانه القطن هتمتص العرق وتحافظ علي شعرك، تجنبي القماشات اللي زي النايلون او البوليستر لان بيحصل زي كهربا بين الطرحه والشعر بتضر الشعر بتسبب لتساقط الشعر من جذوره و تقصفه نتيجه للاحتكاك بين الطرحه والشعر .

متكسليش انك تسرحي شعرك قبل ما تلبسي الحجاب او تسرحي شعرك بشكل عام يوميا مرتين على الاقل عشان ميبداش يتشابك ويتلعبك وبالتالي لما تيجي تسرحيه هتلاقي صعوبه كبيره جدا وهتلاقيه بيتكسر وبيتقصف وبيتساقط و هيبقى صعب عليكي تسريحيه بالتالي هتلاقي كميه كبيره جدا من الشعر تساقطت في الفرشه ومع الوقت بيخف تدريجيا ، سرحيه باستمرار يوميا خصوصا قبل ما تلبسي الحجاب ، وكمان قلت تسريح الشعر بتؤدي لقلة تنشيط الدوره الدموية في الراس .

ربط الطرحه بعنف حوالين الشعر او بطريقه محكمه بيخلي الشعر مش قادر يتنفس وبالتالي بيتخنق و بيتساقط ، حولي يكون في اماكن يدخل منها الهوا لفروه الراس بشكل طبيعي .

اول ما ترجعي من بره اقعلي الحجاب في الفور وفكي كل الاربطه منه وسرحيه وسيبىه عشان يبقى بيتنفس بحريه، سيبي شعرك اثناء النوم بدون ربطات مفرود ، فتره النوم مهمه جدا للشعر .

استخدمي اطراف صوابعك في انك تدلكي شعرك بحركه دائريه بقليل من أي زيت طبيعي زي زيت جوز الهند او اي زيت تحبيه خمس دقايق يوميا .

اغسلي البندانات او الطرحه اللي بتلبسيها ملاصقه لشعرك بشكل مستمر لانها هي اللي بتدي مجال للشعر انو يتنفس والتصاق اي اتربه او زيوت بيها بتخلي الشعر مش قادر يتنفس .

قلة تعرض الشعر اطلاقا للشمس بيضعف الشعر ، لان الشعر بيحتاج لفيتامين د الموجود في الشمس ، فاحرصي علي تعريضه ساعه اسبوعيا في الشمس عن طريق اي شباك بالبيت عشان يستفيد شعرك من الشمس ويفضل وقت طلوع الشمس قبل الساعه 10 او بعد العصر عشان تتجنبي اشعة الشمس الضاره .

متنسيش تقصي اطراف شعرك باستمرار كل 6 اسابيع عشان يمنع التقصف ويبقي صحي ومظهره جذاب .
متهمليش شعرك باعتمادك علي انك محجبه ومحدش شايفه ، مع الوقت حالته بتتدهور .