ازاي تثقف نفسك

الثقافه من أهم الأمور اللي هتساعدك تتواصل بشكل جيد مع الأخرين ، وتفتح مجال للمناقشه والحوار في عده أمور مختلفه ، الي جانب أنها هتساعدك تعرف كل اللي بيحدث حواليك خطوه بخطوه ، وبالتأكيد عدم  ألمامك بها هيسبللك حرج وضيق كبير مع الأخرين ، بس ببساطه تقدر تكون شخص مثقف لو أتبعت عده خطوات : 


6 صوت بنسبة 76.7%
2 شخص قاموا بالتجربة

الخطوة رقم 1

ثقف نفسك بنفسك

_ أول خطوه لازم تعملها أنك تثقف نفسك بنفسك ومتعمدش علي كلام الأخرين ومناقشتهم وتبدأ في تكرار كلامها بدون فهمه أو البحث عن صحته من عدمه ، كدا هتبقي مجرد شخص ناقل للكلمه ليس أكثر أو أقل ..

_ فلازم تتفادي النقطه دي بأنك تعتمد علي نفسك في الثقافه وأي معلومه تسمعها تحاول تفتكرها بقدر الأمكان وتبحث عنها في وقت أخر وتتأكد من صحتها وتحاول تجمع كل المعلومات المرتبطه بيها ، علشان بالتأكيد هتتعرض لنفس النقاش مره أخري وفي المره التانيه هتكون أنت القائد للنقاش والملم بالمعلومات الكتيره .. 


الخطوة رقم 2

القراءه بشكل متواصل

_  القراءه في مجالك والعديد من المجالات الأخري هي الوسيله اللي هتساعدك بشكل كبير تكون فاهم كويس اللي بتقوله ، وتقدر تعود نفسك علي القراءه بأنك تقرا يوميا " الجريده الصباحيه " أثناء ذهابك للعمل ، ولو مكنتش حابب تقرأها تقدر تتصفح السوشيال ميديا وتعرف منها اللي بيحصل من حواليك ، لأن السوشيال ميديا حاليا هي أهم مكان لكل اللي بيحصل حوالينا ..

_ أقرا كل شهر كتاب في مجال معين تختاره وحاول تنوع في المجالات اللي بتقرأ فيها ، علشان تستفاد أكبر علم ممكن ، ووقت القراءه تعمد أنك تمسك قلم في أيدك وتركز علي النقاط المهمه اللي قرأتها واللي ممكن تساعدك في نقاشاتك . 

 


الخطوة رقم 3

شاهد أفلام

_ مشاهده الأفلام عموما وخاصه الوثائقيه منها هتساعدك بنسبه كبيره أنك تكون مثقف ومختلف عن الأخرين ، لأن الأفلام بتوسع مداركك وبتقدملك نوع جديد من المعلومات مش متوفر عندك ، الي جانب أنها بتخليك تفكر في سبب حدوث الأشياء وبتكون متفاعل ونشط بنسبه كبيره معاها . 

_ فـ ركز علي جميع الأفلام الوثائقيه وتابع قناه " ناشيونال جرافيك " بشكل يومي ، الي جانب أفلام الدراما والحروب الأمريكيه .. 

الخطوة رقم 4

أرتبط بالأشخاص المثقفين

في البدايه أرتباطك بالأشخاص المثقفين بالتأكيد هيسبللك ضيق وحرج كبير لأنك مش هتكون علي نفس الثقافه ودرجه النقاش اللي بيتواصلوا بيها ، بس بالتأكيد بعد فتره هتقدر تتناقش معاهم بشكل جيد وهتسفاد منهم بشكل كبير في المعلومات الي جانب انهم هيفيدوك بشكل كبير في الأمور الآتيه : 

_ حضور المؤتمرات والحلقات العلميه . 

_ معرفه أنواع كثيره من الكتب والعلوم لم كنت تعرف عنها من قبل . 

_ التشجيع علي القراءه وحب الثقافه والخوض فيها بشكل مستمر . 

 

نصائــــح

  • الثقافه في البدايه أمر صعب ولكنه مش مستحيل وهتقدر تعمله بالجهد والمحاوله المستمره .
  • كون مفرادات لغويه كتيره لكل اللي بيحصل ، وفكر في معاني المفردات كويس وأصلها .
  • خليك مستمع جيد سواء للأشخاص من حولك أو الأخبار في التلفزيون .