الزغطة هي شئ مزعج لكن غير مضر يصدر من الجهاز الهضمي وممكن تحصل لجميع الأعمار حتي في الرحم! الزغطة هي انقباضات قوية للعضلة الي بتتحرك لفوق وتحت لما بناخد نفس عميق. بالرغم من أنه نادرا أنها تكون مؤلمة أو علامة علي حالة طبية خطرة، الزغطة الا أنها ممكن تبقي مزعجة وغريبة للطفل. لو عاوزة تعرفي تتعاملي ازاي مع الزغطة عند رضيع اتبعي النصايح دي:

ايه المواقف الي ممكن تكون بتسبب الزغطة؟ هل الزغطة بتيجي أثناء أو بعد الرضاعة بفترة بسيطة؟ الزغطة بسبب الرضاعة شئ شائع لو لاحظتي أنه في علاقة بين الرضاعة والزغطة جربي تستخدمي بعض الوسائل الوقائية زي:

رضعي ضعف عدد المرات المعتاد بتاعك لكن كل مرة تبقي نص الكمية المعتادة. الرضاعة بشكل مبالغ فيه بكمية كبير ممكن تبقي السبب في الزغطة. لو المعدة بتتملي بسرعة أو بتتملي بزيادة ده ممكن يسبب الزغطة. لو بترضعي طبيعي حاولي تبطئ سرعة الرضاعة وتوقفي وساعدي طفلك علي التجشوء عند الانتقال من ثدي للاخر. لو بترضعي صناعي خدي فاصل لما توصلي لنص الببرونة وساعدي طفلك علي التجشوء وبعدين كملي الرضعة بعد عدة دقايق.

قللي ابتلاع الهوا. الأطفال الرضع وارد جدا أنهم يبلعوا هوا كتير أثناء الرضاعة والي بيسبب امتلاء المعدة. راجعي طريقة التقام طفلك للثدي أثناء الرضاعة وتأكدي أن شفايف طفلك مفتوحة علي الاخر ومحكمة حوالين منطقة الرضاعة بالكامل. اسمعي صوت طفلك وهو بيرضع هتسمعي أصوات ابتلاع بكميات كبيرة. لو بترضعي صناعي ميلي الببرونة بدرجة ٤٥ عشان الهوا يبقي بعيد عن فتحة الببرونة أو جربي استخدمي ببرونات مخصصة لتقليل ابتلاع الهوا عند الرضع. كمان أتأكدي أن طفلك بيزواية ٣٠ ل٤٥ أثناء الرضاعة في حجرك لأن ده هيقلل الهوا من أنه يستقر في المعدة. ساعدي طفلك يفضل جالس لمدة ٢٠ دقيقة بعد الانتهاء من الرضاعة علي الأقل عشان تسمحي للهوا يتحرك خارج المعدة والي هيقلل الضغط علي العضلة الي بتسبب الزغطة و هيساعد الطفل علي التجشوء.

 

الزغطة المتكررة ممكن تبقي اشارة علي وجود احتمال أن الطفل عنده ارتجاع، ودي حالة واردة وغالبا بتبقي مؤقتة والي الطفل ساعات بيسبب ترجيع الطفل لبعض محتويات المعدة والي ممكن يسبب الم وزغطة. من العلامات الي ممكن تساعدك انك تحددي اذا كانت الزغطة بسبب الارتجاع لو طفلك بيصحي بلليل بمزاج متقلب وبكاء والام البطن بعد الرضاعة والبثق. لو شاكة في الارتجاع يبقي مهم أنك تراجعي الطبيب.

في اغالب، الزغطة هتقل في عدد المرات والشدة مع مرور الوقت وكل ما طفلك وجهازه الهضمي بينمو.