من الطبيعي انك تشعر بالحزن والقلق من وقت للتاني ولكن ليس من الطبيعي أن يتحول حزنك الي أكتئاب وتحس أنك مش قادر تعمل إي شئ وتبدأ تنام بشكل مستمر وتحس أن الطعام والحياه حواليك ملهاش أي طعم وجميع الأفكار السوداويه تتسل إلي دماغك ومن الممكن بشكل كبير يتحول أحساسك بالأكتئاب الي أفكار أنتحاريه ، وفي المقاله دي هنعرض عليك مجموعه من الخطوات تساعدك بشكل كبير علي الخروج من منطقه الأكتئاب الي المنطقه الأمنه بسلامه :

  •  أفترض أسوء ما يمكن حدوثه

_ كثير من الوقت بتشعر بالأكتئاب بسبب مشكله معينه عندك ، فممكن تحاول تفكر بهدوء عن أسوء شئ ممكن يحصل بسب المشكله دي وفي المرات من تفكيرك بالتأكيد هتفشل لأن فتره الأكتئاب بتصيبك بالشلل في تفكيرك ، فأنت لازم تحاول أكتر من مره علشان توصل لنهايه سبب مشكلتلك ..

_ علي سبيل المثال : لو كنت مكتئب بسب رحيل شخص معين في حياتك ، أفترض أسوء حاجه ممكن حدوثها بعد رحيله وأبدا تتصالح ان الشخص مبقاش موجود وأن أكيد فيه شخصيات كتيره موجوده هتقدر ترتاح معاها زي ما ارتحت معاه ، كل اللي عليك انك تؤمن ان الأشخاص في حياتك فترات مهما كان درجه قربهم منهم وتوقع دا في أي لحظه ..

  •  ركز علي ما تمتلكه

في بعض الأحيان بيكون عندك حاجات كتيره تفرحك في حياتك زي أسره سعيده أو شغل مريح بالنسبه ليك أو وجود شخص هو العالم بالنسبه ليك ، وأنت مع أول حدوث مشكله كبيره بتلجأ الي الأكتئاب وبتترك كل حاجه حلوه في حياتك ، فلازم تلجأ لأكتر حاجات بتفرحك في حياتك لو حسيت انك ممكن تتدخل للمنطقه المظلمه دي ..

  •  أبتعد عن الأشخاص المتعبه نفسيا

في أشخاص كتير في حياتك اكيد بتحس بنسبه فرحه كبيره معاهم وأرتياح نفسي مع انهم مكتئبين دايما بسب وبدون سبب وكارهين كل حاجه حواليه مش غلط تقرب من الاشخاص دي بالعكس انت هتفرغ طاقه سلبيه كبيره معاهم ، بس غلط تبقي متواجد حواليهم في فترات أكتئابك لأنه ممكن يتحول بسب أفكارهم الي أنتحار ..

  •  أقترب من ربك

حاول تصلي وتقرب من ربك في فتره أكتئابك ، أكيد مبيبقاش عندك طاقه كفايه لكدا بس مع المحاوله مره ورا التانيه هتقدر تقوم وتصلي وتتدعي ربنا أنه يساعدك تحس براحه نفسيه وتتخلص من همومك ..

  •  تابع مع طبيب نفسي

_ الطبيب النفسي هيساعدك وهيسمع كل مشاكلك بهدوء وهو أكتر شخص هيقدم ليك النصيحه الكافيه وهيخرجك من المنطقه العتمه اللي واقع فيها ، فلو حاولت بشكل كافي تخرج بنفسك ومقدرتش ، لازم تعرض نفسك بأسرع وقت علي طبيب ..

_ وبالتأكيد كتير مننا عنده مشكله في أسعار الأطباء النفسين في مصر فتقدر تتابع مع موقع ” شيزلونج ” وهتلاقي العديد من الأطباء اللي هيساعدوك بشكل كبير أو تقدر تزور مستشفي الامراض النفسيه والعصبيه بالعباسيه وهتلاقي أسعار الكشف بمبلغ رمزي وهيوفرلك طبيب علي درجه عاليه من الكفاءه يتابع معاك ..

  • نصائــــح

بلاش تخلي الأكتئاب يتحكم منك ويسيطر علي عقلك .
أنت قوي وعندك حياه أكيد فيها حاجات حلوه ومهما كان اللي مريت بيه أكيد هتلاقي حد يساعدك بس دور .
الأنتحار عمره ما كان حل لمشكلته ، تقدر تبدأ دايما من جديد وتحدد كويس أنت عاوز ايه وعايش ليه ؟
مفيش حد في العالم ممرش بالأكتئاب وخصوصا في مصر ، فلازم تتعايش وتقرر أنه اختبار من الله واكيد هيجي يوم وتبقي كويس .
حب نفسك وثق فيها وتناسي دائما لان النسيان هو أفضل نعمه من الله ..