ازاي تتحكم في عصبيتك

لو انت من النوع العصبي ومبتقدرش تسيطر علي غضبك و تتحكم في اعصابك تماما ودايما الموضوع ده عاملك مشكلة مع معظم الناس المقربين ليك واحيانا كتير بتبقي مش عارف سبب عصبيتك وبيبقي مفيش سبب واضح قدامك يوصلك لمرحلة العصبية دي

احيانا كمان ممكن تحس بالغضب لمجرد تفكيرك في شخص مضايقك او فكرة بتؤرقك في بعض الاحيان ، احيانا بيكون الغضب ايجابي زي ان الشخص يكون بيدافع عن اهله الخ.. وبيخليك فاقد السيطره تماما علي اعصابك وتصرفاتك لدرجة ان الشخص ممكن يخسر حاجات كتير جدا بسبب غضبه الزائد .

وعشان نقدر نقلل من العصبيه او الغضب لازم نعرف اولا ان هو عباره عن رد فعل عاطفي تلقائي لحاجه الانسان بيدركها ان هي خطر عليه ، زي لما الانسان يحس انو هيتظلم او يحس بالتعب فبيبدا يحصل الغضب كرد فعل للجسم للدفاع عن نفسه او للهجوم علي الشخص الاخر ، فبيبدا المخ يبعت رسايل للجسم ويبدا الادرنالين يضخ في الجسم بنسبة كبيره ويبدا الدم يندفع في الجسم كله فتتحول لشحنة غضب وتحس كان المخ بيغلي
الطاقه الهائله دي لو متصرفتش صح بتتحول لضدك لو مقدرتش توجهها ممكن تحطمك لان الجسم كله بيتاثر من شحنة الغضب دي زي نضبضات القلب والعضلات ومع الضغوط والتراكمات ممكن الشخص يروح المستشفي

1 لا تفترض سوء النية
ايه الطريقه اللي بتكلم بيها نفسك ؟عمر ما الشعور بالغضب والاحاسيس دي بتظهر من غير ما تكون بتتكلم مع نفسك بطريقة سلبيه بتفسر دايما الاحداث والمواقف بطريقة سلبيه .
متفترضش سوء النيه دايما واعرف ان الكلام بيحتمل معنين زي ما بيحتمل المعني السئ بيحتمل المعني الايجابي ، علي سبيل المثال كنت في شغلك وحد علق تعليق معين علي شغلك متبدائش تتكلم مع نفسك انو هو بيحاول يطلعلي اخطاء او بيعمل كده عشان يظهر ان هو الافضل افترض ان هو كان بيحاول يساعدك او بيتقدك عشان تغير الحاجه دي وتبقي افضل.
فدايما وانت بتفكر في اللي بتحس بيه او في الحاجات اللي بتحصل متفسرهاش علي الجانب السئ والافكار السلبيه لان من غير ما تحس مع تراكم الافكار والمشاعر دي بتبدا تنفجر ويبقي عندك حالة من العصبية بشكل مبالغ فيه ومفرط ،لو قدرت تتحكم في شعورك واحاسيسك اتجاه الكلام بنسبه كبيره هتقدر تتحكم في عصبيتك وفي حياتك كلها.

2 متكملش مع اشخاص مش مقدرينك

كتير بيبقي الشخص في حالة كويسه ومبسوط ومتزن وتبدا حالته تسوء كل ما يتواجد في مكان معين او مع اشخاص معينين،احساس الشخص بعدم التقدير والحب والانتماء بالناس اللي حواليه سواء صحبته او اهله او المكان اللي هو فيه بيولد دايما شحنة غضب جوه الشخص بسبب انهم دايما بيبقوا مصدر احباط ليه ، ومصدر نقل صورة سيئه ليه عن نفسه.
لو كنت فعلا في محيط طول الوقت مش مقدرك و بيحبطك او مبيدكش طاقة حب ومصدر من مصادر سعادتك بل بالعكس دايما بيشكل ضغط عليك بصفة مستمره ،حاول تبعد عن المكان ده او الاشخاص دي ان امكن وتتعرف علي ناس جديده واشخاص جديده وتحاولتبدا حياة جديدة تحسسك بالتقدير والاحترام والحب وفهيبدأ يقل احساسك بالغضب او الحزن .
لو كانت الناس او المكان اللي بيمثل ضغط عليك زي بيتك او اسرتك وبالتالي مش هتقدر تقطع علاقتك بيهم او تغيرهم فحاول علي قد ما تقدر الناس اللي حواليك خارج الاسره يكونوا مصدر بهجه وسعادة ليك وامل علي الاقل ده هيعمل توازن في احساسك بشكل كبير وكل ما تحس بالغضب او الحزن هتلاقي مصدر بيدك امل وحب وطاقه.

3 اتكلم مع نفسك بشكل كويس

ايه الطريقه اللي بتكلم بيها نفسك ؟عمر ما الشعور بالغضب والاحاسيس دي بتظهر من غير ما تكون بتتكلم مع ذاتك او نفسك بصورة سلبيه بتفسر دايما الاحداث والمواقف بطريقة سلبيه .

متفترضش سوء النيه دايما واعرف ان الكلام بيحتمل معنين زي ما بيحتمل المعني السئ بيحتمل المعني الايجابي

علي سبيل المثال كنت في شغلك وحد علق تعليق معين علي شغلك متبدائش تتكلم مع نفسك انو هو بيحاول يطلعلي اخطاء او بيعمل كده عشان يظهر ان هو الافضل افترض ان هو كان بيحاول يساعدك او بيتقدك عشان تغير الحاجه دي وتبقي افضل

فدايما وانت بتفكر في اللي بتحس بيه او في الحاجات اللي بتحصل متفسرهاش علي الجانب السئ والافكار السلبيه ومن غير ما تحس مع تراكم الافكار والمشاعر دي بتبدا تنفجر .

لو قدرت تتحكم في شعورك واحاسيسك اتجاه الكلام بنسبه كبيره هتقدر تتحكم في عصبيتك وفي حياتك كلها
العصبيه احيانا بتكون مرتبطة بالاحباط والقلق

4 متتابعش الاخبار السيئه

كتر متابعتنا للاخبار السيئه زي الحروب والازمات الاقتصاديه والجرايم اللي بتحصل في البلد بتنطبع في زهن الشخص ان الجو العام او الحياه العامة متوترة و سيئه فبالتالي بيبدا يتعامل معاها بنفس الطريقه وبيبقي سريع الاثتثاره من اي موقف وسريع الهجوم وسريع في رد فعله بدون تريث او تفكير بهدوء او بحكمه .

الشخص بيبدا يتاثر تاثير كبير جدا بالاحداث دي ويعممها ويحس ان الحياة من حواليه كلها سودا وتبدا انت كمان تبقي سلبي وشايف الحياه كلها سلبيات وعيوب طول الوقت فيبدا انت كمان تعمل تصرفات وافعال متوترة وسلبية .

5 بطل تفكر في الماضي وتخاف من المستقبل

كتر التفكير في الماضي واللي حصل وان هو اد ايه اثر عليا في حاجات كتير والندم عليه بيخلي عندك احباط وده بيخلي في سوء تواصل بالناس اللي حوواليك ،التفكير الدايم في المستقبل وياتري هيحصل ايه ؟يا تري هفشل ؟ياتري اهلي هيبقوا كويسين ؟اسئلة كلها مليانه توتر وقلق وخوف .
حاول تقلل تفكيرك في الماضي او فكر في الحاجات اللي اتعلمتها منه واعرف ان انت انهارده قادر تكون شخص مختلف تماما عن الماضي بشخصيه مختلفه ومع ناس مختلفه ، متحكمش علي نفسك او حياتك من خلال تجربه قديمه ، وقلل تفكير في مستقب بانك تبذل مجهود وتاخد بالاسباب وانت مطمن ان بكره احسن من انهارده طول ما انا بعمل اللي عليا .

6 الناس مش تحت سيطرتك

من الحاجات اللي ممكن تسبب عصبيه للشخص انو بيبقي عايز كل شئ يحصل علي اتم واكمل شكل وبيبقي متوقع من الناس دايما انهم مثاليين يعملوا الحاجه بوجهة نظره هو زي ما كان شايفها او بيتخيلها .
لازم تعرف ان مش كل حاجه هتبقي تحت سيطرتك ومش هتحصل بالشكل الانت متوقعه بالظبط حاول تقلل توقعاتك من اللي حواليك عشان مهما كانت النتايج متضايقش منهم ، وتعرف ان طبيعي مش كل حاجه هتمشي علي اكمل وجهه وتحت سيطرتك
اعرف ان عشان حاجه تطلع بالشكل المظبوط سواء لو كان مع ولادك او كنت مدير في الشغل وتحتك مرؤسين العصبيه مش بتحلها وان الحكمه والصبر وانك تدور في الاسباب الحقيقيه اللي بتخليهم مقصرين هما افضل طريقه لحلها.
7 تخيل المشهد او النتايج

لما يحصل موقف بسيط ويعصبك تخيل لو خدت رد الفعل اللي جواك وتخيل اللي ممكن يحصل بينك وبين الناس اللي حواليك واللي ممكن تخسره ، وتخيل لو اتحكمت في غضبك وحاولت تتصرف بشكل متزن نتايجه هتكون ايه ؟ هتلاقي ان الغضب في الغالب هو سبب خسارتك وانك في الاخر مبتوصلش لهدفك.
تخيل لو حد من المقربين منك كان متعرض لضغط وبتكلمه بدون سبب غضب عليك ورد عليك رد سئ لو رديت ساعتها وانت منفعل وهو كمان منفعل هتتكلموا مع بعض باسلوب ممكن يخليكوا تقطعوا علاقتكوا ببعض او علي الاقل تحصل مشكلة كبيره بدون سبب ، وتخيل لو مردتش عليه او قولتله انا مقدر ان اكيد في حاجه مضايقاك ومش هرد عليك هتلاقيه هو بعد ما الموقف عدي ندمان وجاي بيعتذرلك .
8 شتت تفكيرك
اي حاجه بتركز عليها بتزيد وبتاثر في شعورك واحاسيسك ، بالتالي وقت المشكله بيبقي الشخص مركز بكل حواسه علي المشكله وعلي تفاصيلها واحداثها ، تخيل لو في مره كنت مضايقك جدا وجواك شحنة غضب كبيره وكلمك شخص بتحبه متكلمتوش من سنين هيتحول احساسك ازاي ؟
حاول كل ما تبقي غضبان تخرج من الموقف ومن الجو العام بتاعه غير المكان اللي قاعد فيه اتكلم مع حد بتحبه اعمل حاجه بتحبها سواء رياضه او لعبه معينه بتحب تلعبها زي الكوره .
9 فكر في الاسباب اللي بتعصبك

اعرف بالتحديد ايه الحاجات اللي بتخليك تغضب؟ طب ازاي اعرف الحاجات دي ؟جيب ورقة وقلم واسال نفسك انا غضبت ليه في الموقف ده ؟واكتب السبب ،كل ما يحصل موقف كبير وتتعرض لمشكله وتغضب ،واسال نفسك بصوت عالي هل هو مثلا حد قلل منك بطريقة ما فضايقتك ؟ هل حد كان بيحاول يظلمك فانت كنت بتدافع عن حقك او نفسك؟هل بسبب انك كنت مخطط لحاجه معينه تعملها ومعملتهاشاو مطلعتش بالشكل المظبوط اللي كنت متوقعه ؟ معرفتك لاسباب غضبك هي اول واهم خطوة لعلاج الغضب ، بعد فترة من كتابة الاسباب اللي بتسببلك الغضب هتبقي مكون صورة عامة وعارف غالبا ايه اكتر الحاجات اللي بتعصبك ، وهتلاقي اسباب مشتركه او متكرره ما بينهم . ابدا اتكلم مع نفسك في حلول للمشكلات دي او انك ازاي تغير رد فعلك اتجاه المشكله انك لما يحصل السبب ده بدل ما تظهر العصبيه كرد فعل ومفيش حاجة بتتغير تفكر انك تستخدم اسلوب تاني تتعامل بيه مع المشكله لازم تعرف ان طول ما في سبب معين لما بيحصل بيسببلك العصبيه والغضب ان السبب انت المسؤول عنه مش اللي حواليك بدليل ان السبب بيحصل مع اشخاص مختلفه وفي مواقف مختلفه واوقات مختلفه. وكذلك حلل معظم الاسباب والمواقف اللي ضايقتك واعرف فين السبب وابدء ناقش الفكره مع نفسك وعدل طريقة تفكيرك واحساسك ناحية الفكره ؟ هل العصبيه جابت نتايج في كل مره بتعصب فيها ؟ بالعكس دي جابت نتايج سلبيه ؟ طب ازاي اتعلم رد فعل تاني اقدر اتصرف بيه في الموقف ويجنبني انو يتكرر معايا تاني؟ او لما يتكرر ميضايقنيش من الاساس ؟ المواقف هتلاقيها واحده في الغالب لكن ردود افعالك هي اللي بتحدد هل الموقف هيكون لصالحك او ضدك ؟

10 متخليش اي حد يعصبك

ابدا عدل فكرتك ناحية السبب وفكر مع نفسك هل السبب فعلا يستاهل انك تضايق ؟ زي لو قاعد في الجامعه او في وسط اصحابك ولقيت حد بيتريق عليك اويقلل منك تلقائيا هتغضب وتبدا تظهر رد فعل عنيف جدا وتضايق منه وممكن تشدوا في الكلام ، مع انك لو ابديت تفكر مع نفسك هتلاقي انك رغم انك بتضايق من ده وحاولت تمنع اللي حواليك كتير ورغم علمهم ان الكلام ده ببيضايك كل مره نفس المواقف بتكرر ، اذا رد فعلك بالعصبية والغضب مغيرش النتايج ، وكل مره اللي بيحصل هو هو ،هنا هتبدا تتكلم مع نفسك ومع قناعاتك الداخليه هل انت مقتنع بان رائي الشخص ده فيك بيمثل اهمية ليك ؟ وهل الشخص ده فعلا بينتقدك انتقاد عشان مصلحتك ولا هو مجرد بيقلل منك لانه مضايق منك ؟ لو بينتقدك انتقاد لمصلحتك حاول تفكر ازاي ممكن استفيد من الحاجه دي واغير منها ؟ولو كنت الاجابه لمجرد انو بيقلل منك فمفروض انك تبقي عارف انك معرفتك لقيمتك ولنفسك مش بيتحدد بناءا علي رائي حد فيك فبالتالي لما يقول اي كلام سلبي عليك اضحك ومتردش عليه او اصلا حاول تتجنبه او حسسه ان كلامه لا يمثل قيمه بالنسباله وانت فعلا من جواك مقتنع بده لان كلامه فعلا مش دليل انك شخص كويس او لا ؟

11 استعين باخصائي نفسي

لو مقدرتش تحلل الافكار بالطريقة دي عن طريق الاسئله وتوصل لحلول ممكن تتناقش مع حد مختص زي الاستشاري النفسي او الطبيب النفسي ؟ ولو مفيش امكانية حاليا في مواقع كتير ممكن تساعدك تعمل ده من بيتك .

idea نصائــــح
نفس عن غضبك باستمرار سواء في الرياضه او المشي او باي طريقه غير انك تكتمه وبس.
اعمل جدول بالحاجات اللي عايز تنجزها يوميا عشان تنظم مواعيدك وتتجنب القلق اللي ممكن يسببلك الشعور بالغضب .
حاول تتجنب الاشخاص اللي بتثيروا استفزازك ؟ او تتعلم ازاي تتعامل معاهم في المواقف المختلفه .
متكثرش من كمية الاكل او من الاكل الدسم بشكل عام لانه بيزود العصبيه.
اعمل تمارين تنفس هتساعدك كتير انك تنظم تفكيرك .
متدخلش في جدالات ملهاش فايده او نتيجه في الاخر .
اتمشي يوميا في الهوا الطلق وحاول تستمتع بيه .
اشرب سوايل كتير .