كتير من الناس بيفكروا يبدؤا مشاريع خاصة بيهم فبيقرروا يسيبوا شغلهم تماما عشان يتفرغوا لمشروعهم الجديد علي رغم من الاختيار ده في البداية غلط لانك في الغالب بتعرض نفسك لمخاطرة كبيرة مش محسوبة خصوصا مع عدم وجود خبرة كافية ودراسة كاملة لكل جوانب المشروع .

  • ركز علي المنتج وليس الخدمات

اول حاجة بيفكر فيها الموظف عشان ياسس مشروع خاص بيه هو انه يستغل المهارات اللي بيستخدمها في وظيفته وتقديمها كخدمة استشارية ، مشكلة الاعمال الاستشارية في البداية هي انك بتبقي مش مالك لعمل خاص بيتبقي مالك لوظيفة الخدمات بيعتبر مجال عمل صعب لانك يعتبرك بتبيع وقتك فيه في حالة انك مشتغلتش يوميا بشكل كامل مش هيدخلك اي فلوس هيبقي مطلوب منك توفرلها وقت كامل يوميا بجانب وظيفتك وده في الغالب هيعمل ضغط كبير جدا عليك ، قدم اعمال استشارية في حال اذا كنت هتتخلي عن وظيفتك تماما .

حاول تخلق من الخدمة دي منتج اذا كنت هتقدم خدمات استشارية في مجال التسويق علي سبيل المثال فحاول تجمع مقرر او كورس تقدر تبيعه ، ولو كنت كاتب علي سبيل المثال فاكتب كتبا يمكن بيعها علي كتير من المواقع ، في عدد كبير جدا من الكتاب بيبعوا كتبهم الالكترونية عن طريق موقع امازون مقابل دولار واحد علي كل نسخه بيتم تحميلها

بكده بيقدروا يوفروا دخل ليهم حتي في فترات نومهم ،تفكيرك في تحويل الخدمة لمنتج تقدر تبيعه بطريقة مبدعة هيكون سبب في ان يتوفرلك دخل حتي لو مكنتش بتشتغل في فترة ما.

  • حول هواياتك لشغل

عشان تبدا عمل خاص بيك وتخطط له وتبدا تنفذه وتستمر فيه هياخد جزء كبير جدا من وقتك ومجهودك :-

اختار من البداية مجال او حاجة بتستمتع بيها عشان تقدر تستمر ، فكر في ايه الحاجة اللي بتعملها في وقت فراغك او حاجة دايما بتحس بشغف ناحيتها او بتثير فضولك سواء كنت بتحب العربيات او الرسم او الطبخ او الاماكن السياحية كل حاجه من دول او غيرها تقدر تحولها لشغل .

اعمل سيرش بسيط علي جوجل عن الحاجه اللي بتحبها وازاي تحولها لشغل هتلاقي معلومات كتير جدا وافكار تساعدك تحول شغفك او الحاجه اللي بتحبها لشغل علي سبيل المثال لو كنت بتحب الصيد تقدر تعمل بيدج خاصة ببيع ادوات الصيد ، اذا كنت بتحب القراءة فترات طويلة والكتابة الف بالطريقة دي هتقدر تحول هواياتك لشغل .

  • انشأ عمل استثماري

الاعمال الاستثمارية هي الاعمال اللي بتطلب راس مال صغير بجانب وقت وجهد هتوفره ليها ، تقدر تستثمر مدرخراتك (فلوسك) في شرا اصول مالية موثوقة بتحقق ارباح محترمة شهريا ممكن تزيد عن راتبك الشهري وده هيتطلب منك مجهود في انك تتعلم علم المال وتدخر ( تحوش) في البداية جزء من فلوسك ، لكن بمجرد الفهم والممارسة مش هيكون عندك سقف لطموحك وهتقدر تعمل شغلك في خلال وقت فراغك .

  • كون فريق عمل

ركز علي انك تدير مشروعك وازاي تكبره وتستثمر فيه ومتقومش بكل الادوار لوحدك ، من الافضل انك تدور علي شخص او اتنين يكون عندهم خبرة في المجال اللي هتشغل فيه يشتغلوا معاك وتركز انتباهك اكتر علي ادارة المشروع وتنميته ، ركز علي دورك في الادارة وفي تطوير المشروع وازاي تعمل الشغل علي افضل شكل واترك بقيت الفريق يقوم بمهامه مع اشراف منك .

من الافضل متحاولش توفر مرتبات الاشخاص دي من باب انك تقدر تقوم بمهامهم لان ده في الغالب هيتسبب بتاخير الشغل او تعطيله اوبعض المشاكل فيه وبالتالي تكلفة اكبر من اللي كانت هتدفع كراتب ومش هيساعدك انك تطور من مشروعك .

  • اتعلم ادارة الوقت

من ضمن الاسباب اللي بتوقف معظم الناس انهم يعملوا مشروع بجانب وظيفتهم هو عذر عدم وجود وقت ، لكن لو راجع الشخص توزيع وقته واللي بعمله يوميا هيلاقي انه عنده وقت كبير مبيحسنش استخدامه يقدر يستغله في عمل مشروع خاص بيه ، المشكلة الحقيقة في ان معظم الناس هما اللي بيخلوا وقتهم يتحكم فيهم مش هما اللي متحكمين في وقتهم وبالتالي اهدار جزء كبير من اليوم .

لو حابب تبدأ مشروع ناجح بجانب وظيفتك فمن الضروروي انك تتعلم ادارة الوقت وتتعلم انك هتبدا تستغني عن بعض الحاجات الغير مهمه لصالح حاجات اكثر اهمية وهي مستقبلك ، هتقلل من بعض العادات زي متابعة التليفيزيون يوميا لساعات طويلة او الخروج يوميا خروجات بدون هدف وهتتفاجئ من كم الشغل اللي هتقدر تنجزه يوميا خلال ساعتين او تلاته اضافيه يوميا .

  • استخدم التكنولوجيا

مع التقدم التكنولوجي الحالي يخليك تقدم تنجز مهام كتير جدا في وقت اقل
من السابق بمراحل ،وفي خدمات كتير جدا تقدر تساعدك في مشروعك ،استخدم
التكنولوجيه في اجراء البحوث الخاصة بمشروعك وعمل التسويق اللازم ليه في
الاف البرامج اللي ممكن تساعدك في معظم شغلك منها برامج خدمة العملاء
وبرنامج ادارة المشاريع اللي بيساعدك علي ادارة فريق العمل الخاص بيك .

  • خليك مرن

اي مشروع بيبدا فيه الشخص بيبقي متصوره بشكل معين ولكن مع التنفيذ بتظهر بعض الاختلافات فحاول يكون في نوع من المرونه وتقبل التغير انك تعدل من افكارك وتغير من طريقة تفكيرك لصالح مشروعك ، الاحتكاك بالسوق وبأرض الواقع بيخلق بعض الاختلافات عند التنفيذ عن الخيال فحاول تعدل فكرتك بما يتناسب مع
الواقع لكن لا تتنازل عن ان تقدم خدمتك او منتجكك بافضل جودة .

  •  تقبل الاخطاء

في بداية اي مشروع بيقوم الشخص ببعض الاخطاء نتيجة تعرضه لبعض المواقف اللي معندوش الخبره الكافيه بيها فبيعمل بعض الاخطاء واحيانا بتؤدي للخسارة فتقبل وجود بعض الاخطاء ولكن متيأسش واتعلم منها وكمل ودي تعتبر خطوة طبيعية بتحصل في اي مشروع حتي المشاريع الناجحة والكبيره بيحصل فيها بعض الاخطاء والخسارة .

  • علم نفسك باستمرار

عشان تقلل من الاخطائك علي قد ما تقدر ادرس السوق كويس والتسويق وكل فروع العلم الخاصه بمشروعك كل ما درست اكتر كل ما زودت فرصتك في النجاح وقللت من فرص الخطأ او احتمالية الفشل وكل ما زودت من الافكار اللي تقدر تخدم وتطور بيها مشروعك .

  • خلي عندك نفس طويل

اي نجاح بيتطلب مجهود ووقت وصبر مفيش حد اتولد ناجح ، ومفيش نجاح بيتم من يوم وليلة فلازم يكون عندك صبر ورؤية للمستقيل واستمرارية ، الاستمرارية هي سر نجاح اي شخص القدرة علي الاستمرار والتعلم وتحمل الاخطاء والتعلم منها هو الفرق بين اي شخص والتاني بيبدؤا مع بعض منهم واحد بيستمر وبينجح ويكمل وواحد بيفشلوده مش معناه ان في خشص حظه افضل من التاني لكن معناه ان في شخص استمر واتعلم رغم العقبات وشخص توقف .

يوما ما هتقوم بتقديم استقالاتك لانك هتكون قدرت تكون مشروع ناجح قوي ومفيش مخاطرة من ترك الوظيفة الخاصة بيك وتاكدت من قرارك قبل ما تنفذه