لما بتعمل رجيم وتتوقف فجأة الرجيم بيبوظ وبتلاحظ زيادة في الوزن اكتر من الاول ويضيع كل المجهود اللي عملته علي الارض، والحرمان من الأكل وعذاب الرجيم مش حل ، وده لان في ناس معدلات الحرق بتاعتها ضعيفة وده بيخلي الدهون بتتراكم بسرعة، عشان كدة الطريقة الافضل انك تاكل اللي انتي عايزة بس تعلي معدلات الحرق في جسمك وده بيحصل عن طريق الخطوات التالية:-

لو عايز تحرق الدهون من غير ماتحس التزم بمعلقة عسل ابيض او 3 تمرات على الريق قبل تناول أي طعام في اليوم لانها سكريات طبيعية وبتزود معدل الحرق جدا وبتخلصك من دهون البطن

اولا قله النوم بيخليك تاكل كتير وده لان الحصول على قسط كافي من النوم بيزيد من إفراز هرمون اللبتين اللي مسؤول عن الشعور بالشبع ، ولما مبتاخدش قسط كافي من النوم بيزيد إفراز هرمون الجريلين اللي بيخليك تحس بالجوع وتاكل اكتر

وقلة النوم مش بتخليك تجوع بس كمان بتخليك محتاج للوجبات السكرية والوجبات السريعة اللي بتزيد من الوزن والدهون ،و نقص النوم بيؤدي إلى إفراز هرمون التعب والإجهاد المسمى الكورتيزول، وهو بيخليك تشعر بالجوع ويؤدي إلى ترسب الدهون وتراكمها في منطقة البطن. والنوم في الضلمة مهم جدا لإفراز هرمون الميلاتونين اللي بينظم النوم والاستيقاظ عند الإنسان، عشان كده حاول تقفل الأنوار وانت نايم عشان تعرف تروح في نوم عميق وصحي سريعا .

ثانيا ضبط معدل النوم في وقت محدد كل يوم بيعلي معدل حرق الدهون بنسبة عالية جدا وعدم الالتزام بوقت نوم معين يعني بتنام مره الساعه 5 ومرة الساعة 12 بيلخبط نظام الجسم في الحرق ,وبيخلي الجسم يزيد بسهولة

كل اللي تحبه واحتفظ باخد نص لمونه كل يوم قبل النوم وعلبة زبادي عشان تهدئ المعدة من الاضطرابات لان الليمون لوحده حمض قوي علي المعدة

عشان تاكل اللي انت عايزه وتحافظ علي جسمك اتعود تأكل علي فترات عشان تزود معدل الحرق وتاكل ببطئ لان العقل بيستغرق 20 دقيقة عشان يحس بالشبع ولما بتاكل ببطء بتخدع العقل وبيحس بالشبع اكتر وبعد فتره كل تانى لكن متسبش نفسك تجوع وتاكل علي مرة واحدة لان ده بيوسع المعدة وبيزود معدل الأكل بنسبة كبيرة

عشان تشجع نفسك على الرياضة قارن بينها وبين الرجيم هتلاقي نفسك بتختار تلعب رياضه ولو نص ساعة يوميا عشان تزود معدل الحرق في جسمك وجسمك ميزدش من غير ما تحرم نفسك من الاكل

من اقوى المشروبات اللي بتحرق دهون الجسم هي القرفة بالزنجبيل مع نص لمونه ونعناع وكمون على الريق ،وكمان الزنجبيل مع الليمون بينشط ويمده بالطاقة وبيزيل السموم