غالبا اول لما بنسمع جملة ازاي اعمل مشروع بيبدأ تفكيرنا ينحصر اما في التجارة او في المواهب اللي عندنا زي الرسم او التصوير او التفصيل الخ .. وازاي اقدر استغلها انسب استغلال واعمل من خلالها مشروع خاص بيا ، بس عمرنا ما جيه في دماغنا او مخيلتنا اننا نقدر نعمل مشاريع ومشاريع ناجحة وكبيرة بدون ما نمتلك موهبة او حرفة معينه وعشان تقدر تعمل ده محتاج لبعض الطرق اللي من خلالها تقدر تاسس مشروع كبير من الصفر بدون ما تملك اي موهبة معينة .

غالبا اول لما بنسمع جملة ازاي اعمل مشروع بيبدأ تفكيرنا ينحصر اما في التجارة او في المواهب اللي عندنا زي الرسم او التصوير او التفصيل الخ .. وازاي اقدر استغلها انسب استغلال واعمل من خلالها مشروع خاص بيا ، بس عمرنا ما جيه في دماغنا او مخيلتنا اننا نقدر نعمل مشاريع ومشاريع ناجحة وكبيرة بدون ما نمتلك موهبة او حرفة معينه وعشان تقدر تعمل ده محتاج لبعض الطرق اللي من خلالها تقدر تاسس مشروع كبير من الصفر بدون ما تملك اي موهبة معينة .

بعد ما قدرت تعرف اكتر من حد حواليك عندهم مهارات معينة زي التفصيل ، الرسم ، الطبخ الخ .. ابدء فكر في طريقة من خلالها تقدر توصل بيها العميل او الزبون لمنتجك او خدمتك اللي حصلت عليها من خلال الشخص الموهوب يعني دورك هيكون بمثابة “الوسيط” بين العميل والمنتج .

قنوات البيع ليها اشكال مختلفة حسب المنتج الخاص بيك ، ممكن تنشئ قنوات بيع عن طريق السوشيال ميديا سواء فيس بوك او انستجرام الخ .. او عن طريق استئجار مكان صغير حيوي بتسوق من خلاله منتجكك او خدمتك اللي انت قايم بمثابة “الوسيط”بيها .

عشان الشغل يكون قائم عليك وميتوقفش بعد فترة بسبب ان صاحب الموهبه ده قرر يشتغل لنفسه ويكون البيزنس خاص بيه من البداية للنهاية ، من المهم ان يكون في اكتر من شخص متعاقد او بتشتغل معاه فلنفترض علي سبيل المثال انك لاحظت ان في شخص من المحطين بيك موهوب جدا في الرسم فقررت تكون الوسيط وتسوق له منتجاته من خلال معرض لرسوماته او من خلال السوشيال ميديا ،من المهم انك تدور علي اكتر من شخص موهوب بالرسم يكونوا شغالين معاك او متواجدين في حالة عدم وجود الشخص الرئيسي لاي سبب من الاسباب .

ابني ماركة خاصة بيك ، من المهم انك تاسس الشغل بعيدا عن اسم الشخص اللي شغال معاك او صاحب الموهبه ، متربطش الشركة بتاعتك باسم شخص معين عشان شغلك ميتاثرش في حالة استبدال او عدم وجود الشخص ده .

دورك في البيزنس ده قائم علي انك حلقة الوصل بين “العميل” و”صاحب المنتج” من المهم انك تحافظ علي ده ، من خلال انك توجد وسيلة ما تكون انت من خلالها حلقة الوصل ما بينهم سواء عن طريقك او عن طريق شخص تعينه كخدمة عملاء يستلم الطلبات من العملاء وهو بنفسه اللي يوصلها و يبلغ بيها صاحب الشغل ، او يكون الشخص نفسه هو الوسيط بدون خدمة عملاء لو كان متفرغ ،الي حد ما المشروع هيكون بنفس فكرة السمسرة بس بشكل مختلف.

من المهم انك تتعلم اساسيات التسويق و بعض ادوات التسويق اللي ضروري ، تتعلمها لمشروعك لان معظم مشروعك هيكون قايم في الاساس علي قدرتك علي التسويق والتسويق مش بمعني المبيعات ولكن العملية التسويقية كاملة شامله معظم الاقسام اللي من ضمنها التسويق .

كل ما زادت قدرتك علي فهم العملية التسويقية كل ما زادت قدرتك علي عمل مشروع بحجم اكبر او تقدر تاسس”ماركة”خاصة بيك تقدر تستثمر فيها وتكبرها .

حاول تقسم المهام الخاصة بالمشروع وتخلي شخص مسؤل عنها سواء بالعمولة او براتب ثابت علي سبيل المثال تخصص شخص ما للشحن وتوصيل المنتج للعميل لبيته ، تفرع لتقسيم المهام وادارة المشروع وحل المشاكل اللي بتواجهكوا اثناء المشروع والتسويق ليه واجعل في اشخاص بتساعدك في المهام التانية .

خلي لكل شخص في الفريق نسبة من المكسب ، قسم المكسب علي كل الاشخاص اللي مشتركين في المشروع ، ونسبة الاكبر تكون للشخص الاكثر مجهود وشغل .

خلي في ميزة تنافسية لمشروعك تخليه مميز عن بقيت المشاريع في نفس المجال او في المجالات المشابهة ،وكمان تخلي في ميزة للاشخاص اللي بيشتغلوا معاك فيها هيخسروها لو بدؤا يكونوا شغل خاص بيهم في المستقبل بعيدا عن مشروعك .