الأوراق الحكومية بتضيع وقت كبير عشان تعملها لانك بتاخد اكتر من مشوار عشان تعرف الاوراق وتبدأ تجهز فيها وتروح تخلصها عشان كدا لما تروح وانت عارف اللي مطلوب منك هتسهل عليك و هيوفرلك وقت كتير عشان كده في الوقت ده هنقولك ازاي اعمل جواز سفر .

في حالة انك طالب جامعي وحابب تعرف الأوراق المطلوبه لعمل جواز السفر هنقولك علي بعض الاوراق اللي هتساعدك تعمل جواز سفر بطريقة اسرع :-

1-البطاقة الشخصية (لازم تكون سارية . مدة سريان البطاقة لمدة 7 سنين من استخراجها)

2- كارنيه الجامعةومن المهم الكارنيه يكون كارنيه الجامعه لنفس الترم الدراسي اللي حالياً بتدرس فيه ولا يكفي تكون مقيد بنفس السنه ،في حالة عدم استلام كارنيه الجامعة البديل هيكون اثبات قيد من الجامعة لنفس الترم المقيد بيه حالياً .
3-صور من اي مكان تصوير مستندات صورة للبطاقة علي الوجهين .

4-صورتين شخصيتين 4 × 6 خلفية بيضاء حديثة بدون اجراء اي تعديلات فيها سواء بالاضاءة او بالالوان او بأي شئ ومن المهم اعلام الاستوديو بانها صورة خاصة بجواز سفر

6-رسوم استخراج جواز السفر حالياً في حدود 150جوبتستلم وصل بتقدر من خلاله تسلم بيه جواز السفر بعد مرور اسبوعين ، ولكن من الشروط المهمه انك تروح تستلمه بنفسك .

في حالة ان لسه طالب في مدرسة وحابب تستخرج جواز سفر هتكون الاوراق المطلوبة نفس الأوراق المطلوبة من الطالب الجامعي ولكن بزيادة ورقة اثبات قيد من المدرسة :-

1. طلب جوازات مجانى متوفر بمصلحة الجوازات
2. أصل شهادة الميلاد لمن هم أقل من 16 سنة
3. شهادة إثبات القيد الدراسى (لمن هم فى مراحل الدراسة)
4. بطاقة الرقم القومى لمن هم أكبر من 16 سنة
5. 3 صور شخصية خلفية بيضاء بدون اي تعديلات .
6. سداد رسوم 135 جنيها بخلاف الدمغة

في حالة انك انهيت المرحلة الجامعيه واتخرجت هتكون الأوراق المطلوبة هي كالأتي :-

1-البطاقة الشخصية ولازم تكون سارية .
2- صورتين شخصيتين بخلفية بيضاء 4×6 حديثة
3-صورة سارية من البطاقة الشخصية
4-رسم الاستخراج 150ج

وعلي عكس الطالب الجامعي مش بتحتاج شهادة التخرج لانه بيبقي متوفر في البطاقة الشخصية المسمي الوظيفة وبتستلم وصل تستلمجواز السفر بعد مدة الاسبوع .