التشينيز فود او الاكل الصيني من الاكلات اللي انتشرت في مصر والوطن العربي في الفترة الاخيرة وبقي عليها طلب واقبال من الناس بشكل كبير وبضطر تشتريها من بره في حين ان طريقتها بسيطة جدا وسهله تتعمل بالبيت ومبتاخدش وقت كبير ولا مجهود فالمقالة دي هنشرح صنف من اصناف التشينيز فود وهو السويت تشكين مع الرز .

هتحتاجي نص كيلو صدور مخليه وتقطعيها مكعبات وتتغسل كوويس ، هانجيب طبق نخلط فيه شوية دقيق مع ملح وفلفل وبابريكااا نقلبهم مع بعض كويس ونبدأ نحط مكعبات الفراخ فيها ونغطيها كويس بالخلطه دي والافضل تسيها في الخلطة فترة عشان تتشربها .
حمري مكعبات البانيه في زيت غزير ويكون سخن سخن واول ماتاخد اللون الذهبي نطلعها ع مناديل .

نجهز البصل وفلفل الوان متقطعين شرايح ونبدأ بالبصل نشوحه شويه لحد ما يدبل ونحط عليه الفلفل الالوان الاخضر والاحمر والاصفر وممكن تضيفي جزر مبشور حسب الرغبة واستمري بالتقليب بعدين نحط عليهم الفراخ اللي حمرناها ونستمر في التقليب مرة تانيه.

معلقه صغيره صويا صوص ومعلقتين كبيره كاتشب ومعلقة كبيرة صلصه طماطم وملح وفلفل وسكر ونقلبهم كويس ونحطهم علي الفراخ وعليهم كوباية ماية
نجيب تلت كوباية مايه تانيه نحط عليها معلقة نشاا وندوبها فيها ونحطهاااا بردو علي الفراخ ونديها رشة بهارات مشكله ونغطي الطاسه حوالي 100 دقايق ع نار متوسطه مش عاليه اوي.

هنجيب حله نشوح فيها حبة بسله وجزر ومعلقة كركم ونشوحهم شويه ونحط عليهم حوالي كوباية مايه علشان البسله تستوي الاول ولما تستوي نحط الرز وعليه الملح والفلفل ومكعب مرقة دجاج وماية لو هانعمل رز بسمتي الكوبايه رز بتحتاج كوبايتين مايه ولو رز عادي بيحتاج ع الكوبايه رز كوبايه مايه .

متزوديش من الصويا صوص عشان متغمقش الفراخ بزيادة .
النشا بندوبها في ماية عادية مش دافية ولا سخنة عشان متعملش كتل