يعد سرطان الثدي من الأورام الخبيثه والتي تنشأ عن مجموعه من الخلايا السرطانيه في الثدي ، وللاسف أنتشر بشكل كبير في مجتمعنا في الفترات الاخيره ، وهذا النوع من السرطان يصيب العديد من الفئات العمريه من النساء ، علشان كدا هنقدملك مجموعه من الاعراض تتبعيها كل فتره بنفسك وتتأكدي من عدم الاصابه بهذا النوع من السرطان :

  •  كتله في الثدي أو تحت الابط

_ في بدايه أصابتك بالمرض دا ممكن متحسيش بأي اعراض واضحه ليه ولكن بعد فتره هيبدأ يظهر كتل في الثدي أو تحت الابط ، والكتل دي بشكل كبير مش هتحسسك بأي ألم ولكنك هتشعري بوخزه بسيطه في ثديك وبشكل كبير في بدايه تكوين الكتل عندك مش هتشوفيها بشكل واضح هتحسي بس بالوخزه .

_ ولذلك الحل اللي تقدري تلجأي اليه علشان تتطمني هو اللجوء للدكتور علي الفور وتعملي ” تصوير الثدي الشعاعي ” المعروف طبيا ” بالماموغرام ” ، وهتقدري تشوفي الكتل دي بشكل واضح عن طريق الماموغرام .

  •  إفرازات في الثدي

هتحسي بنزول إفرازات من حلمه الثدي ممكن تكون دموية أو شفافه وبعض الأحيان بتكون بألوان تانيه ، وأكد الأطباء أنها ممكن تكون إفرازات حميده ومش هتسبب ليكي أي ضرر بس لازم تكشفي علي الفور وتتاكدي أنها حميده مش من أضرار سرطان الثدي .

  •  ظهور ورم في الابط

من أكثر الاعراض اللي هتكون واضحه ليكي لو أصبتي بهذا المرض هي ظهور تورم تحت الابط وهتشوفيه بسهوله بعينك المجرده ، وهيسبب ليكي ألم لو لمستيه بأيدك وفتره بعد فتره الألم هيكون هيستمر معاكي تحت الابط .

  •  تغير حجم الثدي

من العلامات المتقدمه التي هتأكدلك أصابتك بسرطان الثدي هو تغير في شكل الثدي بشكل واضح وبارز ليكي ، فمن الممكن أن يحدث الآتي :

_ تراجع في الحلمه ( بمعني أنها هتتحول الي الداخل ) .

_ سماكه جلد الحلمه بشكل واضح أو سماكه الثدي كله ( بمعني ان الملمس هيتغير للخشونه بشكل واضح جدا معاكي ) .

  • احمرار الثدي

من العلامات المتقدمه ايضا واللي بتأكد أصابتك بهذا الورم الخبيث هو ظهور احمرار في شكل الثدي كله أو في الحلمه فقط وهذا الاحمرار بيبدأ بتهيج في الجلد او التهابه وثم يتحول الي احمرار وبيكون بارز ليكي ومؤلم جدا .

  • تسنن الجلد

الجلد المغطي للثدي هيأكدلك بشكل كبير أنك تتاكدي من اصابتك بمرض سرطان الثدي ، فما ذكرنا لكي في الخطوه السابقه بأنه سيصاب بالتهيج والاحمرار والألتهاب ، ايضا هتلاحظي ظهور شئ أخر عليه وهو تسننه بمعني يكون شكله كبير مثل جلد الشخصيات الكبيره في السن .

  • نصائــــح

قومي بمتابعه مستشفي بهيه لعلاج سرطان الثدي وأعملي كشف من الفتره للأخري علشان تتأكدي من عدم أصابتك بسرطان الثدي .
دراسه أثبتت أن كثره استخدام كريمات فرد الشعر والبروتين والصبغات وغيره من المواد الكيمائيه للشعر تؤدي الي أضطراب في هروماناتك وبالتالي يحدث سرطان الثدي لذلك يجب أن تتوقفي عن استخدامهم بشكل مستمر.
موجود حاليا مستشفيات وأطباء متخصصين في مثل هذه الحالات فمتقلقيش أكيد لو أصبتي بيه هتتعالجي وترجعي أحسن من الأول .
تناولي الاطعمه الآتيه هي بتقي بنسبه كبيره من حدوث سرطان الثدي ( بروكلي ، رمان ، توم ، تفاح ، الاسماك جميعها ، الزنجبيل ، فول الصويا ).