في مقولة بتقول “التسنين …. وسنينه!” نظرا لأن مرحلة التسنين بتبقي صعبة علي الأم والطفل. في علامات وأعراض بتظهرعند الطفل لو هو بيسنن لو عاوزة تعرفيها تابعي بقية الموضوع.

من علامات التسنين عند الأطفال هي رفض الأكل لأن الطفل بتوكن سنانه بتشق وممكن يشعر بالام في اللثة. حاولي تعرضي عليه مشروبات صحية عشان ميفضلش جعان مع الم التسنين.

لو حصل تغيرمفاجئ في عادات نوم طفلك وبقي بيصحي يعيط بالليل فده ممكن جدا يكون بسبب التسنين. حاولي تستحملي الفترة دي لأنه فعلا متألم.

في بعض الأطفال بيحصلهم تغير مزاجي بنسبه ١٨٠ درجة مع التسنين وممكن بعد ما كان طفل هدئ ولطيف نوعا ما بقي بيعيط كتير ومنزعج.

بعض الأطفال مع التسنين بتظهر معاها حركة شد الودن فتلاقي الطفل بشد في ودنه بشكل متكرر أثناء اليوم.

بيظهر مع التسنين كمان لعاب، فتلاقي الطفل دايما بيخرج من بقه لعاب بكثرة أثناء الفترة دي.

كوني هادئة مع طفلك لأنه بيشعر بالألم
ممكن تدي الطفل فوطة مبلولة بمية سقعة يعضعض فيها عشان تساعديه علي تهدئة الم التسين