بتواجهه فئة كبيرة من البنات مشكلات اول ما بتبدأ تتخطي سن الزواج المتعارف عليه سواء من الاسرة او الاصحاب ومن النظرة من المجتمع عامة والكلام اللي بتواجهه ، واحيانا بيكون المشاكل نابعة من البنت نفسها وعدم احساسها بالرضا من عدم وجود شريك للحياه وسيطرة الشعور بالوحدة وانشغال صاحبتها بسبب الزواج واحيانا بيزيد الاحساس لدرجة ان البنت تصاب بالاحباط و الملل بسبب كل الظروف اللي بتحاوطها وعشان كده في المقال ده هنقولك ازاي تستمتعي بحياتك مع تاخر سن الزواج .

  • الايمان بحكمة الله

مبدئيا وقبل كل شئ الايمان بحكمة الله من تاخير الزواج هو اول واهم حل لاساس المشكلة ، ايمانك بأن تاخير الزواج مش شرط يكون شر او عقاب او عدم رضي من الله هو اول طريقك للحل .

تاخير اي امر من امور الدنيا غالبا بيكون لحكمة ولهدف لا يعلمه الا الله ، فكري في الحكم اللي ربنا مأجل زواجك بسببها زي ان قد يكون ربنا بيعلم الشخص صفة معينه من الاختبار ده زي الصبر او الحكمة او ينقيه من صفة معينه زي العصبية او التهور او ان ربنا بيعلمك حسن الاختيار او قد يكون ربنا مأجل زواج شخصين من بعض لانسب وقت ليهم او لغيره من الاسباب اللي لايعلمها احد، حاول تفكر في الحكمة وتحسن من نفسك للافضل واتركي كل شئ لله ياتي بها كما كتبها .

خدي من التجربة ما يفيدك واتخلصي باستمرار بما يؤذيك بأكثر من طريقة ، وامني بان الزواج رزق من الله وحده قد يعجل به وقد ياخره وقد يمنعه .

  •  لا تقارني نفسك باحد

من اكتر الحاجات اللي ممكن تكون ملهكة للشخص انه يقارن نفسه ورزقه بأرزاق الاخرين ويحس انه دايما مظلوم او انه اقل من اللي الحواليه والشعور بالدونية .

في الفترة دي احيانا ممكن يجتاحك الشعور بالمقارنة بينك وبين اصدقائك في نفس سنك بانهم متزوجين وعندهم اطفال وبيقضوا مراحل جديده ومختلفة ، وده شئ طبيعي لان العقل البشري بطريقة غير ارادية دايما بيعقد المقارنات بين اي شئين متشابهين وبين الاختلافات ما بينهم …

تخلصي دايما من المقارنة دي عن طريق افكارك عن نفسك وبالكلام اللي بيتكرر دايما علي الدماغ من خلال تفكيرك ، كرري دائما علي عقلك ان لكل شخص رزقه وان كل شخص عنده حاجات غير مكتمله حتي لو كانت غير ظاهره …

اعرفي دايما ان كل حد من اصحابك عنده مشكلة ما في حياته بس مختلفة عن الأشخاص التانين وممكن تكون غير ظاهره ومش واضحه بالنسبالك ، وان ممكن يكون مستقبلك افضل من اشخاص كتير وان محدش يعلم مكان الخير او توقيته ، توقعي دايما الافضل لمستقبلك ولحياتك وفكري في نفسك دايما بايجابية .

  • طوري من نفسك

اعتبري الفترة دي من حياتك فرصة مهمه جدا ومش هتتكرر من غير اي مسؤوليات وقيود ،اعتبريها فرصة انك تركزي فيها علي شغلك وانك تجتهدي وتوصلي فيه لافضل نقطة ممكنة، ركزي علي شغلك وحاولي تكوني من افضل الناس في شغلك .

ابدئي في وظيفة حتي وان كانت بسيطة وطوري من نفسك فيها ،لو مش بتحبي وظيفتك وحاسه انها روتينيه بالنسبالك حاولي تبحثي عن وظايف تانيه في حاجات بتهتمي بيها او بتحبيها لان ده هيفرق بشكل كبير في احساسك وافكارك ونفسيتك وعلاقاتك .

اجتهدي في شغلك وزودي من خبرتك ومهاراتك ولا تكتفي بالتعليم الجامعي فقط ، حاولي تتدوري علي كل الاماكن اللي بتدي كورسات او دبلومات في المجال اللي مهتمه بيه او حابه تطوري من نفسك فيه وانضمي لافضل مكان فيهم ، ده هيفرق معاكي بشكل كبير في كل جوانب حياتك .

حاولي تكوني مجتهده في عملك وتعتبري الفترة دي اكبر فترة هتساعدك في التطوير من نفسك من غير وجود قيود او مسؤليات وانك تقدري تركيزي علي العمل فقط ، اجتهدي في عملك وحاولي الوصول فيه لاكبر نقطة ممكنة به ، طوري من مهاراتك وخبراتك ولا تكتفي بالتعليم الجامعي ، حاولي ان تتعلمي ما ستحتاجيه لعلملك .

  • ابدئي مشروع خاص بيكي

لو مش عندك وظيفة معينة او وظيفتك روتينيه بعض الشئ حاولي تبدئي مشروع خاص بيكي ولو علي نطاق ضيق عن طريق اي هوايه بتحبيها او مهارة معينه بتمتلكيها زي الرسم او التفصيل او اي شئ .

اعرفي ايه الحاجه اللي بتحبيها واعملي بحث علي موقع جوجل عن المشاريع اللي ممكن اعملها في الحاجه دي وهتلاقي الاف الافكار اللي هتساعدك ، بدايتك لمشروع خاص بيكي هياخد حيز كبير من تفكيرك وهيجدد من روتين حياتك اليومي وهيوسع من دايرة معارفك واصحابك .وهتحسي بثماره ونتايجه يوم بعد يوم .

  • متفكريش في الكلام المحبط

من اهم الخطوات عشان تتغلبي علي كل القيود وتقاليد المجتمع اللي بتضغط عليكي وتتهمك بالتقصير او بعدم الاخذ بالاسباب اللازمة .

حاولي تقللي من الرد علي الناس اللي بتتهمك بالتقصير او بوجود عيب معين فيشخصيتك او تفكير وانه السبب في تاخر الزواج ، لان الرد علي النوعية دي من الكلام بيفتح مجالات لنقاشات اكتر في وجود كل مناسبة تسمح .

خدي المفيد من الكلام واللي يناسبك لكن لا تؤمني بالكلام السلبي او المحبط فتحاولي تغيري من شخصيتك وصفاتك وطبيعتك عشان ترضي اشخاص ، اتغيري لو حسيتي انك فعلا محتاجه تتغيري عشان نفسك وعشان تكوني افضل .

  • متحاوليش تغلي الفكرة تماما من دماغك

جزء كبير من البنات بيقع في خطأ شائع لما بيتأخر سن الزواج وهو انهم بيقوموا باقناع نفسهم انهم مش هيتزوجوا علي الاطلاق عاجلا ام اجلا لغاية لما بتستقر الفكرة دي في بالعقل وبتشيع بين المقربين منك وده ممكن يكون سبب من الاسباب اللي تمنع زواجك علي الاطلاق .

خلي دايما ردك علي نفسك وعلي المقربين حوليكي محايد زي “هتزوج لما يحين الوقت المناسب ليا والشخص المناسب .

  • مارسي انشطة او هوايات

من الحاجات اللي هتخلقك حياة بتحبيها ومستمتعه بيها انك تمارسي رياضه معينه بتحبيها او تتعلمي حاجه بمثابة هواية عندك زي الرسم او الموسيقي او الخياطه الخ .. او تنضمي لانشطة تطوعيه ، كل ده هيملي عليكي جزء كبير من اوقات فراغك بحاجات ممتعه بالنسبالك وهيخلي تتعرفي علي ناس اهتمامتهم قريبه من اهتمامتك وبالتالي هياثر بشكل كبير علي نفسيتك للافضل وهيخلي شخص دايما ناجح ومستمتع بحياته

  • نصائــــح

حل المشاكل غالبا بيدأ من خطوة مننا ، متنتظريش ان الوضع فجأه هيتغير بدون ما تبادري وتحاولي .
كل ما كنتي بتعملي حاجات بتحبيها ، كل ما هيقل تاثير الضغوطات اللي حواليكي عليكي .
استمتعي بكل مرحلة في حياتك زي ماهي وحاولي تحطي فيها كل شئ يخليكي تعشيها بأفضل ما يمكن .