في بعض الاستعدادات الي ممكن الحامل تعملها قبل الولادة الطبيعية والي ممكن تسهل عملية الولادة وخصوصا لو ده كان الحمل الأول فبتبقي الأم معندهاش خبرة كافية عن الاستعداد للولادة. لو انتي حامل او تعرفي حد حامل يا رت تتابعي الخطوات دي عشان ولادة طبيعية سهلة

دوري علي دورات أو كتب أو حتي فيديوهات علي الانترنت الي بتكلم علي الولادة الطبيعية عشان تعرفي بالظبط ايه الي هيحصل وكمان عشان تتعلمي بعض الطرق الي بتخفف الألم.

التجربة أثبتت أن الولادة بتبقي أسهل كل ما وزنك كان معقول وأنه زيادة الوزن ممكن تصعب الولادة وتعمل مضاعفات.

متروحيش المستشفي للولادة الا لم تحسي أن الألم بقي بيتكرر كل ٥ دقايق أما لو اتكرر علي فترات طويلة يبقي مفيش داعي تروحي المستشفى بدري.

للأسف مهنة الطب سيطر عليها في بعض الأحيان النقود وبعض الأطباء بيقوموا بعمل ولادة قيصرية لأنها مربحة أكتر بالنسبة ليهم وبالتالي لازم تدوري علي دكتورة تكون معروف عنها تشجيعها ودعمها للاولادة الطبيعية.

بعد استشارة الطبيبة – دوري علي الانترنت علي فيديوهات الرياضة والتمرينات المخصصة للحامل والي بتساعدك علي الولادة الطبيعية. كمان اسئلي دكتورتك امتي ممكن تبدئي تنزلي عشان تمشي لأن المشي معروف أنه من الحاجات الي بتساعد وتسهل الولادة الطبيعية.