كتير بتحاول تذاكر الانجليزي لوحدك بس الكلمات بتنساها بسرعة وبتكون مش عارف ليه

ببساطة مش كل ذاكرة زي التانية ومش كل شخص هيعرف يذاكر لوحده واللغة بالذات عايزة ممارسة والممارسة بتتعمل علي طريقتين واحدة منهم الشات مع اجانب ودي حاجة مش مضمونة اوي وليها اضرار كتير والتانية هي انك تشوفهم بيتكلموا علي طبيعتهم عن طريق الافلام

وعشان تعرف تتعلم الانجليزي علي طريق الافلام اتبع الخطوات التالية :

  • اتدرب على النطق الصحيح

عشان تتعلم من خلال الافلام الاجنبية اتدرب على النطق بنسبة معقولة الاول عشان وانت بتسمع الفيلم متزهقش وتكون عارف هما بيقولوا ايه وتكون مسمتمتع وتحس انك بتستفيد و بتمارس اللغة

  • اسمع فيلم تكون بتحبه

تاني خطوة بتعملها في مرحلة التعليم عن طريق الافلام انك تسمع فيلم وتكون بتحبة او تجرب اكتر من فلم لحد ماتوصل لفيلم تحب انك تسمعه اكتر من مرة ويكون الكلمات فيه واضحة وسلسة وقادر تعرف نطقها الصح زي ما اتعلمت في الخطوة الاولي

  • ركز علي فيلم واحد

عشان تقدر تتعلم من فيلم كويس لازم تركز علي فلم واحد من اولة لحد اخره لانها مش بكتر الافلام علي قد ما تكون بكمية الاستفادة اللي طلعت بيها من الفلم والثروة اللغوية اللي قدرت تحفظها منه

  • سمع الفيلم مترجم بالعربي الاول

الخطوة التالته انك تسمع الفيلم مترجم بالعربي مره واحده عشان تبقي فاهم الأحداث بتاعة الفيلم عشان تكون جاهز للخطوة اللي بعدها

  • نزل الفيلم مترجم باللغة الانجليزية

بعد ماسمعت الفيلم مترجم بالعربي وخلاص بقيت فاهم أحداثه جة الدور علي الخطوة اللي بعدها وهي انك تنزل الفلم علي جهازك مترجم باللغة الانجليزية

لانك هتقدر تعمل حاجتين احسن من بعض

اولها انك هتركز علي النطق اكتر لان مش هيكون في ترجمة عربي لخماك

ثانيا هتطلع بكمية ثروة لغوية عالية لانك كل ما هتقف قدام كلمة هتترجمها بنفسك فهتثبت معاك علي طول وبسرعة وحتى لو شفتها تاني في الفيلم ونسيت ترجمتها ترجمها بنفسك تاني ممكن تثبت معاك من تاني او تالت مرة

  • اكتفي بخمس دقائق من الفيلم

مش صح انك تسمع جزء كبير من الفيلم من غير ماتحفظ الكلمات لو عايز تكون عنك ثروة لغوية ,الصح انك تعمل جدول وتكتفي بخمس دقايق من الفيلم كل يوم وهيكون فيهم كمية كلمات وثروة لغوية كويسة جدا

وهات ورقة وقلم واكتب كل الكلمات الجديدة اللي طلعت عشان تراجع عليهم في اي وقت وكمان هيشجعوك وهتشوف انك انجزت في وقت قليل وهتنجز اكتر

نصائــــح

1- لو حسيت انك هتزهق او مش حابب تسمع الفيلم علي بعضه ممكن تستبدله بمقاطع صغيرة من قناة موجودة علي اليوتيوب اسمها فلمها او اي موقع تاني
عشان تتعلم النطق الصح مش هتاخد وقت بس اسمع حد كويس زي ايهاب رمزي وليه قنوات علي اليوتيوب هيساعدك كتير