في اكتر من طريقة تقدر تروح منهم لمول مصر فى منطقة 6 أكتوبر على حسب المنطقة اللي هتتجه منها لاكتوبر ، في المقال ده هنعرض اكتر من طريقة تقولك ازاي تروح مول مصر من أماكن مختلفة لمول مصر.

فى حالة انك هتروح مول مصر من اتجاه الجيزة أو الهرم أو مريوطية أو فيصل اركب من ميدان الجيزة عربيات اكتوبر وعرف السواق انك نازل مول مصر ، كمان تقدر تروح عن طريق ميدان الرماية أو من موقف “مشعل”بالهرم فى باصات بتروح 6 اكتوبر.

فى حالة انك هتيجي من رمسيس أو التحرير فى موقف عربيات فى رمسيس وفي التحرير فى عربيات مخصصة لأكتوبر وهتقول للسواق انك نازل مول مصر .

فى حالة انك هتيجي من مدينة نصر فى اكتر من طريقة ومن الطرق اللي ممكن تستخدمها هي المترو في حالة إذا كنت من سكان المناطق المجاورة لمحطة الأستاد او ارض المعارض بالمترو ، تركب من محطة مترو الاستاد للعتبة ومن العتبة للسادات او الشهداء ولو ركبت من رمسيس هتلاقي عربيات اكتوبر ورا سور القسم او من موقف الباصات بالتحرير ، أو عن طريق باص من مدينة نصر للتحرير او رمسيس ومن رمسيس أو التحرير تركب عربيات اكتوبر وتقول للسواق مول مصر .

فى حالة انك هتيجي من المهندسين هتركب أي مواصلة صغيرة لميدان لبنان ومن ميدان لبنان بتركب عربيات اكتوبر وبتقول للسواق مول مصر .