في اكتر من طريقة للذهاب لأكتوبر من مدينة نصر علي حسب المنطقة اللي هتتجه منها في مدينة نصر لاكتوبر ، في المقال ده هنعرض اكتر من طريقة تقولك ازاي توصل من مدينة نصر لأكتوبر

من الطرق اللي ممكن تستخدمها هي المترو في حالة اذا كنت من سكان المناطق المجاورة لمحطة الأستاد او ارض المعارض بالمترو ، بتركب من محطة مترو الأستاد للعتبة ومن العتبة للسادات او الشهداء ولو ركبت من رمسيس هتلاقي عربيات اكتوبر ورا سور القسم ، لو اتجهت علي التحرير هتضطر تمشي شوية لموقف العربيات والاوتوبيسات الخاصة باكتوبر .

في طريقة تانية وهي انك تاخد باص متجهه لرمسيس او التحرير مباشرة بديل للمترو لو كان المترو مش قريب من مكان السكن ومن التحرير او رمسيس هتركب اكتوبر من الموقف الخاص بالعربيات .

تقدر تروح من رمسيس لميدان لبنان في اوقات الدراسة والازدحام الشديد وعدم توافرمواصلات لاكتوبر مباشرة ، ومن ميدان لبنان هتلاقي موقف خاص بعربيات اكتوبر .

لو مكان سكنك قريب من اول مكرم عبيد يبقي افضل طريقة تركب عربيات من اول مكرم للتحرير ومن موقف التحرير هتركب عربيات لأكتوبر .

لو حابب تروح اكتوبر من ناحية زهراء مدينة نصر فافضل طريقة هي تركب دائري من موقف المنيب ومن منيب ل 6 اكتوبر .

من ناحية الجيزة اوب مترو او باص للجيزة ومن الجيزة هتلاقي عربيات بتنادي لأكتوبر ولكن الطريقة دي مش هي الافضل لانك هتضر تمشي شارع كامل وزحمة