ازاي اروح لبنها من أكتوبر سؤال بيحتاج اجابته طلاب مدينة بنها في السنة الاولي للدراسة ليهم بمدينة 6 أكتوبر او في الشباب حديثي التخرج اللي بيبحثوا عن وظايف في مدينة 6 اكتوبر ، في المقال ده هنقولك كل التفاصيل اللي هتحتاجها للسفر والرجوع من أكتوبر .

  • اركب باصات مؤسسة

عن طريق موقف أكتوبر هتلاقي باصات لمؤسسة هتركب الباصات المؤسسة وتقول للسواق انك عاوز تنزل نزلة قليوب ، هتنزل عند نزلة قليوب وتعدي الطريق وتركب من علي الطريق عربيات بنها او اي عربية بتعدي علي بنها .

تقريباً تكلفة الباص من اكتوبر لمؤسسة 5 جنيه ومن مؤسسة لبنها ب 4 جنيه وعربية من الموقف للمكان اللي حابب تتجه ليه داخل بنها بجنيه ونصف ،التكلفة الأجمالية من 10 ونصف ل 15 حسب ظروف الطريق .

  • اركب عربيات مباشرة لبنها

في عربيات من موقف أكتوبر بتروح مباشرة لبنها ، او عربيات بتكون متجهه لشبين يتنزل منها في بنها متوسط تكلفتها من 22 ج الي 25 جنيه ، الافضل تركب العربيات المتجهه لبنها مباشرة في حالة وجود زحمة في الموقف والطريق لانه هيسهل عليك الوقوف لفترات طويلة لركوب كل مواصلة .

لو حابب تعرف ازاي تروح من بنها لأكتوبر وكل الطرق المتاحة ليها اقرأ المقال ده ازاي اروح لأكتوبر من بنها .

  • استخدم القطر

في الايام اللي شديدة الازدحام علي الطريق الزراعي الخاص ببنها الافضل ركوب القطر حتي لو كان مزدحم لانه بيكون بيمشي في طريقه بدون توقف علي عكس الطريق الزراعي …

هتركب من موقف اكتوبر للمؤسسة وتكمل لاخر الخط عند المؤسسة وتنزل وتعدي الناحية التانية من الطريق لدخول محطة القطار واركب القطر من مؤسسة لبنها والافضل حجز تذاكر القطار بيوم قيل السفر في حالة ركوب القطار المكيف .