لو حابب تروح السفارة الأمريكية بالتحرير عشان تخلص اي اجراءات خاصة بالسفر او تكمل اي اوراق خاصة بيك في المقال ده هنجاوبك علي سؤال ازاي اروح السفارة الامريكية بالتحرير سواء كنت من سكان التجمع او الهرم او مدينة نصر او اكتوبر الخ ..

فى حالة انك هتروح للسفارة الأمريكية من التجمع ، هتركب أي مواصلة أو تاكسي لحد موقف الباصات اللي قبل DOWN TOWN وتركب مواصلة للتحرير أو لاقرب مترو وتركب من المترو بمحطة السادات .

فى حالة انك هتروح للسفارة الأمريكية من المهندسين ،هتركب من ميدان لبنان عربيات تويوتا للتحرير ، ومن التحرير بتمشي شارع صغير للسفارة الأمريكية .

فى حالة انك هتروح للسفارة الأمريكية من الهرم هتركب مواصلة لميدان الجيزة ومن ميدان الجيزة فى مترو محطة كلية الزراعة ،ومنها لمحطة السادات هتطلع من محطة السادات هتلاقي نفسك فى ميدان التحرير هتسال على مكان السفارة الأمريكية وهتمشي شارع صغير .

فى حالة انك هتروح للسفارة الأمريكية من مدينة نصر فى طريقتين إما عن طريق المترو مباشرة من محطة الاستاد أو أرض المعارض لمحطة السادات و تنزل من المترو بتسأل على السفارة الأمريكية هتمشي شارع واحد صغير، أو تركب مواصلة باص مباشرة من مدينة نصر ميدان التحرير .

لو حابب تروح السفارة الامريكية من أكتوبر المواصلات سهلة جدا ، هتركب من موقف اكتوبر او من اس شارع رئيسي بيمشي منه الباصات زي ليلة القدر او شارع الخزان توياتا بتروح تحرير او باصات بتروح عبد المنعم رياض …

في حالة ان المواصلات زحمة مش متوفر مواصلات للتحرير ممكن تركب لرمسيس ومن رمسيس مترو للتحرير ، او تركب باص لميدان لبنان ومن ميدان لبنان تركب للتحرير ده في حالة عدم توفر مواصلات والافضل انك تتجه للتحرير مباشرة .