لو حابب تروح الجريك كامبس بالتحرير لو عندك مقابلة شغل ، او لو حابب تزور شركة من شركات الجريك او حابب تحضر ايفنت، في المقال ده هنجاوبك علي سؤال ازاي اروح كامبس بالتحرير سواء كنت من سكان التجمع او الهرم او مدينة نصر او اكتوبر الخ ..

فى حالة انك هتروح الجريك كامبس من التجمع ، هتركب أي مواصلة أو تاكسي لحد موقف الباصات اللي قبل DOWN TOWN وتركب مواصلة للتحرير أو لاقرب مترو وتركب من المترو بمحطة السادات ، هتلاقي نفسك في ميدان التحرير ، هتدخل الشارع اللي علي ناصيته محل بيتزا هت وقدامه مباشرة محل راديو شاك .

فى حالة انك هتروح للجريك كامبس من المهندسين ،هتركب من ميدان لبنان عربيات تويوتا للتحرير ، ومن التحرير بتمشي شارع صغير للسفارة الأمريكية .

فى حالة انك هتروح للجريك كامبسمن الهرم هتركب مواصلة لميدان الجيزة ومن ميدان الجيزة فى مترو محطة كلية الزراعة ،ومنها لمحطة السادات هتطلع من محطة السادات هتلاقي نفسك فى ميدان التحرير هتدخل الشارع اللي علي ناصيته محل بيتزا هت وقدامه مباشرة محل راديو شاك .

لو حابب تروح الجريك كامبس من أكتوبر المواصلات سهلة جدا ، هتركب من موقف اكتوبر او من اس شارع رئيسي بيمشي منه الباصات زي ليلة القدر او شارع الخزان توياتا بتروح تحرير او باصات بتروح عبد المنعم رياض …

في حالة ان المواصلات زحمة مش متوفر مواصلات للتحرير ممكن تركب لرمسيس ومن رمسيس مترو للتحرير ، او تركب باص لميدان لبنان ومن ميدان لبنان تركب للتحرير ده في حالة عدم توفر مواصلات والافضل انك تتجه للتحرير مباشرة .

فى حالة انك هتروح للجريك كامبسمن مدينة نصر فى طريقتين إما عن طريق المترو مباشرة من محطة الاستاد أو أرض المعارض لمحطة السادات و تنزل من المترو بتسأل على السفارة الأمريكية هتمشي شارع واحد صغير، أو تركب مواصلة باص مباشرة من مدينة نصر ميدان التحرير .