ولأن السؤال ازاي اخلي زوجي يهتم بيا طول الوقت والعلاقة بينا تفضل قوية سؤال مُلح واسئلة تانية زي ازاي اخليه يتعامل معايا كويس ؟ازاي اخليه بيسمعني ،يستشرني ،ياخد رائي ويبقي شايف اني مهمه في حياته ولان الاسئلة دي دائماً بتكون شاغلة تفكير الزوجة طول الوقت في المقال ده هنجاوبك على كل الاسئلة دي و هنقولك ازاي تخلي زوجك مهتم بيكى طول الوقت في بعض الخطوات البسيطة والمختصرة .

  •  الاختيار هو الاساس

اولاً وقبل كل شئ الاختيار السليم من البداية هو الأساس والاساس اللي بيكون سهل يتبني عليه أي شئ ، الاختيار القائم على التفاهم والحب و وجود أهداف مشتركة في الحياة هو سبب نجاح اي علاقة …

وجود تفاهم واتفاق من فترة الخطوبة مؤشر جيد على احتمالية كبيرة لنجاح الجواز فيما بعد ، تجاهل الخلاف الدائم وعدم الاتفاق والاختلاف في وجهات النظر معظم الوقت خلال فترة الخطوبة مؤشر سلبي ينذر على فشل الزواج فيما بعد حتى وان كان عن حب …

المعيار السليم لقياس مدى التفاهم بينك وبين شريك حياتك هو وجود تفاهم ووجود احياناً بعض الخلاف ولكن عدم وجود الخلاف معظم الوقت ووجوده كشئ سائد وطبيعي .

  •  علاقة الأب والأم

نسبة كبيرة من السيدات او البنات بعد وجود اطفال في حياتهم تبدأ العلاقة بينها وبين زوجها بياخد شكل علاقة الأب والأم فقط وبينسوا الحاجة الأساسية اللي جمعتهم هما الاتنين وهي علاقتهم …

متنسيش تهتمي بنفسك وتهتمي بيه وتعامليه كزوج وحبيب واحيانا تتخلي عن بعض المسؤوليات تجاه الأولاد و تشاركوا بعض لحظات بمفردكوا سواء خروجه بسيطة كل فترة ،او سفرية أو متابعة فيلم مع بعض بعيدا عن الأولاد أو حتى مجرد انكم تتكلموا مع بعض بدون وجود حواجز واطفال ويكون في وقت دايما بتحكوا في مع بعض في عن كل حاجه بتشغل تفكيركم .

  •  اسمعي من غير ما تعقبي

من الخطوات المهمة جدا عشان اي شخص سواء الزوج او الاصدقاء او غيره انه يقدر يشاركك مشاكله ، انك دايماً تكوني عارفه ان كل شخص ليه اخطاء وكل شخص أخطائه مختلفة عن الشخص التاني ، وعشان زوجك يشاركك مشكله هو حاسس بيها لازم تكوني تقدري تسمعي كويس من غير ما تلومي وتعاتبي وتعقبيله على أخطائه طول الوقت وهو يتكلم ، اسمعيه ولو حابه تعقبي على أي تصرف هو بيعمله الافضل يكون في وقت تاني .

  •  المرونة في التعامل

في احيان كتير هتواجهكوا بعض الخلافات والاختلافات في وجهة نظركوا في بعض القرارات في حياتكوا أو في اختياركم ، ولان مفيش شخصين متفقين على كل حاجة في الحياة طول الوقت من المهم في اللحظات دي ان كل طرف يحاول يوصل لحل وسط يرضي الطرفين ، او ان كل طرف يحاول يتغاضى عن اللي هو عازوه عشان الطرف التاني وفي موقف تاني الطرف التاني يتغاضى عشان الطرف الأول وهكذا ..وجود مرونة وود في التعامل بيخلق احترام وتقدير بين الطرفين .

  •  اتعلمي حاجات جديدة

الراجل غالباً بيمل من الزوجة أو شريكة الحياة اللي مبتطورش تماماً من نفسها ومبتتحاولش تتعلم اي حاجة جديدة سواء في تعاملها مع الناس أو في تربية اولادها او حتي علي مستوي شغلها ، اللي حياتها غالباً روتين يومي ثابت مفيش فيه اي تجديد او تغيير …

الراجل بيحب الشريكة الذكيه اللي يقدر يتكلم معها ويشاركها مشاكله وحياته وتكون بتقدر تفهم اللي بيتكلم معاها فيه ، النقطة دي من اهم النقاط اللي هتساعدكوا انكوا تحتفظوا بعلاقتكوا دايما ً ، سواء كنت ربة منزل او عاملة اتعلمي حاجات جديدة سواء لبيتك وطريقة تعاملاتك وحلك للمشكلات وطوري من نفسك وعقلك باستمرار زي اهتمامك انك تغيري من شكلك ومظهرك ، ده هيخلي ديماً عندكوا جديد تتكلمي فيه ويحس انه يقدر يعتمد عليكي او يستشيرك ويشاركك مشكلاته .

  •  اسمحيله بمساحته الشخصية

مش معني انك حابه ان علاقتكوا تكون قوية ومتماسكة انكوا تكونوا مع بعض طول الوقت وتكون حياتكوا عبارة عن الشغل والبيت فقط لا غير ، ده بعد فترة يولد احساس للزوج بالخنقة والتمرد ، اديله مساحة شخصية يقابل فيها أصحابه كل فتره او يعمل حاجه بيحبها ،اسمحيله بأوقات يقعد فيها لوحده لو عنده حاجه مهمه عايز يفكر فيها وياخد قرار ،ابعدي عن محاولاتك للسيطرة على حياته كاملة ، واعطيه بعض الثقة والحرية

  •  اهتمي بنفسك

من المهم جدا انك متنسيش تهتمي بنفسك وبمظهرك وانك تتعاملي معاه بلطف وانوثه ، كتير من الزوجات بعد فترة من المسؤوليات ومشاغل الحياة بتبدأ تحط بند الاهتمام بنفسها و بمظهرها آخر بند في أولويتها ويعتقد ان وجود رابطة قوية تربطهم ببعض وانهم مع بعض طول الوقت تبدأ تتخلى عن التجمل اطلاقاً سواء في مظهرها وملابس البيت الخاصة بيها وسواء في طريقتها في التعامل اللي بتبقي تعامل جادي معظم الوقت ، اهتمي بأن يكون في اوقات مليانه بالمرح والضحك واللحظات الهادئة المليئة بالود .