ازاي أجعل الناس يحبوني

ان الانسان يبقي عايش في وسط ناس بيحبهم وبيحبوه دي اول نقطة واهمها في طريق سعادة الانسان ونجاحه في الحياة ، وعشان تكون شخص محبوب من الناس فلازم يكون في بعض الصفات الاساسية تكون موجودة ، في المقال دا هنقولك بعض الصفات دي بطريقة مبسطة وسهله في خطوات صغيرة .

الشخص الخلوق اللي عنده صفات كويسة في شخصيته في تصرفاته ومعاملاته الناس بتحب تتعامل معاه ، الاخلاق دي تشمل حاجات كتير سواء حب مساعدة الناس او ان الشخص ميكونش بيتكلم بطريقه سيئه علي الناس اللي يعرفهم او امين او مخلص وصادق ، مفيش انسان كامل بتتوافر فيه كل الصفات بس الاكيد ان كل ما الشخص حاول يهذب من اخلاقه كل مازاد ارتباط الناس بيك وحبهم ليك .

الناس اللي بتقدر تضحك اللي حواليها او ترسم علي وشوشهم الابتسامةو عندهم حس الفكاهه و المرح وبتقدر تخلق جو حواليها في المكان اللي متواجدين فيه الناس بتحبهم وبتحب صحبتهم لانهم بيقدروا يخلوا الحياه ابسط واحلي .

دور علي الصفات الحلوه ونقط القوة في الناس اللي حواليك والحاجات الحلوة اللي جواهم ،الناس بتحب الشخص اللي بيركز علي ايجابيتهم وبتغاطي عن سلبياتهم وعيوبهم ،ببساطة اتقبل الناس زي ما هما وحاول تركز علي الحاجات الحلوه اللي فيهم .

خليك شخص متسامح بيقدر يعدي ويعذر اللي حواليه ،وخليك متفهم ان مفيش شخص معندوش عيوب ^من ابتغي صديقا بلا عيب عاش وحيدا ^حاول تتغاطي عن عيوب الناس حواليك وتوصل معاهم لنقطة وسط تقدروا تتفاهموا فيها وامشي بمبدا ^رحم الله امرءا تغافل من اجل بقاء الود^ .

الشخص صاحب القلب الابيض اللي مبيكنش جواه بعداوه او كراهيه لغيره دا من اكتر الشخصيات المحبوبة علي الاطلاق .

الناس دايما بتحب الشخص اللي بيشوفوا فيه المبهج اللي بيقدر كل لحظة في الحياة وبيقدر يستمتع بيها ، شخصيات كتير زي سعاد حسني كان ليها جماهيريه عاليه جداا بسيب حيويتها وضحتها وحبها للحياه ،الشخص المستمتع بحياته اللي بيقدر وجود كل قيمة في حياته اللي دايما صاحب وش بشوش دايما بيسيب علامة مميزة في قلوب الناس حواليه .

الناس دايما بتحاول تتجنب الشخص المتشائم والمكتئب اللي لابس نضاره سودا دا بيبقي من الاشخاص اللي الناس دايما بتنفر منهم وبتتجنب التعامل معاهم ، حاول تحب الحياة وتحل مشاكلك وتكون قادر انك تقوم نفسك من جديد بعد اي موقف صعب تتعرضله .