في الفترة الأولي من حياة طفلك بيكون عنده صعوبة في التمييز بين النهار والليل وده بيفسر لك سبب عدم نوم ابنك بالليل ولكن بمجرد انه يبلغ عدة أسابيع تقدري تعرفيه الفرق بين النهار والليل و تعوديه علي النوم الصحي من خلال نصائح الخبراء التالية :

1- حافظي علي ظلام الغرفة بالليل وإشعال الضوء في النهار واسمحي لأشعة الشمس بالدخول للمنزل او تخرجي بيه برا البيت

وحتى وقت القيلولة خلي الغرفة مضاءة الا لو ابنك مبيعرفش ينام في النور تقدري وقتها تقللي الاضاءة شويه لحد ماينام

2-نبهي علي كل افراد المنزل ان محدش يشعل الاضاءة اثناء

نوم طفلك ولو عندك اطفال تانيين افرضي عقوبة علي اللي يشغل الإضاءة في الغرفة اللي ابنك نايم فيها ولو في غرفة تانية ممكن يشتغل فيها النور بالليل يستحسن تكون بعيدة عن الطفل

3-متشغليش اي اضاءة لو ابنك صحي بالليل عودي نفسك تلبي له احتياجاته في الظلمة أو في نور خافت جدا لانك لما بتولعي النور بتبلغي عقله ان جه وقت الاستيقاظ ومش هيقدر يفرق بين الليل والنهار

4-حطي ابنك في سريره لما يكون في حالة نعاس وده هيكون صعب شوية في الاول لكن لازم تختاري الوقت المناسب بحيث تعودي طفلك أن في وقت للنوم وحاولي متحطيهوش علي السرير غير لما يكون هادي جدا ويكون شبعان

وبكده تقدري تبرمجي عقل طفلك ان اول مايجي وقت الليل والدنيا تضلم يعلاف ان ده وقت النوم

معدة ابنك صغيرة وبالتالي بتفرغ الأكل بسهولة وبسرعة ولو مش نايم نوم هادئ متوقع انه يصحي بسبب انه جعان او لاي سبب تاني .مش المطلوب منك ان اول ماتحسي انه صحي تروحيله بسرعه استني لحظات ممكن يروح في النوم تاني وتساعديه علي النوم المتواصل انما لو اتعود علي أن كل مايفوق شويه بتروحيله بسرعه اول ما يفوق شويه هيفضل يعيط لحد ما تروحيله وهيرجع للنوم بعد فترة

حاولي وانتي بتنيمي ابنك متبصيش في عينه لان كتير من الاطفال بيتم تحفيزهم للعب بمجرد التواصل معاهم بالعين لانك بتديله اشارة بالعين أن جه وقت تبادل الاهتمامات

كلير ليرنر، وهو كبير مستشاري الأبوة والأمومة في زيرو تو ثري ، وهي منظمة تعزز صحة الرضع والأطفال الصغار بيقول إن الآباء اللي يجرون اتصالات بالعين مع الأطفال بيشجعوهم دون قصد على الخروج من منطقة نومهم. “كلما زادت التفاعلات اللي بتحدث بينك وبين طفلك أثناء الليل، كلما زاد الدافع علي الاستيقاظ

وبدل من النظر في عين طفلك بيقترح ليرنر ان لو رحتي لطفلك بالليل متخليش الاتصال بالعين والتحدث بصوت عالي اتكلمي بهدوء وخلي عينك على بطن طفلك مع لمس لطيف علي الظهر في وضع للنوم.

قاومي الرغبة في تغيير حفاضات طفلك كل ما تحسي انها متسخة وتغيرها مرة واحده عند الاستيقاظ

و استخدمي حفاضات بجودة عالية اثناء الليل ولو كنتي مضطره تغيريله استخدمي مناديل دافية عشان عشان يفضل نايم لأطول فترة ممكنة

عشان تساعدي طفلك انه ينام في معاده, اخري وقت آخر تغذية ليه عشان يقدر ينام بسرعة و اطول فترة ممكنه لانه مستحيل ينام وهو جعان وف نفس الوقت ممكن يصحى بالليل بسهولة اول ما يجوع تاني

وبعد ما عرفتي ازاي تهيئ الجو لابنك وازاي تساعديه ينظم نومه ويفرق بين الليل والنهار دي طريقة تستخدميها في الاول عشان تعودي ابنك ينام في الوقت الصح

1- استخدمي طريقة اللف

عشان تساعدي ابنك ينام بعد ماتغذيه حاولي تخليه في الوضع اللي كان عليه في بطنك لان الوضع ده بيساعده علي الاسترخاء والنوم عن طريق اللف في قماشة ويكون مضغوط جواها وتنيميه بالجنب علي دراعك بحيث يكون دماغك علي كوعك وسمعيه صوت زي دقات قلبك تفكره بالوضع اللي كان فيه قبل الولادة زي دقات الساعة ومن الحاجات اللي بتفكره بالوقت اللي كان فيه جوه بطنك هو الهز الخفيف لانك وانتي حامل فيه كنتي بتتحركي وتهزيه ولو فضل ملفوف هينام ساعة اطول

2-الضوضاء البيضاء

ممكن تشغلي جمبه صوت متواصل وهادي زي صوت الألعاب الهادية أو قران بصوت واطي

3-الببرونه

لو فشلتي في كل اللي فات تقدري تستخدمي الببرونه لكن لحد سن ال6 شهور لان بعد كده بتاثر علي نمو أسنانه