معظم الناس اللي بيبقي عندها طموح وهدف تحقق حاجة في حياتها وعايزين يبقوا ناجحين في شغلهم سواء ست او راجل بيواجههم مشكلة انهم مش عارفين يحققوا المعادلة الصعبة ويعملوا توازن بين البيت والحياة الاسرية والاجتماعية وانهم ينجحوا في شغلهم ، عشان كده في المقال ده هنقولك بعض الخطوات اللي هتساعدك انك تقدر تحقق التوازن ما بينهم .

  • حط قايمة بالاولويات

المدير التنفيذي لشركة بيزنس تالنت جروب (جودي ميلر) قالت مقولة مهمة جدا وهي :- ( اذا اردت تحقيق التوازن فعليك ان تجبر نفسك بالتغير في الناحيتين الشخصيه والمهنيه ، اي ان عليك بمراجعة حياتك والتامل في حياتك اليوميه وعلي جميع الجوانب اللي بتقطع جزء من وقتك يوميا ، وتعيد ترتيبها فما الذي ستبقي عليه وما الذي ستنهيه او ستقلص دوره ) علي سبيل المثال لو بتشتغل في جهه تطوعيه وبدات شغل بياخد جزء كبير من وقتك من الممكن انك تعيد حساباتك وتفكر وتقلل عدد ساعات العمل في الجهه التطوعيه وتحدد وقت اسبوعي ليها وتقتطع جزء من المرتب للجهه التطوعيه بديلا عن التواجد الدايم بيها ، لو بتتفرج علي التليفزيون 3 او 4 ساعات يوميا فمن الافضل تراجع حساباتك وتفكر تقلل من الوقت ده وتستفيد بيه بالتواجد مع اسرتك او انك تاخد حاجة تساعدك انك تكبر في شغلك وهكذا .

عليك بعمل جدول يومي خصص يوميا خمس دقايق تكتب فيها الحاجات اللي عايز تنجزها ده هيساعدك بشكل كبير انك تقلل من الوقت المهدر وتستغله مع اسرتك او عيلتك .

  • ادي لكل شئ حقه

خلي وقت الشغل للشغل و وقت البيت للاسرة ، متحاولش تاجل شغلك للبيت وتعمل مكالمات وايميلات خاصة بالبيت في الشغل ، حاول تمنع صوت استقبال الايميلات او مسدجات علي مواقع التواصل الاجتماعي بالشغل ، وانجز جميع شغلك ومهام عملك بالشركة ومتقطعش انتباهك بالمكالمات والرسائل غير المكالمات الطارئه والضرورية وكذلك بالبيت .

حاول قدر المستطاع تدي لكل شيء حقه بالطريقه دي هتقدر تنجز شغلك علي اكمل وجهه وفي بيتك مع اسرتك هتقدر تقعد معاهم وتتكلم معاهم وتعرف اخبارهم ومشاكلهم وهكذا .

  • فوض شخص

لو عندك ضغط شغل فحط قايمة بالمهام الصغيرة اللي بتستهلك وقت وممكن حد بديل ينجزها بدالك وده ممكن يتعمل بطرق كتير عن طريق اشراك الأولاد بتولي بعض مسؤليات البيت والمهام البسيطة وعرفهم ان المهام دي هتوفرلك وقت اكتر تقعد معاهم فيه او تكلف شخص يقوم بالمهام دي مقابل مبلغ شهري من المال بسيط .

  • قرب السكن

لو امكن ان تاجر شقة سكنك قريبة من شغلك فده هيوفر عليك وقت ومجهود كبير جدا بيضيع يوميا في المواصلات ، اذا كنت مستاجر او مالك لشقة بحي بعيدا عن لشغلك لفتره طويله فالافضل انك تستبدلها بشقه تانية قريبه من مكان العمل ان امكن هيساعدك يوميا انك توفر وقت ومجهود ممكن تستغلهم فانك تطور بيهم نفسك او تستغلهم مع اسرتك وكمان هيساعدك انك تقلل من المبلغ اللي بينفق شهريا علي المواصلات .

  •  ثبت اوقات للسفر

تثبيت أوقات للخروج او السفر مع الاسرة ،مهما كانت اشغالك ومسؤلياتك من المهم يكون في وقت اسبوعيا او شهريا بيتخرج او بتسافر فيه مع اسرتك بعيدا عن مشاكل الحياة والشغل والمدارس وهكذا .

حط أيام ثابته شهريه وليكن الجمعه بيتفرغ فيها جميع افراد الاسره للخروج بعيدا عن أجواء الشغل و الدراسه ، ويوم كل شهر او 3 شهور ايا كان حسب الامكانيه للسفر لاي مكان او بلد بعيدا عن البيت والشغل .

  •  غير مفهومك عن النظام والنضافة

قليل من عدم النظام والتقليل من النظافة المفرطة مش دليل علي الفشل ،استمتع بحياتك ومتكرسهاش كاملة للنضافة والنظام ،ده مش معناه ان الشخص يكون بيته مش نضيف ومهمل ولكن معناه انك مش شرط يكون طول الوقت منظم نظام كامل ونضيف نضافة كامله ، تعايش مع عدم المثالية الكاملة وهتوفر جزء كبير من وقتك لحاجات تانية .

حاول تستعين بشخص ينضف ويرتب البيت كل فترة اذا قدرت تتحمل تكاليفه وده بشكل كبير هيوفر ليك ولزوجتك كتير من الوقت والمجهود لحياتكوا الشخصية والمهنية .

  • نصائــــح

مش لازم كل صغيرة وكبيرة نقوم بيها بنفسنا لان ده هيخلينا نقصر في حاجات اكبر اهم .