حاجات كتير جدا مش بنستخدمها في الموبايل او بطريقة استخدمنا الخاطئ ليها بتسبب ان باقة النت تخلص بسرعة واحنا لسه مجددينها عشان كده في المقاله دي هنقولك بعض الخطوات البسيطة اللي لو نفذتها هتقلل من استهلاكك لباقة الانترنت الخاصة بيك بشكل كبير وهتخليها بنسبة كبيرة تكمل طول الشهر معاك من غير ما تضطر تجددها مره تانيه .

  • قلل من الفيديوهات

قلل من انك تتفرج علي فيديوهات يوتيوب او علي الفيس بوك ومواقع التواصل عموما لانها بتستهلك جزء كبير جدا من الباقة ، اتفرج علي الفيدوهات في اماكن متوفر فيها واي فاي .

اتفرج علي الفيديوهات اوفلاين من اليوتيوب عن طريق انك تحملها في مكان متوفر فيه واي فاي وتقدر ترجع تتفرج عليها اوفلاين في اي وقت من غير ما تحتاج انترنت .

  • وقف الاوتو بلاي

وقف خاصية الauto play للفيديوهات اللي علي الفيس بوك لانها بتستهلك من الباقة بمجرد اما تلاقي اي فيديو من غير ما تفتحه .

  • قلل من التحميلات

الداونلود او التحميلات عموما من اكتر الحاجات اللي بتستهلك من الباقة ، اقفل اي حاجة خاصة بالauto save زي ابلكيشن الواتساب عن طريق ال settings الخاص باي application .

قلل من تحميل الصور والفيديوهات والفويس مسدج من التطبيقات زي الفايبر والواتساب والماسنجر .

لو هتحمل اي ابلكيشن حاول تحمله في مكان فيه واي فاي ، عشان في تطبيقات بتستهلك جزء كبير جدا من الباقة .

اقفل خاصية التحديث التلقائي اللي بيعمل تحديثات يوميه للتطبيقات اللي بتستخدم جزء كبير من الباقة وخليها مقتصرة في حالة وجود الواي فاي ، من خلال ال settings لاي تطبيق هتختار منها auto_update apps .

  • اقفل التطبيقات اللي مبتستخدمهاش

اقفل اي ابلكيشن مبتستخدموش عن طريق الضغط مرة طويلة علي الزرار الرئيسي بعدين بتسحب التطبيق للجهه اليمني للموبايلات الاندرويد اما الايفون بتضغط ضغتتين متتاليتن علي الزرار الرئيسي وبتسحب الابلكيشن لفوق وبكدة هتكون قفلت كل التطبيقات اللي مبتستخدمهاش واللي بتكون مفتوحه وبتستهلك جزء من الباقة .

  • امسح التطبيقات اللي مش بتستخدمها

امسح اي تطبيقات مش بتستخدمها زي التطبيقات الخاصة بتبعتلك اشعارات باستمرار لانها بتستهلك جزء من الباقة زي التطبيقات الخاصة بالماية او الرياضة او اللي بتبعتلك معلومات يوميه وهكذا ، امسح اي ابلكيشن مش بتحتاجه .

  • وقف خاصية المزامنة

خاصية المزامنه هي الخاصية اللي بتتيح لك ترفع بياناتك علي اكتر من جهاز في نفس الوقت لو مش محتاجها وقفها لانها بتزود من استهلاك باقتك لانها باستمرار بتعمل تحديثات وبترفع اي تغيرات جديدة بتقوم بيها علي حساباتك ،ادخل علي settings بعد كده هتدخل علي accounts بعدين app data .

  • استخدم خاصية data usage

حط حد معين لاستهلاك باقتك عن طريق data usage في ال settings في جميع اجهزة لاندوريد اللي بتتيح ليك انك تحدد استهلالك من الباقة عن طريق انها توقف استخدام التطبيق بمجرد استهلاكك للحد اللي حددته .

  • استخدم chrome data saver

في حالة استخدامك لجوجل كروم ، استخدم chrome data saver لانها بتحافظ علي باقة الانترنت وبتقلل من استهلاكها لانها بتعمل نوع من ضغط البيانات والملفات لحجم اقل .

  • استخدم تطبيق pocket

استخدم تطبيق pocket اللي بيوفرلك انك تحفظ الصفحات اللي محتاج ترجعلها من غير ما تستخدم انترنت ، ده هيوفر من استهلاكك بشكل كبير ، وهيساعدك ترجع للصفحات دي لو في مكان ومش معاك نت .

  •  وقف الاعلانات

في بعض التطبيقات اللي من خلالها تقدر تمنع ظهور الاعلانات ليك اطلاقا ودي بتوفرلك نسبة كبيرة من الباقة .