ازاى

ازاي اتعامل مع قشرة الرأس عند الرضع

ازاي اتعامل مع قشرة الرأس عند الرضع

قشرة الرأس عند الطفل بتكون في الغالب بسبب زيادة في افراز الزيوت علي فروة الرأس. الغدد بتفرز مادة زيتيه بتتراكم علي الراس. الخبر الجيد بقي هو أنه القشرة دي لا تسبب أي ضرر أو ضيق للطفل. الاكزيما كمان بتشبه قشرة الرأس لكن بتكون بتسبب حكة شديدة وغير مريحة. لوعاوزة تحافظي علي نضافة جلد ابنك اتبعي الخطوات التالية

  • 1

    استخدمي لبن لا يسبب الحساسية

    ازاي اتعامل مع قشرة الرأس عند الرضع

    لو بترضعي صناعي فكري في انك تغيري نوع اللبن لواحد تاني يكتبهولك الدكتور لا يسبب الحساسية. لو القشرة بسبب حساسية يبقي هتلاقي تحسن بعد أسبوعين تلاتة من تغيير نوعية اللبن. استشيري الطبيب قبل عمل أي تغيرات.

  • 2

    استخدمي الزيت

    ازاي اتعامل مع قشرة الرأس عند الرضع

    ممكن تستخدمي أي زيت نباتي علي راس الطفل ودلكيه. اتركي الزيت لمدة ١٥ دقيقة عشان يطري القشور وبعدين شيليهم بفرشاة أطفال لينه. عشان تتخلصي تماما من القشور ممكن تستخدمي شامبوهات مخصوصة لقشرة شعر الأطفال  مرة في الأسبوع. الأوميجا ٣ الي في زيوت الأسماك طريقة تانية فعالة للعلاج لأن فيهم مضادات للاتهاب. أغلب ألبان الأطفال بتحتوي علي أوميجا ٣ لكن ممكن ميبقاش الكمية كافية عشان يشتغل كمضاد للإلنهاب. استشيري طبيبك عشان يكتبلك علي جرعة ونوعية مناسبة من الأوميجا لطفلك.

  • 3

    رطبي الجلد

    ازاي اتعامل مع قشرة الرأس عند الرضع

    من أسباب القشور كمان عدم قدرة الجلد علي الحفاظ علي الرطوبة. جربي بعد ما تحمي طفل بصابون خفيف وتغسلي الصابون كويس وتنشفي الجلد أنك تسيبي طبقة بسيطة من الميه علي جلد الطفل. حطي بعد كدة مرهم مناسب مرطب لجلد الطفل يرشحهولك الطبيب وده هيساعد علي حبس الرطوبة فوق المناطق المقشرة ويرطب الجلد. كمان مهم أنك تتأكدي أن طفلك - لو كبير شواية - بيشرب مية كافية.

  • 4

    رطبي الجو

    ازاي اتعامل مع قشرة الرأس عند الرضع

    الجلد الجاف بيحب الرطوبة. استخدام الدفايات في الشتا في البيت بيحرم الجلد من الرطوبة. ممكن تستخدمي جهاز ترطيب الهواء في غرفة طفلك والي مش بس هيساعد علي ترطيب الجلد لكن كمان هيدفي ابنك. الأطفال الي بيبدئوا حياتهم بجلد حساس غالبا هيستمروا علي كدة بقية فترة الطفولة. وده معناه أنك لازم تحتفظي بملاحظات حوالين الحاجات الي بتثير جلد طفلك سواء أكل أو لبس أو حتي منظفات. عن طريقة التجرية هتقدري تعرفي أفضل طريقة للعناية بجلد الطفل سواء بالنسبة للأكل أو للمواد الي بيتعرضوا ليها