الالام الظهر من الحاجات اللي بتشكتي منها معظم الناس بسبب التعرض للضغوط اليومية سواء اثناء المواصلات او العمل او القيادة لفترات طويلة،وبسبب اهمال معظم الناس للراحة واتباع بعض السلوكيات والعادات السئة اللي بدروها بتاثر علي الظهر بالسلب ، في المقال ده هنقولك ابزر اسباب الالام الظهر وطرق تجنبها وطريقة التخلص من انحناء الظهر .

حاول تكون فارد ظهرك بشكل مستقيم سواء في حالة الوقوف او الجلوس لان ثني الظهر بشكل غير مستقيم لفترات طويلة بيسبب مشاكل في العمود الفقري وبالتالي الاحساس بالالم في منطقة الظهر ، لو متعود تمشي واكتافك منحنية عود نفسك بالتمرين تمشي وظهرك مستقيم .

اقعد علي كرسي ضهره طويل ، الكراسي اللي ظهرها قصير بتزود من الالام الظهر بشكل كبير ، حاول تختار اثاث بيتك ضهره طويل الي حد ما ومريح .

الاحذية العالية بكعب غير مستقيم من اكتر الاسباب اللي ممكن تسبب الالام اسفل الظهر كمان احذية الباليرينا المسطحه والمنخفضة تماما من الحاجات اللي بتسبب الالام الظهر ، البس حذاء ليه كعب بنسبة بسيطة وكله في مستوي واحد ومريح للرجل .

من الاخطاء الشائعة ان الشخص يرفع حاجة تقيلة من علي الارض بشكل بانه ينحني بظهره بشكل رقم 8 ، اثني ركبتك وخلي ظهرك مستقيم وابدء ارفع الشئ بفرد ركبتك مره تانيه والظهر مستقيم .

اتبع نظام صحي مع رياضة يقلل من نسبة الدهون في الجسم ، لان زيادة نسبة الدهون في الجسم بشكل كبير بيسبب تحميل زايد علي فقرات العمود الفقري اللي بالتالي بتسبب الالام في الظهر والركبة .

السواقة لفترات طويلة متواصلة من الاشياء المؤلمة جدا بالنسبة للظهر ، لو كانت وظيفتك بتتطلب السواقة لفترات طويلة حاول تاخد راحة بين كل مشوار والتاني وتتمشي مسافة بسيطة او تفرد ظهرك علي الكنية اللي الخلفية بشكل مستقيم ، كمان لو كرسي السواقة مش مريح حاول تضيف طبقة من الفيبر او القطن في الكرسي بحيث انه يكون مريح لظهرك لفترات طويلة .

النوم تحت التكيف او المروحة بشكل مباشر ومركز بيسبب عند بعض الناس الالام الظهر ، غير مكان السرير في الغرفة بحيث انه يبقي مش تحت التكيف بشكل مباشر ، وكمان خلي ريشة التكيف متحركة بحيث انها متكونش مركزة عليك بشكل مباشر لفترات طويلة .

لو شغلك من النوع اللي بييعتمد علي الجلوس لفترات طويلة من المهم كل فترة تقوم تقف او تتمشي لمدة دقايق عشان تتجنب التاثيرات السلبية لالام الظهر .

تركيز الماية الدافية او الباردة علي الظهر والمفاصل بيقلل من الالام الظهر وبيساعد علي استرخاء الجسم ، انتظم علي اخد حمام دافي قبل النوم .

اعمل مساج وروح جاكوزي باستمرار ، التدليك والجاكوزي كمان من الحاجات اللي بتساعدك علي الاسترخاء وعلي تخفيف الالام الجسم والمفاصل .

اتجنب النوم بوضعية خطا تضر بفقرات الظهر زي النوم علي البطن ، من افضل الوضعيات للظهر هو النوم علي الجنب مع فرد الظهر بشكل مستقيم وثني الركبتين ووضع وسادة بينهما .

النوم لفترات طويلة لمدة 10 او 12 ساعة بيسبب الالام بالظهر ، اتجنب النوم لفترات طويلة متواصلة لانها بتسبب الالام بالجسم كله.

ارتدي الاحذية الرياضية المريحة للظهر .
النوم علي البطن بيسبب الالام اسفل الظهر .