في المقال ده هنقولك عن ازاي تتخلص من العرق الزائد اذا كنت من شريحة الناس اللي بتعاني من العرق بشكل زائد عن الطبيعي خصوصا في مناطق معينة من الجسم زي راحة اليد والقدمين وتحت الابطين ودي بتبقي اكتر مناطق مسببة مشكلة لصاحبها سواء عند مصافحة الناس او بسبب مظهر الملابس ورائحتها …

من الطبيعي ان كل الناس بتعرق ولكن بمعدل طبيعي وعشان تقدر تحدد اذا كان المعدل ده زايد عن الطبيعي لازم تكون في بعض العلامات اللي من خلالها تقدر تحددان العرق زائد عن الطبيعي علي سبيل المثال لو لاحظت ان اتكرر اكتر من مرة وحد مسح ايده بعد مصافحته لك بمناديل ، او بعد المشي لمدة ربع ساعة رجعت وهدومك مبتلة تماما ، او دايما بتلاحظ ان العرق في الملابس تحت الابطين ظاهر في شكل دايرة كبيرة دي كلها من العلامات اللي بتدل ان العرق زائد عن الطبيعي .

  •  كتر من المياة

كتر من شرب المياة بانتظام لانها بتساعد علي تنظيم درجة حرارة الجسم وبالتالي تقليل فرط التعرق ، متققلش يوميا عن شرب 2 لتر من الماء او العصير .

  •  العب رياضة واتخلص من الوزن الزائد

الرياضة من الحاجات اللي بتنظم من عملية افراز العرق ،اشترك في نوع معين من الرياضة واستمر عليه قدر الامكان ، الرياضة عموما مفيدة لجميع اجهزة ووظائف الجسم و زيادة كمية الدهون في الجسم من الحاجات اللي بترفع درجة حرارة الجسم وبتسبب زيادة نسبة العرق ، حاول تتبع نظام صحي وعادات صحية سليمة مع الانتظام علي ممارسة الرياضة بانتظام .

  •  غير ملابسك باستمرار

تراكم العرق لفترات خصوصا للاشخاص المفرطين في التعرق بيسبب ائحة منفرة ، اهتم بغسل هدومك باستمرار ، وتجنب عدم تغيير الملابس لفترة طويلة .

  •  اعمل الفحوصات اللازمة

احيانا بيكون التعرق الغير طبيعي بيكون عرض لوجود بعض الامراض اللي محتاجة للعلاج في الاساس عشان يبدا يقل افراز العرق للشكل الطبيعي زي زيادة في نشاط الغدة الدرقية او مرض السكر او انيميا او فقر دم الخ .. من المهم تستشير الطبيب المختص وتعمل الفحوصات اللازمة للتاكد من عدم وجود سبب مرضي .

  •  استخدم مزيل العرق

من المهم خروج العرق في الجسم ومنع خروجها بيبقي شئ مضر للجسم تجنب استخدام مضاد التعرق واستخدم مزيل العرق وبعد الاستحمام ، واحرص دايما علي نضافة المناطق غزيرة التعرق احرص علي غسيلها بالماء وجيل الاستحمام …

استخدام مزيل العرق مع وجود عرق مبيمنعش وجود رائحة عرق كريهة بالشكل الكافي ، احرص علي تنضيفها اولا سواء بالماء والصابون او بقطنة بمياة الورد ثم استخدم مزيل العرق ، اترك مزيل العرق حتي يجف قبل ارتداء الملابس .

  •  زيل الشعر الزائد

احرص علي ازالة الشعر الزائد ونظافة منطقة اسفل الزراعين باستمرار ، لان وجود الشعر الزائد بيسبب زيادة في نسبة التعرق بهذه المنطقة وبيساعد علي تكون البكتريا اللي بتسبب وجود رائحة منفرة وكريهة للعرق .

  •  ارتدي فنلة قطنية بيضاء

ارتدي فنلة بيضاء قطنية تحت الملابس ، لانها بتقلل من زيادة كمية العرق بشكل غير طبيعي وبتمنع وصوله للملابس الخارجية وبتمتص من العرق الزائد وبتقلل من رائحة العرق المنفرة .

  •  الاستحمام بشكل منتظم

استخدام مزيل عرق وارتداء الملابس القطنية مش بيغني عن الاستحمام بشكل منتظم يوميا قبل النوم وفي الصباح لمساعدة الجسم انه يكون نضيف ومنتعش لفترة طويلة ومنع تراكم العرق لفترات طويلة .

  •  اخلط الشبة ببودر التلج

اشتري شبة من عند اي عطار واخلطها ببودر تلج وحطها بقطنة في الاماكن اللي اكثر عرضة للتعرق خصوصا في منطقة اسفل الذراعين هتقلل من افراز العرق ومن رائحته ، استخدمها قبل النوم او بعد الاستحمام بعد استخدام ماية الورد ، النشا كمان ممكن تستخدمها بديل لبودر الاطفال ، بتطبيقها علي المنطقة بقطعة من القطن ثم غسلها بالماء البارد .

  •  اتجنب العطور النفاذة

تجنب استخدام العطور النفاذة واللي ليها ريحة قوية لانها بتتفاعل مع رائحة العرق وبتكون رائحة مزعجة قوية ، استخدم بعض الروائح المخصصة لبعد الاستحمام بتساعد علي ان الجسم يكون رائحته منعشة وفي النفس الوقت ريحته خفيفة وملطفة .

  • استخدم الليمون

اعمل اسبراي مخفف من الليمون مع ماء الورد ، احضر بخاخ بلاستيكي فاضي وضع فيه كمية من ماء الورد عليها كمية من عصير الليمون ورش منه علي المناطق الزائدة في التعرق وبعدها بربع ساعة اغسلها بالمياة الساقعة ونشفها جيدا .

او استخدم قطنة عليها بعض العصرات من الليمون واتركها لمدة من 5- 10 دقايق واسلها بالماية الساقعة او قطنة بيها قطعة تلج ونشفها جيدا ، هتقلل من مشكلة العرق الزائد ومن رائحته .

  •  استخدم بيكربونات الصوديوم

اخلط مادة بيكربونات الصوديوم مع الماء حتي تصل الي قوام كالعجين ، افرد كمية من العجين علي المناطق كثيرة التعرق لمدة نصف ساعة ثم ازيلها بالماء ، تفاعل بيكربونات الصوديوم من المواد القلوية مع العرق بطبيعته الحمضية بيخلي العرق سهل التطاير والتبخر .

  •  استخدم خل التفاح

خل التفاح من المواد القابضة اللي بتغلغل داخل مسامات الجلد وبتمنع تكاثر البكتريا وتوازن نسبة الحموضة في الجسم ، استخدم خل التفاح كدهان موضعي ، ضع كمية من خل التفاح بقطنة تحت الابطين قبل النوم ومسحها بالماء والصابون عند الاستيقاظ هيقلل من رائحة العرق ومن افرازه .

  •  التدخلات الطبية

كل الحلول السابقة هي حلول للتغلب علي رائحة العرق المفرطة ولتقليل حدة اثارها ، لكن للتخلص من المشكلة من الاساس يجب التدخل الطبي او الجراحي من قبل الدكاترة المختصين سواء عن طريق حقن البوتكس او الرحلان الشاردي وحبوب مضادات الكولين او عن طريق جراحة العصب الودي ، كلها من الحلول الطبية ولكنها مكلفة وقد تكون مؤلمة واحيانا بعض الاثار الجانبية .

  •  استخدمي زيت الشاي

ضيفي بعض القطرات من زيت الشاي علي كمية من الماية في بخاخ بلاستيكي فارغ واستخدم كمزيل للعرق …

او استخدم زيت الشاي علي هيئة دهان موضعي ، حيث ينصح باستخدام زيت الشاي للتخلص من فرط التعرق في منطقة الوجه والكفين، استخدمه علي المناطق اللي بيزداد فيها التعرق. لان زيت شجرة الشاي بيتميز بقدرته على علاج الفطريات المسببة لرائحة العرق المزعجة وبيساعد علي تضييق المسام الخارجية للبشرة اللي بيخليها جافة .

  • نصائــــح

تناول كوب من المرمرية يوميا بيساعد علي ازالة رائحة العرق المنفرة .