ازاى تكسبي حماتك واهل زوجك


كتير من البنات اللي فرحهم قرب او لسه هيتجوزوا يبقوا عايزين يبنوا علاقة كويسه ما بينهم وبين اهل زوجهم وبيبقي المضوع شاغل تفكيرهم بسبب كتر اللي بيسمعوه عن المشاكل بين الزوجة و الحموات واهل الزوج  والحروبوالصراعات اللي بتتحصل ما بينهم ، عشان كده في المقال ده هنقولك ازاي من الاساس تكوني علاقة ناجحة وسليمة مع حماتك واهل جوزك وتعيشي في جو خالي من الصراعات .

إقرأى أيضاً : إزاى تكسبى حماتك خطوة بخطوة

10 صوت بنسبة 40.0%
7 شخص قاموا بالتجربة

1

متحطيش نفسك في مقارنة مع حماتك

  • من اول الحاجات اللي ممكن تخلق مشاكل كبيرة جدا بين الزوجة والحماة انها تح نفسها في مقارنة معاها وتغير منها من البداية فتحاول تبعد جوزها عن امه ، من المهم انك تعرفي ان حبه ليكي مختلف عن حبه لامه وان حبه لكي ميمنعش ان يحب امه والعكس وان مفيش حاجه فيهم ممكن تاثر علي التانية .
     
  • سبيه يشاركها حاجه بتحبها او يخرج معاها الخ ..بالعكس ساعديه علي ده واظهري رضاكي وفرحتك بعلاقتهم القوية مع بعض ، ده هيخلي حماتك وجوزك يقدروكي ويحبوكي ومع الوقت تبقي جزء منهم وحب حماتك ليكي مع الوقت هيخليها تعاملك كبنتها .


2

اسمعيهم

  • حاولي تتعاملي انك فرض منهم وتهتمي لمشاكلهم وتسمعيهم وتتكلمي معاهم سواء حماتك او اخوات زوجك بدون ما تفرضي نفسك عليهم او تدخلي في خصوصياتهم  او تقيميهم لو هما بيحبوا يكون في مساحة خصوصيه في حياتهم فقربي منهم بس من غر ما تخترقي ده .
     
  •  حاولي تقعدي جمب حماتك وتطلبي منها تحكيلك علي زوجك في طفولته وعن ذكريتهم مع بعض وتفرجك علي صوره وهو صغير وتحكيلك علي الحاجات اللي بتحبها وعن شبابها ، الناس الكبار بيحبوا اللي يسمعهم وبيحبوا يتكلموا عن ذكرياتهم ،ده هيخليها تقرب منك وتحبك جدا .


3

اخرجي معاهم

حاولي تنظمي معاهم وتخرجوا تتفسحوا وتحاولي تكسري جو الروتين وتعملي جو من السعاده في المكان بانكوا تضحكوا وتهزروا او تجيبلهم هدايا بسيطة او اخرجي معاهم لو احتاجوا وجودك معاهم في مشوار معين يشتروا حاجه ده هيكسر الحواجز ما بينكوا بشكل كبير وهيخليهم يحبوكي ويحبوا وجودك و صحبتك .

1-3

هاديهم

تهادوا تحابوا حاولي نخليه مبدا عندك ، حاولي تستغلي اي فرصة انك تهاديهم بهدايا حتي لو رمزيه هتعبرلهم بشكل كبير انك بتفكري فيهم ومهتمه بيهم وبتحبيهم .

4

اتعاملي مع عيوبهم

مفيش انسان خالي من العيوب وكل شخص هيبقي فيه عيب معين مختلف عن التاني حاولي تكتفشي عيوبهم تعرفيها و تتاقلمي عليها و تعرفي ازاي تتعاملي معاها او تتجنيها علي سبيل المثال لو حماتك مفرطه في النظافه حاولي خلال زيارتك ليها  متسبيش طبق متوسخ مكان الاكل او لعب الاولاد وحاولي تسيبي مكانك منظم ونضيف زي ما كان من الاول قبل ما تزوريهم وهكذا ، بكده هتقدري تتجنبي جزء كبير من المشاكل من قبل ما تحصل .

5

خدي مشورتهم

خدي مشورتهم في بعض الامور اللي محتاره فيها بدون اقحامهم في كل تفاصيل حياتك يعني في الحاجات البسيطه اللي مش هتسببلك مشاكل مع زوجك ،ده بشكل كبير هيوصلهم انك مش عايزه تعملي فقاعه ليكي ولزوجك لوحدكوا وتنعزلي عنها هيديهم شعور بالامان وانك بتتعاملي معاهم كاهلك وان رايهم مهم بالنسبالك ، فكذلك هما هيشركوكي في بعض تفاصيل حياتهم .

6

اخلقي جو اسري مابينكوا

  • حاولي تعزميهم علي الغدا وتنظمي يوم تتشاركوا فيه الاكل او تتفرجوا فيه علي فيلم او ماتش كوره وتحاولي يكون في لمسات من البهجه علي المكان بالاضاءه او الزينه وتخلقي جو مرح ده هيزيد ارتباطهم بيكي وتعلقهم بيكي وكونك واحده من اسرتهم  وهيخلق جو مليان بالحب والسكينه .
     
  • اخيرا مفيش بيت بيخلو من المشاكل او الخلافات لكن اللحظات السعيده هي اللي بتصلح اللي بتفسده المشاكل وهو ده اللي بيخللي العلاقات مستمرة رغم الاختلافات.

نصائــــح

  • متخليش زوجك في حيرة بين رضاكي ورضا اهله .
  • العلاقات القوية هتنعكس علي ولادك بالايجاب .
  • حسن تعاملك مع اهل زوجك هيزود حبه واحترامه وتقديره ليكي .

هل لديك أي أسئلة بخصوص هذه المقالة؟