من أصعب الأمور بالنسبه للطفل عامه هو أستقلالك عنه في غرفه منفصله سواء في بدايه ولادتك لأنك بتخافي عليه ينام لوحده أو عند أكتماله أربع سنوات لأكثر ، لأنه بيكون اتعلق بشكل صعب يمنعه من الأنفصال عنك ، لذلك لو قررتي تنيمه في غرفه منفصله بعيد عنك فالسن المناسب اللي تقدري تعملي فيه كدا هو من بدايه العامين لـ 3 سنوات ، وهنساعدك بمجموعه خطوات تعوديه ينام من غيرك بسهوله في مده قصيره :

أول ما تقرري أنه لازم ينام في غرفه منفصله عنك ، أنقليه الغرفه دي ونامي جمبه من أسبوعين لـ 3 أسابيع علشان لو قلق بليل يلاقيكي جمبه وتقدري تنفذي طلباته بسهوله بدون عياط ويوم بعد يوم أبداي أنك تسبيه ينام لوحده بس من وقت للتاني أصحي أطمني عليه وبعد 3 أسابيع بالظبط هيتعود علي الغرفه الجديده ..

بعد 3 أسابيع أفتحي باب غرفتك وأتركيه بحيث أول ما يقلق تسمعي صوته بسهوله فتقومي تساعديه قبل ما يصحي ويجي ينام جمبك ، ولو حصل وجه الغرفه اللي أنتي فيها خديه وأعمليله اللي عاوزه في غرفته ونامي جمبه لحد ما ينام تاني وأتركيه بحيث يصحي الصبح وميلاقكيش جمبه ..

لازم تسيبي طفلك في غرفه أمنه بحيث تكون مأمنه من الشبابيك ، فتكون عاليه عليه وميقدرش يفتحها وتشيلي منها اي أدوات حاده أو اي شئ ممكن يأذي نفسه بيه .

حطي كل الألعاب اللي بيحبها جمبه بحيث لو قلق بليل يقوم يلعب بيها وميحسش بالوحده لوحده ، وبعد فتره هتلاقيه زهق وهتحسيه انه صحي فهتصحي تساعديه في اللي عاوزه أو هيجيلك غرفتك وهيطلب منك هو عاوز ايه بالظبط .

شغلي موسيقي هاديه جمبه بحيث يصحي يحس ان فيه أصوات معاه في الغرفه .
خليكي صاحيه بعد ما ينام بفتره علشان لو قلق بسرعه وأحتاج شئ .
بلاش تطفي أضاءه غرفته كلها ، علشان ميحسش بالقلق أول ما يصحي