لينكد إن هو موقع على شبكة الإنترنت يصنف ضمن الشبكات الإجتماعية تأسس في ديسمبير عام 2002 يستخدم الموقع أساسًا كشبكة تواصل مهنية . لينكد إن من ضمن الشبكات الاجتماعية المهتمة بمجال العمل والتوظيف حيث يستخدم وبشكل اساسي فى البحث عن الوظائف والمهن المختلفة, حيث يوفر لأصحاب الاعمال البيئة المناسبة للحصول على الموظفين او شركاء الاعمال , بالاضافة الى ذلك يمكنك أيضاً التطوير من مهاراتك الوظيفية عن طريق العديد من النقاشات التي تدور بين الأعضاء.

  • سجل حساب جديد

سجل حساب جديد ليك على موقع Linkedin من الرابط الرسمي للموقع واللي هتلاقيه متاح في جزء المصادر في نهاية المقالة

  • صورة بروفايلك

أكبر خطأ ممكن تعمله و انت مستخدم لـ LinkedIn انك متبقاش حاطط صورتك الشخصية .. لما حد بيدخل على بروفايلك و قبل ميقرأ أى كلمة أول حاجه بتقع عنيه عليها هي صورتك فبيحاول يكون إنطباع عنك وساعتها بياخد قرار هيكمل فى انه يشوف بروفايلك ولا لا .. و كل دا من الصورة الشخصية اللى انت حاططها

مفيش شرط معين زي مثلاً إنك تكون لابس فورمل على قد ما هو مهم إن وضعك في الصورة يكون قريب للفورمل مش صورتك مثلا وإنت في مصيف .. ولازم تكون صورتك بجوده كويسه مش بكاميرا وحشه

  • إنشاء رابط مميز ومختصر

موقع Linkedin بيدي لبروفايلك لينك عباره عن أسمك وشوية أرقام وحروف فلازم نغيره ونكتبه بشكل مختصر علشان يظهر بشكل مهني وإحترافي وسهل للنشر ومميز للعين والذاكرة .

  • إعطي نبذه عنك

إكتب نبذة مُختصرة عنك فيها كلمات

إنت ميين ؟

بتعمل أيه ؟

إيه اللي بيميزك في مجالك ؟

إيه مميزاتك الشخصية ؟

طرق التواصل معاك .

وتراعي إن يبقى فيه كلمات محددة Keywords علشان تقدر الناس يوصلوا ليك لما يقوموا بالبحث بيها . ممكن كمان في الجزء ده ترفع سيرتك الذاتية “CV” ولازم تكون عامله بطريقه صحيحه واحترافية علشان تزود فرصك علشان أصحاب العمل يختاروك .

  • التعليم

بتكتب هنا مؤهلاتك الدراسيه والأماكن اللي درست فيها وبتكتب تاريخ بدايتك فيها وتاريخ نهايتها

  • أضف خبراتك

لازم تضيف كل خبراتك السابقة والأماكن اللي إشتغلت فيها قبل كده ودورك فيها إيه ما تكتبش بس الوصف الوظيفي لعملك وتكتفي بكده ولكن حاول إنك تخرج خارج الدائرة دي وإنك تعرض كل اللي حققته في شغلك ده من إنجازمهام وإزاي أضفت قيمة لشغلك أو إزاي حليت مشكلة مريت بها في شغلك . حاول تقرا المقال ده بعنوان ” 12 Tips to improve your work experience section on LinkedIn ”

من الرابط الموجود في الجزء الخاص بالمصادر في أخر المقالة

  • اﻷعمال التطوعية

أكتب في الجزء ده كل الأعمال التطوعيه والتنموية اللي شاركت فيها وإيه دورك والمدة الزمنية اللي قضتها فيها . مجال التطوع مهم جداً وبيكون معيار مهم في معظم الشركات نظراً إن التطوع بيسهم في بناء شوية من سماتك الشخصيه ويعدل فيها بشكل كبير وبيأثر على شخصيتك بشكل إيجابي فبعيداً عن Linkedin إحنا في Ezay.com بننصحك تنزل وتتطوع وتشارك في أقرب جمعية خيرية أو مؤسسة تنموية

  • أضف المهارات والتذكيات الخاصه بك

في الجزء ده إكتب كل المهارات اللي عندك واللي بتعرضك كشخص من أفضل الموجودين في مجالك واللي الشركات بتطلبها كمهارات أساسية للوظيفه المطلوبه . أما التزكيات فهي تأكيد من أشخاص أشتغلت معاهم قبل كده علي المهارات اللي عندك دي معاك قبل كده وإنك فعلًا تمتلكها.

  • أضف شهاداتك

ضيف كل شهادات الدورات التدريبة اللي حصلت عليها سواء كانت من غير شهادة أو بشهادة وسواء كانت أونلاين عن طريق الإنترنت أو علي أرض الواقع أو أي شهاده في مجال تاني لأنه بيعزز فرصك قدام معظم الـ HRs .

  • اللغات

ضيف هنا كل اللغات اللي بتعرفها ومستواك فيها أيه علشان ده مهم جداً لمعظم الشركات وبيعزز فرصك للخروج من بلدك لوظيفه في بلد تانيه محتاجه نفس المهارات اللي عندي