أحياناً بتحتاج تعمل برنت سكرين لشاشة المتصفح أو لصورة على الفيس بوك أو الإنستجرام او حتى لملف او فيديو على اللاب توب او الكومبيوتر الخاص بيك وعشان تقدر تعمل Print Screen بشكل سلس وسريع فى بعض الأدوات اللى ممكن تساعدك تعمل برنت سكرين فى أسرع وقت على ازاى دوت كوم

أسهل وأسرع طريقة لعمل برنت سكرين على اللاب توب او الكومبيوتر هى إستخدام موقع Snaggy اللى هتلاقى اللينك بتاعة موجود فى نهاية المقالة فى خانة المصادر

بعد الدخول للموقع إختار الشاشة اللى عايز تعملها برنت سكرين سواء كانت على الإنترنت أو داخل الكومبيوتر بتاعك أو اللاب توب وإضغط على زرار ALT+PrintScreen

بعد إختيار الشاشة والضغط على ALT+PrintScreen هترجع تانى لموقع Snaggy وتضغط على CTRL+V عشان تعمل برنت سكرين للشاشة وتتحول لصورة تقدر تحملها .

بعد كده هيتم تحويلك لصفحة فيها الصورة اللى عملتلها برنت سكرين تقدر تعدل عليها وتعملها Crop او تكتب عليها اون لاين وبعد كده تقدر تحملها بسهولة .