فئة من الناس بتعاني ان معدل الحرق بطئ جدا وده بيسببلهم زيادة في الوزن بطريقة سريعة او من الاكل الطبيعي اللي كل الناس بتاكله ،عشان كده في المقاله دي هنقولك ازاي تزودي معدل حرقك بتغير بعض العادات اليومية البسيطة جدا .

النوم بشكل منتظم وثابت في ساعات محدده مهم جدا لموازنة هرمونات الجسم من المهم الصحيان بدري واخد وجبة الفطار بدري والنوم اثناء فترة الليل من الحاجات اللي بتحسن الحرق لان الجسم بيزيد معدله حرقه الصبح وبيبدأ يقل بالتدريج اثناء فترة الليل .

من المهم النوم لعدد ساعات كافي من (٧-٨)ساعات بيحافظ وبيعزز حرق الجسم لانه بيساعد علي افراز هرمون لبتن بيساعد علي الشعور بالجوع .

خد فيتامين سي سواء كمشروبات او في الاكل ، فيتامين سي بشكل عام بيزود الحرق بنسبه ملحوظه (الليمون _ البرتقال_ التوت _ الطماطم _ الجريب فروت) ، ضيفي بشكل دايم بعض نقط عصير الليمون علي الاكل او شرب عصائر زي البرتقال .

وجبة الفطار من الوجبات المهمه اللي بتدي اشاره للجسم انو يبدأ في عملية الحرق ،تجاهل اي وجبه من وجبات اليوم مبيساعدش الجسم انو يخس او يحرق علي عكس الاعتقاد الشائع ، الجسم بيحرق كل ما الانسان بياكل والسمنه بتحصل نتيجة الاكل بكميات اكبر من الحرق ، تجاهل اي وجبه بيدي اشاره للجسم انو يقلل الحرق تدريجيا لحد ما يتوقف في معاد الوجبه دي فيبدا الجسم يحرق مرتين في اليوم بدل 3 مرات.

‎2كوب ماية علي الريق في الشتاء او ‎4 اكواب علي الريق في الصيف وعليهم معلقة عسل ابيض زائد عصرة ليمون وشعرة جنزبيل و كوبايتين من الماية قبل كل وجبه بينضف الجسم من السموم وبيساعد علي تنظيم وزيادة الحرق بالجسم .

الرياضه باي شكل من اشكلها بتحرق الدهون بشكل مباشر وكمان بتعلي من مستوي الحرق في الجسم ، لو مفيش وقت تلعب رياضه في نادي او تشترك في رياضه معينه ممكن تركن عربيتك علي بعد كيلو او نص من مكان شغلك وتتمشاها و لو بتركب مواصلات انزل قبل المكان اللي هتروحه بمسافة واتمشاها ، او اشتري جهاز رياضي بالبيت والعب عليه في اوقات فراغك .

كل قطعتين اناناس بين الوجبات لان الاناناس فيه انزيم برومولين هو انزيم بيفتت البروتينات والدهون لكن متفطرتش في تناوله لانه بيه سكريات ، كمان الخل من الحاجات اللي بتساعد علي الحرق ضيفه علي الاكل مع الليمون .