لو عندك صداع كلى أو نصفى ومحتاج تتخلص منه فى أسرع وقت لكن من غير أدوية فى المقالة دى هنقولك إزاى تقدر تتخلص من الصداع فى 5 دقائق عن طريق عمل تدليك لبعض النقاط فى الرأس والنقاط دى هتلاقيها مشار إليها باللون الأحمر فى الخطوات التالية عادة عملية التدليك بتاخد 60 ثانية فقط وبتعيدها لمدة 5 دقائق لحد ما الصداع يروح تماماً

إبدأ بتدليك النقطة اللى ما بين الحاجبين أو ما يطلق عليها إسم العين الثالثة بصباعك الإبهام بشكل دائرى لمدة 10 ثوانى النقطة دى بتسمى بإسم Yintang Point

النقاط اللى بتقع أسفل الحاجبين مباشرة وفوق الأعين هتقوم بتدليكها بصوابعك الإبهام لمدة 10 ثوانى والنقط دى بتسمى بإسم Zan Zhu Points

هتقوم بتدليك النقاط الموجودة فى الصورة التالية لمدة 10 ثوانى أعلى طرفى الفم وأسفل الأنف مباشرة وهذه النقط بتسمى YingXiang Points

هذه النقاط مسؤولة عن علاج ألام العين والصداع النصفى والكلى وهى متصلة بالعمود الفقرى قم بتدليكها لمدة 10 ثوانى بإيدك الإثنين هذه النقاط بتسمى أيضاً بإسم Tian Zhu Points

هذه النقاط مسؤولة عن الألم الذى يتواجد فى جانبى الرأس يمكنك أن تجدها أعلى الإذنين مع بداية خط الشعر قم بتدليكها لمدة 10 ثوانى وستشعر براحة كبيرة .

هذه النقاط المتماثلة تساعد على تقليل ألام الظهر والرقبة تدليكها لمدة 10 ثوانى سيساعدك على الشعور بالراحة السريعة وتنفيث الضغط المتواجد على العمود الفقرى أو الرقبة .

إشرب شاى أو قهوة عشان يساعدوك على تقليل الصداع النصفى فى وقت أسرع
إبتعد عن النور العالى المواجه ليك لأنه هيتعب عينك ويزود الصداع